Rakhi Sawant-Adil Khan: ನೋಡೋಕೆ ಯಂಗ್ ಕಾಣೋದಷ್ಟೇ ಅಲ್ಲ, ಆದಿಲ್ ಖಾನ್ ರಾಖಿಗಿಂತ ತುಂಬಾ ಚಿಕ್ಕವರು!

ಕಿರುತೆರೆಯ ‘ಡ್ರಾಮಾ ಕ್ವೀನ್’ ರಾಖಿ ಸಾವಂತ್ ತಮ್ಮ 44ನೇ ವಯಸ್ಸಿನಲ್ಲಿ ದಿಢೀರ್ ಮದುವೆಯಾಗುವ ಮೂಲಕ ಎಲ್ಲರಿಗೂ ಅಚ್ಚರಿ ಮೂಡಿಸಿದ್ದಾರೆ. ರಾಖಿ ಸಾವಂತ್ ತನ್ನ ಜೀವನ ಸಂಗಾತಿಯಾಗಿ 27 ವರ್ಷದ ಆದಿಲ್ ದುರಾನಿಯನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. ಸುದ್ದಿಯ ಪ್ರಕಾರ, ಆದಿಲ್ ಮತ್ತು ರಾಖಿ 2022 ರಿಂದ ಪರಸ್ಪರ ಡೇಟಿಂಗ್ ಮಾಡುತ್ತಿದ್ದಾರೆ.

ರಾಖಿ ಸಾವಂತ್ ಕಿರುತೆರೆ ನಟಿ. ಬಾಲಿವುಡ್ ಸಿನಿಮಾಗಳಲ್ಲಿ ಮಿಂಚಿ ನಂತರ ಕಿರುತೆರೆಯಲ್ಲಿಯೂ ಈಗ ಆ್ಯಕ್ಟಿವ್ ಆಗಿರುವ ಚೆಲುವೆ. ಅಂತೂ 44ನೇ ವಯಸ್ಸಿಗೆ ಮದುವೆಯಾಗಿದ್ದಾರೆ.

ಆದಿಲ್ ಹಾಗೂ ರಾಖಿ ಸಾವಂತ್ ಜೋಡಿಯ ಮಧ್ಯೆ ಬರೋಬ್ಬರಿ 17 ವರ್ಷಗಳ ವ್ಯತ್ಯಾಸವಿದೆ. ಆದಿಲ್ ಖಾನ್ ದುರಾನಿಗೆ ಇನ್ನೂ ಜಸ್ಟ್ 27.

ರಾಖಿ ಸಾವಂತ್ ಅವರು ಆದಿಲ್​ಗಿಂತ ದೊಡ್ಡವರು. ಹಾಗೆಯೇ ನಟಿ ಈಗಾಗಲೇ ಮದುವೆಯಾಗಿ ಬೇರೆಯಾಗಿ ಸುದ್ದಿಯಾಗಿದ್ದರು. ರಾಖಿ ಸುತ್ತ ಹಲವು ವಿವಾದಗಳಿವೆ.

ನಟಿ ಆದಿಲ್ ಜೊತೆ ಕೋರ್ಟ್ ಮ್ಯಾರೇಜ್ ಆಗಿದ್ದು ಅವರ ಮದುವೆಯ ಸರ್ಟಿಫಿಕೇಟ್ ಕೂಡಾ ವೈರಲ್ ಆಗಿವೆ. ಇಬ್ಬರೂ ಮುಸ್ಲಿಂ ಸಂಪ್ರದಾಯದಂತೆ ಮದುವೆಯಾಗಿದ್ದಾರೆ.

ರಾಖಿ ಸಾವಂತ್ ಮದುವೆಯಾದ ನಂತರ ತಮ್ಮ ಹೆಸರನ್ನು ಫಾತಿಮಾ ಎಂದು ಬದಲಾಯಿಸಿಕೊಂಡಿದ್ದಾರೆ. ಆದರೆ ಧರ್ಮ ಬದಲಾಯಿಸಿದ್ದಾರಾ ಎನ್ನುವ ಬಗ್ಗೆ ಸ್ಪಷ್ಟನೆ ಇಲ್ಲ.

ಆದಿಲ್ ಖಾನ್ ದುರಾನಿ ಕರ್ನಾಟಕದ ಮೈಸೂರಿನವರಾಗಿದ್ದು ಸದ್ಯ ಮುಂಬೈನಲ್ಲಿಯೇ ಇದ್ದಾರೆ. ಅವರ ಕುಟುಂಬದಿಂದ ಈ ಮದುವೆಗೆ ಭಾರೀ ವಿರೋಧ ವ್ಯಕ್ತವಾಗಿದೆ.

ಆದರೆ ಆದಿಲ್ ಖಾನ್ ಕುಟುಂಬನ್ನು ಎದುರು ಹಾಕಿಕೊಂಡು ರಾಖಿ ಸಾವಂತ್ ಅವರನ್ನು ಮದುವೆಯಾಗಿದ್ದಾರೆ. ಸದ್ಯ ಈ ಜೋಡಿ ಮುಂಬೈನಲ್ಲಿದೆ.