Rajkummar Rao-Patralekhaa: ಎಲ್ಲರೂ ಪತ್ರಲೇಖಾ ತಾಳಿ ಬಗ್ಗೆಯೇ ಮಾತಾಡ್ತಿದ್ದಾರೆ, ಅದ್ರ ಬೆಲೆ ಎಷ್ಟು ಗೊತ್ತಾ?

ಬಾಲಿವುಡ್ ನಟ ರಾಜ್​ಕುಮಾರ್ ರಾವ್ ಮತ್ತು ಪತ್ರಲೇಖಾ ತಮ್ಮ 11 ವರ್ಷಗಳ ಪ್ರೀತಿಗೆ ಮದುವೆಯ ಮುದ್ರೆ ಒತ್ತಿದ್ದಾರೆ. ಹೌದು, ಇದೇ ನವೆಂಬರ್ 15ರಂದು ಚಂಡೀಗರ್​ನಲ್ಲಿ ಇಬ್ಬರೂ ಸಹ ಸಪ್ತಪದಿ ತುಳಿದಿದ್ದಾರೆ. ಇವರ ಮದುವೆಯ ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗ್ತಿವೆ.

ಚಂಡೀಗರ್​ನ ರೆಸಾರ್ಟ್​​​ವೊಂದರಲ್ಲಿ ನವೆಂಬರ್ 15ರಂದು ರಾಜ್​ಕುಮಾರ್​ ರಾವ್ ಮತ್ತು ಪತ್ರಲೇಖಾ ಮದುವೆಯಾದರು. ವಧು ಪತ್ರಲೇಖಾ ತಮ್ಮ ಚುನರಿ ಬಟ್ಟೆಯಲ್ಲಿ ಸ್ಪೆಷಲ್ ನೋಟ್ ಬರೆದುಕೊಂಡಿದ್ದರು. ಪತ್ರಲೇಖಾ ಬಂಗಾಳಿ ಭಾಷೆಯಲ್ಲಿ ಪ್ರೀತಿ ತುಂಬಿದ ಈ ಹೃದಯಕ್ಕೆ ನನ್ನನ್ನು ಸಮರ್ಪಿಸಿಕೊಳ್ಳುತ್ತಿದ್ದೇನೆ ಎಂದು ಬರೆದುಕೊಂಡಿದ್ದರು.

ಮದುವೆಯ ಬಳಿಕ ಪತ್ರಲೇಖಾ ಹಾಕಿರುವ ಮಂಗಳಸೂತ್ರ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಸದ್ದು ಮಾಡ್ತಿದೆ. ಪತ್ರಲೇಖಾ ಮದುವೆಯ ನಂತರ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿರುವ ಫೋಟೋದಲ್ಲಿ ಆಕೆಯ ಕುತ್ತಿಗೆಯಲ್ಲಿರುವ ಮಂಗಳಸೂತ್ರದ ಬಗ್ಗೆ ಬಹಳ ಚರ್ಚೆಯಾಗ್ತಿದೆ. ಮದುವೆ ಬಳಿಕ ರಾಜ್​ಕುಮಾರ್ ರಾವ್​ ಮತ್ತು ಪತ್ರಲೇಖಾ 2 ದಿನಗಳ ಹಿಂದೆ ಮುಂಬೈಗೆ ಮರಳಿದರು. ಪತ್ರಲೇಖಾ ಅವರು ವಿಮಾನ ನಿಲ್ದಾಣದಲ್ಲಿ ಕೆಂಪು ಬಣ್ಣದ ರೇಷ್ಮೆ ಸೀರೆಯೊಂದಿಗೆ ಕಂಗೊಳಿಸುತ್ತಿದ್ದರು. ಅದರೊಂದಿಗೆ ಅವರು ಹಾಕಿದ್ದ ಮಂಗಳಸೂತ್ರ ಸಖತ್ ವೈರಲ್ ಆಗ್ತಿದೆ. ಇದಕ್ಕೆ ಕಾರಣ ಏನು ಅಂತೀರಾ? ಮುಂದೆ ಓದಿ.

ಪತ್ರಲೇಖಾ ಮತ್ತು ರಾಜ್‌ಕುಮಾರ್ ರಾವ್ ಅವರು ತಮ್ಮ ಮದುವೆಗೆ ಸಬ್ಯಸಾಚಿ ಮುಖರ್ಜಿ ಡಿಸೈನ್​ ಉಡುಪುಗಳನ್ನು ಧರಿಸಿದ್ದರು. ರಾಜ್‌ಕುಮಾರ್ ತಮ್ಮ ಪತ್ನಿ ಪತ್ರಲೇಖಾ ಅವರಿಗೆ ನೀಡಿದ ಮಂಗಳಸೂತ್ರವನ್ನು ಸಹ ಸಬ್ಯಸಾಚಿ ವಿನ್ಯಾಸಗೊಳಿಸಿದ್ದಾರೆ. ವಿಶೇಷವಾಗಿ ವಿನ್ಯಾಸಗೊಳಿಸಲಾದ ಈ ಮಂಗಳಸೂತ್ರವನ್ನು 18 ಕ್ಯಾರೆಟ್ ಚಿನ್ನ, ಮುತ್ತು ಮತ್ತು ಹೆಸ್ಸೋನೈಟ್ ಗಾರ್ನೆಟ್ ಕಲ್ಲಿನಿಂದ ಮಾಡಲಾಗಿದೆ. ಇದು ಮತ್ತಷ್ಟು ಚಿನ್ನ ಮತ್ತು ಕಪ್ಪು ಮೋತಿಯಿಂದ ಅಲಂಕರಿಸಲ್ಪಟ್ಟಿದೆ. ಈ ಮಂಗಳಸೂತ್ರದ ಬೆಲೆ ಬರೋಬ್ಬರಿ ₹1 ಲಕ್ಷ 65 ಸಾವಿರ.

ಮಂಗಳಸೂತ್ರದ ಮಧ್ಯೆ ಸಿಂಹದ ಮುಖ ಇರುವ ಚಿತ್ರ ನೋಡಿ ನೆಟ್ಟಿಗರು ಪತ್ರಲೇಖಾ ಅವರ ಮಂಗಳಸೂತ್ರವನ್ನು ಸಖತ್ ಇಷ್ಟಪಟ್ಟಿದ್ದಾರೆ. ಇದು ಪತ್ರಲೇಖಾ ಅವರಿಗೆ ರಾಯಲ್ ಲುಕ್ ನೀಡಿದೆ.

ಮುಂಬೈ ವಿಮಾನ ನಿಲ್ದಾಣದ ಹೊರಗೆ ಪಾಪ್ಪರಾಜಿಗಳಿಗೆ ಪೋಸ್ ನೀಡುವಾಗ ಪತ್ರಲೇಖಾ ಮತ್ತು ರಾಜ್‌ಕುಮಾರ್ ರಾವ್ ಪರಸ್ಪರ ಕೈ ಹಿಡಿದುಕೊಂಡರು.