Ram Charan: ಗ್ಲೋಬಲ್ ಸ್ಟಾರ್ ಆದ್ರೂ ಪತ್ನಿ ಶಾಪಿಂಗ್ ಬ್ಯಾಗ್ ಹಿಡಿಯಲೇಬೇಕು! ಗರ್ಭಿಣಿ ಹೆಂಡತಿಯ ಆಸೆ ಈಡೇರಿಸಿದ ರಾಮ್‌ ಚರಣ್

ವಾರಗಳಿಂದ ಅಮೆರಿಕಾದಲ್ಲಿರುವ ರಾಮ್ ಚರಣ್ ಪತ್ನಿ ಉಪಾಸನಾ ಜೊತೆ ಅನೇಕ ಸ್ಥಳಗಳಿಗೆ ಭೇಟಿ ನೀಡಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಉಪಾಸನಾ ವಿಡಿಯೋ ಹಂಚಿಕೊಂಡಿದ್ದಾರೆ. ತಂದೆಯಾಗ್ತಿರುವ ಖುಷಿಯಲ್ಲಿ ರಾಮ್ ಚರಣ್ ಇದ್ದಾರೆ.

ವಿಡಿಯೋ ಹಂಚಿಕೊಂಡ ಉಪಾಸನಾ ಪತಿ ಬಗ್ಗೆ ಕೂಡ ಬರೆದುಕೊಂಡಿದ್ದಾರೆ. ಹಲವು ದಿನಗಳ ಬಳಿಕ ನನಗೆ ಮಿಸ್ಟರ್ ಸಿ ಸಿಕ್ಕಿದ್ದಾರೆ ಎಂದು ಬರೆದುಕೊಂಡಿದ್ದಾರೆ. ಪತಿ ಜೊತೆಗೆ ಸಂತಸದ ಕ್ಷಣಗಳನ್ನು ಕಳೆದಿದ್ದಾರೆ.

ಅಮೆರಿಕಾದಲ್ಲಿ ದಂಪತಿ ಸಖತ್ ಫೋಟೋಶೂಟ್ ಕೂಡ ಮಾಡಿಸಿದ್ದಾರೆ. ಈ ಫೋಟೋಗಳು ಕೂಡ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ಅಮೆರಿಕಾದಲ್ಲಿ ಪತ್ನಿಯನ್ನು ಜಾಲಿ ರೈಡ್ ಕರೆದುಕೊಂಡು ಹೋದ ರಾಮ್ ಚರಣ್ ಪತ್ನಿಗೆ ಕೇರ್ ಟೇಕರ್ ಕೂಡ ಆಗಿದ್ರು. ಉಪಾಸನಾ ಶಾಪಿಂಗ್ ಮಾಡಿದ ಬಟ್ಟೆಗಳ ಬ್ಯಾಗ್ ಹಿಡಿದು ಉಪಾಸನಾ ಹಿಂದೆ ಹೋಗುತ್ತಿರುವ ಫೋಟೋಗಳು ವೈರಲ್ ಆಗಿದೆ.

ಬೇಬಿ ಬಂಪ್​ನೊಂದಿಗೆ ಉಪಾಸನಾ, ರಾಮ್​ ಚರಣ್ ಜೊತೆ ಫೋಟೋಗೆ ಪೋಸ್ ಕೊಟ್ಟಿದ್ದಾರೆ. ಅಮೆರಿಕಾದಲ್ಲಿ ಗರ್ಭಿಣಿ ಪತ್ನಿಯಾ ಆಸೆಗಳನ್ನು ರಾಮ್ ಚರಣ್ ಈಡೇರಿಸಿದ್ದಾರೆ.

ಅಮೆರಿಕಾಗೆ ತೆರಳಿದ್ದ ರಾಮ್ ಚರಣ್ ಟಿವಿ ಕಾರ್ಯಕ್ರಮವೊಂದರಲ್ಲಿ ಲೇಡಿ ಡಾಕ್ಟರ್ ಒಬ್ಬರ ಅಪಾಯಿಂಟ್ಮೆಂಟ್ ಪಡೆದುಕೊಂಡಿದ್ದಾರೆ. ಇದ್ರಿಂದ ಉಪಾಸನಾ ಅಮೆರಿಕಾದಲ್ಲೇ ಮಗುವಿಗೆ ಜನ್ಮ ನೀಡ್ತಾರೆ ಎನ್ನುವ ಸುದ್ದಿ ಹಬ್ಬಿತ್ತು. ಉಪಾಸನಾ ಅಮೆರಿಕಾಗೆ ಹೆರಿಗೆಗಾಗಿ ತೆರಳುತ್ತಾರೆ ಎನ್ನಲಾಗ್ತಿತ್ತು.

ಉಪಾಸನಾ ಕೊನಿಡೆಲಾ ಅವರು ಟ್ವೀಟ್ ಮಾಡುವ ಮೂಲಕ ಗಾಸಿಪ್​ಗೆ ತೆರೆ ಎಳೆದಿದ್ದಾರೆ. ಅಲ್ಲದೇ ಅವರು ಹೇಳಿಕೆ ಕೂಡ ಬಿಡುಗಡೆ ಮಾಡಿದ್ದು, ಭಾರತದಲ್ಲೇ ಮೊದಲ ಮಗುವಿಗೆ ಜನ್ಮ ನೀಡಲಿದ್ದೇನೆ ಎಂದು ಹೇಳಿದ್ದಾರೆ. ಭಾರತದಲ್ಲಿನ ವಿಶ್ವದರ್ಜೆಯ ವೈದ್ಯರ ಜೊತೆಗೆ ಅಮೆರಿಕದ ಡಾ. ಜೆನ್ ಆಸ್ಟನ್ ಕೂಡ ಈ ವೇಳೆ ಉಪಾಸನಾ ಜೊತೆ ಇರಲಿದ್ದಾರೆ.

ರಾಮ್ ಚರಣ್ ಮತ್ತು ಉಪಾಸನಾ ಅವರು ಮದುವೆ ಆಗಿದ್ದು 2012ರ ಜೂನ್ 14ರಂದು. ವೈವಾಹಿಕ ಜೀವನಕ್ಕೆ ಕಾಲಿಟ್ಟು 10 ವರ್ಷಗಳ ಬಳಿಕ ದಂಪತಿ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಉಪಾಸನಾ ಗರ್ಭಿಣಿ ಎನ್ನುವ ವಿಚಾರವನ್ನು ಚಿರಂಜೀವಿ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ರು.