Bollywood Actresses: ಮದುವೆ ನಂತರ ಗಂಡನಿಂದ ಹಲ್ಲೆಗೊಳಗಾದ ಬಾಲಿವುಡ್ ಸ್ಟಾರ್ ನಟಿಯರಿವರು

ರಾಖಿ ಸಾವಂತ್ ಅವರು ಕೆಲವು ದಿನಗಳ ಹಿಂದೆ ಪತಿ ಆದಿಲ್ ಖಾನ್ ದುರಾನಿ ವಿರುದ್ಧ ಎಫ್ಐಆರ್ ದಾಖಲಿಸಿದ್ದರು. ಆದಿಲ್ ಅವರನ್ನು ಬಂಧಿಸಲಾಯಿತು. ನಟಿ ತನ್ನ ಪತಿ ವಿರುದ್ಧ ವಿವಾಹೇತರ ಸಂಬಂಧ ಮತ್ತು ವಂಚನೆ ಆರೋಪ ಮಾಡಿದ್ದಾರೆ. ನಟಿಯ ತಾಯಿ ಕೆಲ ದಿನಗಳ ಹಿಂದೆ ಕ್ಯಾನ್ಸರ್​ನಿಂದ ಸಾವನ್ನಪ್ಪಿದ್ದರು. 44 ವರ್ಷದ ರಾಖಿ ತನ್ನ ತಾಯಿಯ ಸಾವಿಗೆ ಆದಿಲ್ ಕಾರಣ ಎಂದು ಆರೋಪಿಸಿದ್ದಾರೆ. ಅಲ್ಲದೆ ಆದಿಲ್ ಹಲ್ಲೆ ನಡೆಸಿದ್ದಾರೆ ಎಂದು ಆರೋಪಿಸಿದ್ದಾರೆ. ಈ ಹಿಂದೆ ರಾಖಿ ಸಾವಂತ್ ಹಾಗೂ ಇತರ ಕೆಲವು ನಟಿಯರು ತಮ್ಮ ಪತಿ ವಿರುದ್ಧ ಆರೋಪ ಮಾಡಿದ್ದಾರೆ.

ನಿಶಾ ರಾವಲ್ ಮತ್ತು ಕರಣ್ ಮೆಹ್ರಾ 9 ವರ್ಷಗಳಿಗೂ ಹೆಚ್ಚು ಕಾಲ ಪತಿ-ಪತ್ನಿಯಾಗಿ ವಾಸಿಸುತ್ತಿದ್ದರು. 2021 ರಲ್ಲಿ, ನಟಿ ತನ್ನ ಪತಿಯ ವಿರುದ್ಧ ಹಲ್ಲೆ ಆರೋಪ ಮಾಡಿದರು. ಪೊಲೀಸರಿಗೆ ನೀಡಿದ ದೂರಿನ ನಂತರ ಕರಣ್ ಅವರನ್ನು ಮೇ 2021 ರಲ್ಲಿ ಬಂಧಿಸಲಾಯಿತು. ಜೈಲಿನಲ್ಲಿ ಕೆಲ ಕಾಲ ಕಳೆದ ಬಳಿಕ ಅವರು ಜಾಮೀನಿನ ಮೇಲೆ ಹೊರಬಂದರು.

ನಿಶಾ ರಾವಲ್ ಮತ್ತು ಕರಣ್ ಮೆಹ್ರಾ ನಡುವಿನ ವಿವಾದ ಸಾಕಷ್ಟು ಹೆಚ್ಚಾಗಿದೆ. ನಿಶಾಗೆ ವಿವಾಹೇತರ ಸಂಬಂಧವಿದೆ ಎಂದು ಕರಣ್ ಆರೋಪಿಸಿದ್ದರು. ಮಾಧ್ಯಮ ವರದಿಗಳ ಪ್ರಕಾರ, ಆಲ್ಟ್ ಬಾಲಾಜಿ ಅವರ 'ಲಾಕ್ಡ್ ಅಪ್' ಶೋನಲ್ಲಿ ನಿಶಾ ಇದ್ದಾಗ, ಕರಣ್ ಅವರ ಪತ್ನಿಯಾಗಿದ್ದಾಗ ಒಬ್ಬ ವ್ಯಕ್ತಿಯನ್ನು ಚುಂಬಿಸಿದ್ದೇನೆ ಎಂದು ಬಹಿರಂಗಪಡಿಸಿದರು.

