Rakhi Sawant: ಮದುವೆಯಾದ ಖುಷಿಯ ಬೆನ್ನಲೇ ರಾಖಿ ಸಾವಂತ್​ಗೆ ಗರ್ಭಪಾತ

ವಿವಾದಗಳಿಂದಲೇ ಸುದ್ದಿ ಮಾಡುವ ನಟಿ ರಾಖಿ ಸಾವಂತ್ ಅವರ ಕುರಿತು ಶಾಕಿಂಗ್ ವಿಚಾರವೊಂದು ರಿವೀಲ್ ಆಗಿದೆ. ಆದಿಲ್ ಖಾನ್ ದುರಾನಿ ಜೊತೆಗಿನ ಮದುವೆ ಸುದ್ದಿ ನಂತರ ಈಗ ರಾಖಿ ಸಾವಂತ್ ಬಗ್ಗೆ ಇನ್ನೊಂದು ವಿಚಾರ ಕೇಳಿ ಬಂದಿದೆ.

ಆದಿಲ್ ನನ್ನನ್ನು ತೊರೆದಿದ್ದಾನೆ ಎಂದು ಕಂಗೆಟ್ಟಿದ್ದ ರಾಖಿಗೆ ಕೊನೆಗೂ ಆದಿಲ್ ಅಭಯ ಕೊಟ್ಟಿದ್ದಾನೆ. ಎಲ್ಲವೂ ಸುಖಾಂತ್ಯವಾಗಿದೆ. ಆದರೆ ಈಗ ನೋವಿನ ಸಂಗತಿಯೊಂದು ಹೊರಬಿದ್ದಿದೆ.

ಸೆಲೆಬ್ರಿಟಿ ಫೋಟೋಗ್ರಫರ್, ಸೋಷಿಯಲ್ ಮೀಡಿಯಾ ಇನ್ಫ್ಲುಯೆನ್ಸರ್ ವಿರಾಲ್ ಭಯಾನಿ ಅವರು ಲೇಟೆಸ್ಟ್ ಪೋಸ್ಟ್​ನಲ್ಲಿ ರಾಖಿ ಸಾವಂತ್​ಗೆ ಗರ್ಭಪಾತ ಆಗಿರುವ ವಿಚಾರವನ್ನು ರಿವೀಲ್ ಮಾಡಿದ್ದಾರೆ. ರಾಖಿ ಸಾವಂತ್ ಯಾವಾಗಲೂ ನಮ್ಮನ್ನು ನಗಿಸಿದ್ದಾರೆ. ನಾವು ಅವರನ್ನು ಹಗುರವಾಗಿ ತೆಗೆದುಕೊಂಡೆವು. ಆದರೆ ಇವರು ಬಹಳಷ್ಟು ನೋವಿನಲ್ಲಿದ್ದಾರೆ ಎಂದು ಪೋಸ್ಟ್​ನಲ್ಲಿ ಬರೆದಿದ್ದಾರೆ.

ಅವರು ಮಳೆಯಲ್ಲಿ ಅಳುವ ವ್ಯಕ್ತಿ. ಅವರ ಅಮ್ಮನ ಆರೋಗ್ಯ ಸಮಸ್ಯೆಗಳ ಮಧ್ಯೆ ಅವರ ವೈಯಕ್ತಿಕ ಜೀವನದಲ್ಲಿಯೂ ಕೆಟ್ಟ ಘಟನೆ ನಡೆಯುತ್ತಿದೆ.

ಹೌದು. ನಾನು ಗರ್ಭಿಣಿಯಾಗಿದ್ದೆ. ಬಿಗ್​ಬಾಸ್ ಮರಾಠಿ ಶೋನಲ್ಲಿ ಇದನ್ನು ಘೋಷಿಸಿದ್ದೆ. ಆದರೆ ಎಲ್ಲರೂ ಇದನ್ನು ತಮಾಷೆ ಎಂದುಕೊಂಡರು. ಸೀರಿಯಸ್ ಆಗಿ ತೆಗೆದುಕೊಳ್ಳಲಿಲ್ಲ ಎಂದು ರಾಖಿ ಹೇಳಿದ್ದಾರೆ.

ಸಲ್ಮಾನ್ ಖಾನ್ ಅವರು ರಾಖಿ ಹಾಗೂ ಆದಿಲ್ ಒಂದಾಗಲು ಸಹಾಯ ಮಾಡಿದ್ದಾರೆ ಎನ್ನಲಾಗಿದೆ. ಸಲ್ಮಾನ್ ಖಾನ್ ಅವರು ಆದಿಲ್​ಗೆ ಕರೆ ಮಾಡಿ ಮಾತನಾಡಿದ್ದಾರೆ ಎಂದು ರಾಖಿ ಹೇಳಿದ್ದಾರೆ.

ಆದಿಲ್ ಹಾಗೂ ರಾಖಿ ಸಾವಂತ್ ಜೊತೆಯಾಗಿ ಬಿಗ್​ಬಾಸ್ 15ರಲ್ಲಿ ಕಾಣಿಸಿಕೊಂಡಿದ್ದರು. ರಿತೇಶ್ ಜೊತೆಗಿನ ಮದುವೆ ನಾನು ಮಾಡಿದ ತಪ್ಪು. ಅವನಿಗೆ ವಿಚ್ಛೇದನೆ ಆಗಿರಲಿಲ್ಲ. ಹಾಗಾಗಿ ಆ ಮದುವೆ ವ್ಯಾಲಿಡ್ ಅಲ್ಲ ಎಂದಿದ್ದರು.