Santhosh Ananddram: ಐಷಾರಾಮಿ ಕಾರು ಖರೀದಿಸಿದ ಯುವರತ್ನ ನಿರ್ದೇಶಕ ಸಂತೋಷ್ ಆನಂದ್​ ರಾಮ್​

ಸ್ಯಾಂಡಲ್​ವುಡ್​ ನಿರ್ದೇಶಕ ಸಂತೋಷ್​ ಆನಂದ್ ರಾಮ್​ ಸದ್ಯ ತುಂಬಾ ಖುಷಿಯಲ್ಲಿದ್ದಾರೆ. ಹೌದು, ರಾಜಕುಮಾರ ಸಿನಿಮಾದ ನಿರ್ದೇಶಕನ ಮನೆಗೆ ಐಷಾರಾಮಿ ಕಾರು ಬಂದಿದೆ.

ರಾಜಕುಮಾರ ನಿರ್ದೇಶಕ ಸಂತೋಷ್ ಆನಂದ್​ ರಾಮ್​ ಅವರು ದುಬಾರಿ ಬೆಲೆಯ ಬಿಳಿ ಬಣ್ಣದ BMW Deutsche Motoren ಕಾರನ್ನು ಖರೀದಿಸಿದ್ದಾರೆ.

BMW Deutsche Motoren ಕಾರು ಖರೀದಿಸಿದ ಖುಷಿಯಲ್ಲಿ ಸಂತೋಷ್ ಆನಂದ್ ರಾಮ್​ ಅವರು ಕುಟುಂಬದವರೊಂದಿಗೆ ಕೇಕ್​ ಕತ್ತರಿಸಿ ಸಂಭ್ರಮಿಸಿದ್ದಾರೆ.

ಕಾರು ಖರೀದಿಸಿದ ವಿಷಯವನ್ನು ನಿರ್ದೇಶಕ ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದು, ಕೆಲವು ಫೋಟೋಗಳನ್ನೂ ಪೋಸ್ಟ್​ ಮಾಡಿದ್ದಾರೆ.

ನಿರ್ದೇಶಕ ಸಂತೋಷ್ ಆನಂದ್ ರಾಮ್ ಅವರು ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಮಿಸ್ಟರ್ ಆ್ಯಂಡ್​ ಮಿಸಸ್ ರಾಮಾಚಾರಿ ಸಿನಿಮಾ ಮೂಲಕ ನಿರ್ದೇಶಕರಾಗಿ ಕಾಲಿಟ್ಟರು.

ನಂತರ ಪುನೀತ್​ ರಾಜ್​ಕುಮಾರ್​ ಜೊತೆ ರಾಜಕುಮಾರ ಸಿನಿಮಾಗೆ ಆ್ಯಕ್ಷನ್ ಕಟ್ ಹೇಳಿದರು. ಈ ಸಿನಿಮಾ ದೊಡ್ಡ ಮಟ್ಟದಲ್ಲಿ ಹಿಟ್​ ಆಗಿತ್ತು. ಬಳಿಕ ಸಂತೋಷ್ ಆನಂದ್ ಮತ್ತೆ ಪುನೀತ್ ರಾಜ್ ಕುಮಾರ್ ಜೊತೆ ಯವರತ್ನ ಸಿನಿಮಾ ಮಾಡಿದರು.