Raj B Shetty: ಸೆಟ್ಟೇರಿದೆ ನಟ-ನಿರ್ದೇಶಕ ರಾಜ್ ಬಿ ಶೆಟ್ಟಿ ಮೊದಲ ಮಲಯಾಳಂ ಸಿನಿಮಾ, 'ರುಧಿರಂ' ಶೂಟಿಂಗ್ ಸ್ಟಾರ್ಟ್

ನಟ-ನಿರ್ದೇಶಕ ರಾಜ್ ಬಿ ಶೆಟ್ಟಿ ಅಭಿನಯದ ʼರುಧಿರಂʼ ಸಿನಿಮಾ ಮುಹೂರ್ತ ಮಂಗಳವಾರ (ಫೆಬ್ರವರಿ 14) ಅದ್ದೂರಿಯಾಗಿ ನೆರವೇರಿದ್ದು, ಚಿತ್ರೀಕರಣ ಶುರುವಾಗಿದೆ.

ರುಧಿರಂ ಸಿನಿಮಾ ಮುಹೂರ್ತದ ಫೋಟೋಗಳನ್ನು ರಾಜ್ ಬಿ ಶೆಟ್ಟಿ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ರಾಜ್ ಬಿ ಶೆಟ್ಟಿಗೆ ಜೋಡಿಯಾಗಿ ನಟಿ ಅಪರ್ಣಾ ಬಾಲಮುರಳಿ ನಟಿಸುತ್ತಿದ್ದಾರೆ.

ರುಧಿರಂ ಸಿನಿಮಾವನ್ನು ಜಿಶೋ ಲೋನ್ ಆಂಟೋನಿ ನಿರ್ದೇಶಿಸುತ್ತಿದ್ದಾರೆ. ಜಿಶೋ ಲೋನ್ ಆಂಟೋನಿ ಅವರೇ ಕಥೆ ಬರೆದಿದ್ದು, ಇದೇ ಮೊದಲ ಬಾರಿಗೆ ನಿರ್ದೇಶಕರಾಗಿ ಆ್ಯಕ್ಷನ್ ಕಟ್ ಹೇಳ್ತಿದ್ದಾರೆ.

ಚಿತ್ರಕಥೆಯನ್ನು ಕೂಡ ಜಿಶೋ ಲೋನ್ ಆಂಟೋನಿ ಹಾಗೂ ಜೋಸೆಫ್ ಕಿರಣ್ ಜಾರ್ಜ್ ಬರೆದಿದ್ದಾರೆ. ಮುಹೂರ್ತ ಸಮಾರಂಭದ ಫೋಟೋಗಳನ್ನು ತಮ್ಮ ಇನ್ಸ್ಟಾಗ್ರಾಮ್​ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

ನಟ ರಾಜ್ ಬಿ ಶೆಟ್ಟಿ, ಚಿತ್ರದಲ್ಲಿ ನಟಿಸಲು ಅವಕಾಶ ನೀಡಿದ ನಿರ್ದೇಶಕ ಜಿಶೋ ಲೋನ್ ಆಂಟೊನಿ ಮತ್ತು ನಿರ್ಮಾಪಕ ವಿಎಸ್ ಲಲನ್ ಅವರಿಗೆ ಧನ್ಯವಾದ ತಿಳಿಸಿದ್ದಾರೆ.

ಅಷ್ಟೇ ಅಲ್ಲದೇ ನಟಿ ಅಪರ್ಣಾ ಬಾಲಮುರಳಿಯವರೊಂದಿಗೆ ತೆರೆ ಹಂಚಿಕೊಳ್ಳಲು ಕಾತುರನಾಗಿದ್ದೇನೆ ಎಂದು ನಟ-ನಿರ್ದೇಶಕ ರಾಜ್ ಬಿ ಶೆಟ್ಟಿ ಬರೆದುಕೊಂಡಿದ್ದಾರೆ.

ಮಣಿಯರಾಯಿಲೆ ಅಶೋಕನ್ ಅವರ ಸಂಕಲನ ಹಾಗೂ ಸಿನಿಮಾ ಮಿಧುನ್ ಮುಕುಂದನ್ (ರೋರ್ಸ್ಚಾಚ್) ಅವರ ಸಂಗೀತ ಸಂಯೋಜನೆ ಮಾಡ್ತಿದ್ದಾರೆ.

ನಟ ರಾಜ್ ಬಿ ಶೆಟ್ಟಿ ಮಲಯಾಳಂ ಸಿನಿಮಾ ರುಧಿರಂ ಅನ್ನು ಮಲಯಾಳಂ, ಕನ್ನಡ, ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ ಬಿಡುಗಡೆ ಮಾಡಲು ಚಿತ್ರತಂಡ ಪ್ಲಾನ್ ಮಾಡಿದೆ.