Rakul Preet Singh: ಜನರಲ್ಲಿ ದುಡ್ಡಿಲ್ಲ! ಅದಕ್ಕೇ ನನ್ನ ಸಿನಿಮಾ ಫ್ಲಾಪ್ ಆಗ್ತಿದೆ ಎಂದ ನಟಿ

ಬಾಲಿವುಡ್ ನಟಿ ರಾಕುಲ್ ಪ್ರೀತ್ ಸಿಂಗ್ ಅವರು ಸೌತ್ ಸಿನಿಮಾ ಹಾಗೆಯೇ ಬಾಲಿವುಡ್​ನಲ್ಲಿಯೂ ಮಿಂಚಿದ ನಟಿ. ಆದರೆ ಇತ್ತೀಚೆಗೆ ಯಾಕೋ ಅವರ ಸಿನಿಮಾಗಳು ಅಷ್ಟು ಹಿಟ್ ಆಗುತ್ತಿಲ್ಲ.

ರಾಕುಲ್ ಅವರ ಸಾಲು ಸಾಲು ಸಿನಿಮಾ ಫ್ಲಾಪ್ ಆಗುತ್ತಿದೆ. ಈ ಸತತ ಸೋಲುಗಳ ಬಗ್ಗೆ ನಟಿ ತಮ್ಮ ಅಭಿಪ್ರಾಯವನ್ನು ತಿಳಿಸಿದ್ದಾರೆ. ತಮ್ಮ ಮೂವಿ ಯಾಕೆ ಫ್ಲಾಪ್ ಆಗುತ್ತೆ ಎಂದು ರಿವೀಲ್ ಮಾಡಿದ್ದಾರೆ.

ಹೀಗಿದ್ದರೂ ಬಾಕ್ಸ್ ಆಫೀಸ್ ಕಲೆಕ್ಷನ್ ಹೇಗಿದೆ ಎಂದು ನೋಡಿಯೇ ಚಿತ್ರ ಫ್ಲಾಪ್​ ಅಥವಾ ಹಿಟ್ ಎಂಬುದನ್ನು ತೀರ್ಮಾನಿಸಲಾಗುತ್ತದೆ. ಆ ರೀತಿ ಮಾಡಬಾರದು ಅನ್ನೋದು ರಾಕುಲ್ ಅವರ ಅಭಿಪ್ರಾಯ.

2022ರಲ್ಲಿ ರಾಕುಲ್ ನಟನೆಯ ಐದು ಚಿತ್ರಗಳು ರಿಲೀಸ್ ಆದವು. ಅಟ್ಯಾಕ್​, ರನ್​ವೇ 34, ಕಟ್​ಪುಟ್ಲಿ, ಡಾಕ್ಟರ್ ಜಿ, ಥ್ಯಾಂಕ್ ಗಾಡ್ ಎಲ್ಲವೂ ಬಾಕ್ಸ್ ಆಫೀಸ್​ನಲ್ಲಿ ಫೇಲ್ ಆಯಿತು. ಆದರೆ ನಟಿಯ ಉತ್ತರಕ್ಕೆ ಪ್ರತಿಕ್ರಿಯಿಸಿದ ನೆಟ್ಟಿಗರು ಹಾಗಿದ್ರೆ ಕಾಂತಾರ, ಪಠಾಣ್ ಸಿನಿಮಾ ಹೇಗಮ್ಮಾ ಗೆದ್ದಿದ್ದು ಎಂದು ಕಾಲೆಳೆದಿದ್ದಾರೆ.

ಪ್ರತಿ ವಾರ ಸಿನಿಮಾ ರಿಲೀಸ್ ಆಗುತ್ತದೆ. ಕೆಲವೊಮ್ಮೆ ವಾರಕ್ಕೆ ಎರಡು ಸಿನಿಮಾ ಒಟ್ಟಿಗೆ ರಿಲೀಸ್ ಆಗುತ್ತದೆ. ಎಲ್ಲ ಸಿನಿಮಾ ಜನ ನೋಡಬೇಕು ಎಂದುಕೊಂಡರೆ ಅದು ಸರಿಯಲ್ಲ. ಎಲ್ಲ ಸಿನಿಮಾ ನೋಡೋಕೆ ಜನರ ಬಳಿಯೂ ದುಡ್ಡಿಲ್ಲ. ಹೀಗಾಗಿ ಬಾಕ್ಸ್ ಆಫೀಸ್ ಗಳಿಕೆ ಮೇಲೆ ಸಿನಿಮಾವನ್ನು ಅಳೆಯಬಾರದು ಎಂದಿದ್ದಾರೆ.

ರಾಕುಲ್ ಪ್ರೀತ್ ಸಿಂಗ್ ಬಾಲಿವುಡ್ ನಿರ್ಮಾಪಕ ಜಾಕಿ ಭಗ್ನಾನಿ ಜೊತೆ ಡೇಟಿಂಗ್ ಮಾಡುತ್ತಿದ್ದಾರೆ. ಈ ಕಾರಣಕ್ಕೂ ಅವರು ಸುದ್ದಿಯಲ್ಲಿದ್ದಾರೆ.

ಸದ್ಯ ನಟಿಯ ಸಿನಿಮಾ ಕೂಡಾ ಕ್ಲಿಕ್ ಆಗದ ಕಾರಣ ನಟಿ ಒಂದು ಬ್ರೇಕ್ ತೆಗೆದುಕೊಂಡು ಮದುವೆಯಾಗಲಿದ್ದಾರೆ ಎನ್ನುವ ಸುದ್ದಿಯೂ ಕೇಳಿ ಬಂದಿದೆ.

ನಟಿ ಈಗಾಗಲೇ ತೆಲುಗು ಹಾಗೂ ಹಿಂದಿ ಸಿನಿಮಾಗಳಲ್ಲಿ ನಟಿಸಿ ಸೈ ಎನಿಸಿಕೊಂಡಿದ್ದಾರೆ. ನಟಿಗೆ ಸೌತ್ ಇಂಡಸ್ಟ್ರಿಯಲ್ಲಿಯೂ ಅಭಿಮಾನಿಗಳಿದ್ದಾರೆ.