ಮೆಗಾ ಕುಟುಂಬಕ್ಕೆ ಹೊಸ ಅತಿಥಿಯ ಎಂಟ್ರಿ: Ram Charan ಹಂಚಿಕೊಂಡ್ರು ಕ್ಯೂಟ್​ ಫೋಟೋಗಳು

ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯವಾಗಿರುವ ಮೆಗಾ ಕುಟುಂಬದ ಮಗ ರಾಮ್ ಚರಣ್ ತೇಜ ಅವರು ಅಭಿಮಾನಿಗಳ ಜೊತೆ ಒಂದು ಖುಷಿಯ ವಿಚಾರವನ್ನು ಹಂಚಿಕೊಂಡಿದ್ದಾರೆ. ಹೌದು, ಇದು ಅವರ ವೈಯಕ್ತಿಕ ಜೀವನಕ್ಕೆ ಸಂಬಂಧಿಸಿದ್ದಾಗಿದೆ.

ರಾಮ್ ಚರಣ್ ತೇಜ ಅವರು ತಮ್ಮ ಮನೆಗೆ ಎಂಟ್ರಿ ಕೊಟ್ಟಿರುವ ಹೊಸ ಅತಿಥಿಯ ಕುರಿತಾಗಿ ಒಂದು ಪೋಸ್ಟ್​ ಮಾಡಿದ್ದಾರೆ. ಹೊಸ ಅತಿಥಿಯ ಜೊತೆಗಿನ ಕೆಲವು ಫೋಟೋಗಳನ್ನೂ ಹಂಚಿಕೊಂಡಿದ್ದಾರೆ ರಾಮ್​ ಚರಣ್​.

ಅಷ್ಟಕ್ಕೂ ಯಾರು ಆ ಹೊಸ ಅತಿಥಿ. ಮೆಗಾ ಕುಟುಂಬಕ್ಕೆ ಬಂದಿರುವ ಆ ಹೊಸ ಸದಸ್ಯ ಮತ್ತಾರೂ ಅಲ್ಲ ಅವರ ಮುದ್ದಿನ ನಾಯಿ. ಹೌದು, ರಾಮ್​ ಚರಣ್​ ಅವರು ಒಂದು ನಾಯಿ ಮರಿಯನ್ನು ಮನೆಗೆ ತಂದಿದ್ದಾರೆ.

ತಮ್ಮ ಮನೆಯ ಪುಟ್ಟ ಸದಸ್ಯನಿಗೆ ರೈಮ್​​ ಎಂದು ನಾಮಕರಣ ಮಾಡಿದ್ದಾರೆ. ಅಲ್ಲದೆ ಮುದ್ದಿನ ನಾಯಿ ಮರಿ ಜೊತೆ ಕೆಲವು ಕ್ಯೂಟ್​ ಫೋಟೋಗಳನ್ನು ತೆಗೆಸಿಕೊಂಡಿದ್ದು, ಅದನ್ನು ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಶೇರ್​ ಮಾಡಿದ್ದಾರೆ.

ಇನ್ನು ರಾಮ್​ ಚರಣ್​ ಅವರ ಹೊಸ ಸಿನಿಮಾದ ಮುಹೂರ್ತ ಹೈದರಾಬಾದಿನಲ್ಲಿ ನೆರವೇರಿದೆ. ಬಿಗ್ ಬಜೆಟ್​ನ ಸಿನಿಮಾ ಆಗಿದ್ದು, ಈ ಚಿತ್ರದಲ್ಲಿ ಬಾಲಿವುಡ್​ ನಟಿ ಕಿಯಾರಾ ಅಡ್ವಾಣಿ ಅವರು ನಾಯಕಿಯಾಗಿದ್ದಾರೆ.

ಬಿಗ್ ಬಜೆಟ್ ಸಿನಿಮಾಗಳ ನಿರ್ದೇಶಕ ಶಂಕರ್ ಅವರು ಈ ಸಿನಿಮಾಗೆ ಆ್ಯಕ್ಷನ್ ಕಟ್​ ಹೇಳುತ್ತಿದ್ದು, ಚಿತ್ರದ ಒಂದು ಪೋಸ್ಟರ್​ಗೆ ಲಕ್ಷ ಲಕ್ಷ ಖರ್ಚು ಮಾಡಿದ್ದಾರೆ. ಇನ್ನು ಈಗ ಒಂದು ಆ್ಯಕ್ಷನ್​ ಸೀಕ್ವೆನ್ಸ್​ಗೆ 10 ಕೋಟಿ ವೆಚ್ಚ ಮಾಡಲಿದ್ದಾರೆ ಅನ್ನೋ ಸುದ್ದಿ ಸಹ ಕೇಳಿ ಬರುತ್ತಿದೆ. ಇದರ ಜೊತೆಗೆ ರಾಮ್​ ಚರಣ್ ಹಾಗೂ ಜೂನಿಯರ್ ಎನ್​ಟಿಆರ್​ ಅಭಿನಯದ ಆರ್​ಆರ್​ಆರ್​ ಸಿನಿಮಾ ಸಹ ರಿಲೀಸ್​ಗೆ ಸಜ್ಜಾಗಿದೆ.