Pathaan-Rakhi Sawant: ಪಠಾಣ್ ಮೂವಿ ಸೌತ್ ಸಿನಿಮಾ RRR ರೆಕಾರ್ಡ್ ಮುರಿಯುತ್ತೆ ಎಂದ ರಾಖಿ

ಜನವರಿ 25 ರಂದು ಬಾಲಿವುಡ್‌ನ ಬಾದ್‌ಶಾ ಶಾರುಖ್ ಖಾನ್ ಅವರ ಕಮ್ ಬ್ಯಾಕ್ ಸಿನಿಮಾ ಪಠಾಣ್ ಚಿತ್ರಮಂದಿರಗಳಲ್ಲಿ ರಿಲೀಸ್ ಆಗಿ ಸಖತ್ ಸುದ್ದಿ ಮಾಡುತ್ತಿದೆ. ಬಾಯ್ಕಾಟ್ ಅಭಿಯಾನದ ಮಧ್ಯೆಯೂ ಭರ್ಜರಿ ರೆಸ್ಪಾನ್ಸ್ ಪಡೆಯುತ್ತಿದೆ. ಮೆಗಾಸ್ಟಾರ್ ಕಮಲ್ ಹಾಸನ್ ಅವರು ಕಿಂಗ್ ಖಾನ್ ಮೇಲೆ ಪ್ರೀತಿ ತೋರಿಸಿದ್ದು ಚಿತ್ರನಿರ್ಮಾಪಕ ಅನುರಾಗ್ ಕಶ್ಯಪ್ ಕೂಡಾ ಶಾರುಖ್​ನನ್ನು ಹೊಗಳಿದ್ದಾರೆ.

ಬಿಗ್ ಬಾಸ್ ಖ್ಯಾತಿಯ ರಾಖಿ ಸಾವಂತ್ ಕೂಡಾ ಈಗ ಸಿನಿಮಾ ಬಗ್ಗೆ ಪ್ರತಿಕ್ರಿಯಿಸಿದ್ದಾರೆ. ನಟಿ ದಿಲ್ವಾಲೆ ನಟನನ್ನು ಶ್ಲಾಘಿಸಿದ್ದಾರೆ. ಸಿನಿಮಾ ಬಗ್ಗೆ ನಟಿ ಕೊಟ್ಟ ಪ್ರತಿಕ್ರಿಯೆ ಈಗ ವೈರಲ್ ಆಗಿದೆ.

ಎಲ್ಲ ರೆಕಾರ್ಡ್ ಧೂಳೀಪಟವಾಗುತ್ತೆ. ಪಠಾಣ್ ದೊಡ್ಡ ಸಕ್ಸಸ್ ಆಗುತ್ತೆ. ಪಠಾಣ್ ಸಿನಿಮಾ ತ್ರಿಬಲ್ ಆರ್ ಸಿನಿಮಾದ ರೆಕಾರ್ಡ್​ ಅನ್ನು ಕೂಡಾ ಮುರಿಯುತ್ತದೆ ಎಂದು ಅವರು ಮಾಧ್ಯಮದ ಜೊತೆ ಹೇಳಿದ್ದಾರೆ.

ಆದರೆ ನಟಿ ಹೀಗೆ ಎರಡು ಸಿನಿಮಾವನ್ನು ಹೋಲಿಸಿದ್ದು ನೆಟ್ಟಿಗರಿಗೆ ಅಷ್ಟು ಇಷ್ಟವಾಗಿಲ್ಲ. ತ್ರಿಬಲ್ ಆರ್ ಸಿನಿಮಾಗೆ ಪಠಾಣ್ ಹೋಲಿಸಿದ ಬಗ್ಗೆ ನೆಟ್ಟಿಗರು ರಾಖಿಯನ್ನು ಟ್ರೋಲ್ ಮಾಡಿದ್ದಾರೆ.

ರಾಖಿ ತನ್ನ ತಾಯಿಯೊಂದಿಗೆ ಸ್ವಲ್ಪ ಸಮಯ ಕಳೆಯಬೇಕು. ನಂತರ ಬೀದಿಯಲ್ಲಿ ಈ ರೀತಿ ಓವರ್ ಆಗಿ ಪ್ರತಿಕ್ರಿಯಿಸಲಿ ಎಂದಿದ್ದಾರೆ ನೆಟ್ಟಿಗರು. ಮೊದಲು ಕೆಜಿಎಫ್ 2 ರೆಕಾರ್ಡ್ ಮುರಿಯಲಿ. ನಂತರ ತ್ರಿಬಲ್ ಆರ್ ಬಗ್ಗೆ ಮಾತನಾಡಿ. ಸ್ವಲ್ಪ ಭ್ರಮೆಯಿಂದ ಹೊರ ಬನ್ನಿ ಮೇಡಂ ಎಂದಿದ್ದಾರೆ.

ಸಿದ್ಧಾರ್ಥ್ ಆನಂದ್ ನಿರ್ದೇಶನದ ಆಕ್ಷನ್ ಸಿನಿಮಾದಲ್ಲಿ ಶಾರುಖ್ ಖಾನ್, ದೀಪಿಕಾ ಪಡುಕೋಣೆ ಮತ್ತು ಜಾನ್ ಅಬ್ರಹಾಂ ಪ್ರಮುಖ ಪಾತ್ರಗಳನ್ನು ಮಾಡಿದ್ದಾರೆ.

ಪಠಾಣ್ ಸಿನಿಮಾ ಮೊದಲ ದಿನವೇ 90 ಕೋಟಿ ಕಲೆಕ್ಷನ್ ಮಾಡಿದೆ ಎನ್ನಲಾಗಿದೆ. ಸಿನಿಮಾ ಬಾಯ್ಕಾಟ್ ಮಧ್ಯೆಯೂ ಭರ್ಜರಿ ಸದ್ದು ಮಾಡಿದೆ.