31ರ ಹರೆಯದ ಪೂನಂ ಪಾಂಡೆ ತನ್ನ ವಿವಾದಾತ್ಮಕ ಹೇಳಿಕೆಗಳಿಂದಲೇ ಸುದ್ದಿಯಾಗಿದ್ದಾರೆ. ನಟಿ ಒಮ್ಮೆ ತಾನೂ ಕೂಡಾ ಕೌಟುಂಬಿಕ ಹಿಂಸೆಗೆ ಬಲಿಪಶು ಎಂದು ಹೇಳಿಕೆ ಕೊಟ್ಟರು. ಮಾಧ್ಯಮಗಳ ವರದಿಗಳ ಪ್ರಕಾರ, ಮದುವೆಯಾದ ಕೆಲವೇ ದಿನಗಳಲ್ಲಿ ಪತಿ ಸ್ಯಾಮ್ ತನ್ನೊಂದಿಗೆ ಜಗಳವಾಡಲು ಪ್ರಾರಂಭಿಸಿದ್ದನ್ನು ಅವರು 'ಲಾಕಪ್' ಶೋನಲ್ಲಿ ಬಹಿರಂಗಪಡಿಸಿದ್ದಾರೆ.

42 ವರ್ಷದ ಶ್ವೇತಾ ತಿವಾರಿ ಇಲ್ಲಿಯವರೆಗೆ ಎರಡು ಮದುವೆಯಾಗಿದ್ದಾರೆ. ಎರಡೂ ಫೇಲ್ ಆಗಿದೆ. ನಟಿ ಈ ಹಿಂದೆ 18 ನೇ ವಯಸ್ಸಿನಲ್ಲಿ ರಾಜಾ ಚೌಧರಿ ಅವರನ್ನು ವಿವಾಹವಾದರು. ಅವರಿಗೆ ಪಾಲಕ್ ತಿವಾರಿ ಎಂಬ ಮಗಳಿದ್ದಾಳೆ. ನಟಿ ರಾಜಾ ಚೌಧರಿ ವಿರುದ್ಧ ಕೌಟುಂಬಿಕ ದೌರ್ಜನ್ಯದ ಆರೋಪ ಮಾಡಿದ್ದರು. ಅವರ ಸಂಬಂಧ ಸಾಕಷ್ಟು ವಿವಾದಗಳಲ್ಲಿ ಸಿಲುಕಿತ್ತು.

ಶ್ವೇತಾ ತಿವಾರಿ ನಂತರ 2013 ರಲ್ಲಿ ಅಭಿನವ್ ಕೊಹ್ಲಿಯನ್ನು ವಿವಾಹವಾದರು. ಅವರಿಗೆ ರೆಯಾನ್ಶ್ ಕೊಹ್ಲಿ ಎಂಬ ಮಗನಿದ್ದಾನೆ. 2017ರಲ್ಲಿ ಇಬ್ಬರ ನಡುವಿನ ವಿವಾದ ಮುನ್ನೆಲೆಗೆ ಬಂದಿತ್ತು. ಅಭಿನವ್ ತನ್ನ ಮೇಲೆ, ಮಗಳ ಮೇಲೆ ಹಲ್ಲೆ ನಡೆಸಿ ಕಿರುಕುಳ ನೀಡುತ್ತಿದ್ದಾರೆ ಎಂದು ನಟಿ ಆರೋಪಿಸಿದ್ದರು.

ರಾಹುಲ್ ಮಹಾಜನ್ ಅವರು ಕೋಲ್ಕತ್ತಾದ ನಿವಾಸಿ ಡಿಂಪಿ ಗಂಗೂಲಿಯನ್ನು ವಧುವಾಗಿ ಆಯ್ಕೆ ಮಾಡಿದ್ದರು. ರಾಹುಲ್ ಮಹಾಜನ್ ತನ್ನ ಮೇಲೆ ಹಲ್ಲೆ ನಡೆಸಿದ್ದಾರೆ ಎಂದು ಡಿಂಪಿ ಆರೋಪಿಸಿದ್ದಾರೆ.