KGF Star Yash: ರಾಧಿಕಾ-ಯಶ್ ಮಗಳ ಹೊಸಾ ಫೋಟೋ ನೋಡಿ, ಎಷ್ಟೊಂದು ಮುದ್ದು!

ಮಕ್ಕಳಾದ ನಂತರ ಚಿತ್ರರಂಗದಿಂದ ದೂರವಿರುವ ರಾಧಿಕಾ ಪಂಡಿತ್ ತಮ್ಮ ಕಂದಮ್ಮಗಳ ಜೊತೆ ಹೆಚ್ಚಿನ ಸಮಯ ಕಳೆಯುತ್ತಿದ್ದಾರೆ. ಅವರ ಲಾಲನೆ, ಪಾಲನೆಗೆ ಹೆಚ್ಚು ಸಮಯ ಮೀಸಲಿಟ್ಟುರುವ ನಟಿ, ಸೋಷಿಯಲ್​ ಮೀಡಿಯಾದಲ್ಲಿ ಫುಲ್​ ಆಕ್ಟೀವ್​.

ಒಂದೆಡೆ ರಾಕಿಂಗ್ ಸ್ಟಾರ್​ ಯಶ್​ ಕೆಜಿಎಫ್​ 2 ಮೂಲಕ ಹವಾ ಕ್ರಿಯೇಟ್​ ಮಾಡಿದ್ದರೆ, ಇನ್ನೊಂದೆಡೆ ಅವರ ಮುದ್ದು ಪುಟಾಣಿಗಳು ಸೋಶಿಯಲ್​ ಮೀಡಿಯಾದಲ್ಲಿ ತಮ್ಮದೇ ಹವಾ ಸೃಷ್ಟಿ ಮಾಡಿದ್ದಾರೆ.

ಹೌದು, ಐರಾ ಹಾಗೂ ಯಥರ್ವನಿಗೆ ಈಗಾಗಲೇ ಫ್ಯಾನ್​ಗಳಿದ್ದು, ಅವರ ಹೆಸರಿನ ಫ್ಯಾನ್​ ಪೇಜ್​ಗಳು ಸಹ ಸಾಮಾಜಿಕ ಜಾಲಾತಾಣದಲ್ಲಿದೆ. ಅವರದ್ದೇ ಆದ ಅಭಿಮಾನಿ ಬಳಗವನ್ನು ಈ ಪುಟಾಣಿಗಳು ಹೊಂದಿವೆ.

ಅಲ್ಲದೇ ರಾಧಿಕಾ ಮತ್ತು ಯಶ್​ ಕೂಡ ಮಕ್ಕಳ ಫೋಟೋ ಹಾಗೂ ವಿಡಿಯೋ ಹಂಚಿಕೊಂಡು ಅಭಿಮಾನಿಗಳಿಗೆ ರಂಜಿಸುತ್ತಾರೆ. ಯಶ್​ ಕೂಡ ಮಗಳು ಸಲಾಂ ರಾಕಿಭಾಯ್​ ಹಾಡನ್ನು ಹೇಳುತ್ತಿರುವ ವಿಡಿಯೋ ಹಾಕಿದ್ದರು. ಅದು ಸಹ ವೈರಲ್​ ಆಗಿದ್ದು.

ಇದೀಗ ರಾಧಿಕಾ ಪಂಡಿತ್ ಮಕ್ಕಳ ಮತ್ತೊಂದು ಫೋಟೋ ಹಾಕಿಕೊಂಡಿದ್ದು, ಈಗಾಗಲೇ ಆ ಫೋಟೋಗೆ ಬಹಳಷ್ಟು ಲೈಕ್​ ಹಾಗೂ ಕಾಮೆಂಟ್​ ಬಂದಿದೆ.

ನೀಲಿ ಬಣ್ಣದ ಬಟ್ಟೆ ಹಾಕಿರುವ ಆಯ್ರಾ ಹಾಗೂ ಯಥರ್ವ ಫೋಟೋ ಸೋಶಿಯಲ್​ ಮೀಡಿಯಾದಲ್ಲಿ ಹರಿದಾಡುತ್ತಿದ್ದು, ಆಯ್ರಾ ಮುದ್ದಾದ ನಗುವಿಗೆ ಫ್ಯಾನ್ಸ್​ ಫಿದಾ ಆಗಿದ್ದಾರೆ.

ಇನ್ನು ಫೋಟೋಗೆ ಮಂಡೇ ಬ್ಲ್ಯೂಸ್​ ಎಂದು ಅಡಿ ಬರಹ ಕೊಟ್ಟಿದ್ದು, ಯಥರ್ವ್ ಮುಖ ಮುಚ್ಚಿಕೊಂಡಿರುವುದನ್ನ ನಾವು ಕಾಣಬಹುದಾಗಿದೆ.

ಏನೇ ಇರಲಿ ಈ ಮಕ್ಕಳ ಫೋಟೋ ಹಾಕಿದ ಕೆಲ ಕ್ಷಣಗಳಲ್ಲಿ ವೈರಲ್​ ಆಗುತ್ತಿದ್ದು, ಇವರೆಷ್ಟು ಅಭಿಮಾನಿ ಬಳಗವನ್ನು ಹೊಂದಿದ್ದಾರೆ ಎಂಬುದು ತಿಳಿಯುತ್ತದೆ.