Rakhi Sawant: ಒಡವೆ ಮಾರಿಬಿಟ್ಟೆ, ನನ್ನದೆಲ್ಲ ಕಿತ್ತುಕೊಂಡ! ಆದ್ರೂ ಡಿವೋರ್ಸ್ ಕೊಡಲ್ಲ ಎಂದ ರಾಖಿ

ಬಾಲಿವುಡ್ ನಟಿ, ಬಿಗ್​ಬಾಸ್ ಖ್ಯಾತಿಯ ನಟಿ ರಾಖಿ ಸಾವಂತ್ ಅವರು ಮೈಸೂರು ಮೂಲದ ಮುಂಬೈನ ಮಾಡೆಲ್ ಆದಿಲ್ ಖಾನ್ ದುರಾನಿಯನ್ನು ಮದುವೆಯಾಗಿದ್ದಾರೆ. ಆದರೆ ಈಗ ಕೆಲವು ವಾರಗಳಿಂದ ಇವರು ವೈವಾಹಿಕ ಜೀವನ ದೊಡ್ಡಮಟ್ಟದಲ್ಲಿ ಸುದ್ದಿಯಾಗುತ್ತಿದೆ.

ಆದಿಲ್ ಖಾನ್ ದುರಾನಿ ರಾಖಿಯನ್ನು ಬಿಟ್ಟು ಹೋಗುವ ಮಾತನಾಡಿದಾಗ ನಟಿ ತನ್ನ ಮದುವೆಯಾಗಿರುವ ವಿಚಾರವನ್ನು ರಿವೀಲ್ ಮಾಡಿದ್ದಾರೆ. ಮದುವೆ ಫೋಟೋ, ದಾಖಲೆಗಳನ್ನು ರಿಲೀಸ್ ಮಾಡಿದ್ದರು.

ಆದರೆ ಸ್ವಲ್ಪ ದಿನಗಳ ನಂತರ ಇವರಿಬ್ಬರೂ ಒಂದಾದರು. ಆದರೆ ನಂತರ ರಾಖಿ ಸಾವಂತ್ ಪತಿಯ ಬಗ್ಗೆ ಆರೋಪಿಸಿ ಗಂಡನಿಗೆ ಬೇರೆ ಯುವತಿ ಜೊತೆ ಸಂಬಂಧ ಇರುವುದಾಗಿ ಆರೋಪ ಮಾಡಿದರು. ಇಬ್ಬರೂ ಪರಸ್ಪರ ಆರೋಪಗಳನ್ನು ಮಾಡಿದರು.

ಆದಿಲ್​ನನ್ನು ನಾನು ಮೈಸೂರಿನಲ್ಲಿ ಭೇಟಿಯಾದೆ. ಒಂದು ವರ್ಷದ ಹಿಂದೆ ಮೀಟ್ ಆದೆವು. 8 ತಿಂಗಳ ಹಿಂದೆ ಮದುವೆಯಾಯಿತು. ನಾನು ಇಸ್ಲಾಂ ಸ್ವೀಕರಿಸಿ ನಿಕಾ ಮಾಡಿಕೊಂಡಿದ್ದೇನೆ ಎಂದಿದ್ದಾರೆ ರಾಖಿ.

ನಮ್ಮ ಮದುವೆ ಮುಂಬೈನಲ್ಲಿ ರಿಜಿಸ್ಟರ್ ಆಗಿದೆ. ಫ್ಯಾಮಿಲಿ ಪ್ಲಾನಿಂಗ್ ಕೂಡಾ ಆಗಿತ್ತು. ಇಬ್ಬರೂ ಜೊತೆಯಾಗಿ ಬಹಳಷ್ಟು ಕೆಲಸ ಮಾಡಬೇಕು ಎಂದು ಕನಸು ಕಂಡಿದ್ದೆ ಎಂದಿದ್ದಾರೆ.

ನಾನು ನನ್ನ ಆಭರಣಗಳನ್ನು ಮಾರಾಟ ಮಾಡಿದೆ. ಆದರೆ ಆದಿಲ್ ನನ್ನಿಂದ ಎಲ್ಲವನ್ನೂ ತೆಗೆದುಕೊಂಡ ಎಂದು ರಾಖಿ ಸಾವಂತ್ ಆರೋಪ ಮಾಡಿದ್ದಾರೆ.

ರಾಖಿ ಸಾವಂತ್ ಸಹೋದರ ಮಾತನಾಡಿ ಆದಿಲ್ ಖಾನ್ ರಾಖಿಯ ಎಲ್ಲ ಆಭರಣವನ್ನೂ, ಹಣವನ್ನೂ ಲೂಟಿ ಮಾಡಿದ್ದಾನೆ. ಆಕೆಯಿಂದ ಹಣಪಡೆದುಕೊಂಡಿದ್ದಲ್ಲದೆ ಅದನ್ನು ಹಿಂದಿರುಗಿಸಿಲ್ಲ ಎಂದು ಆರೋ ಮಾಡಿದ್ದರು.