Love You Rachchu: ಮದುವೆಯಾದವರು ಫಸ್ಟ್​ ನೈಟ್​ನಲ್ಲಿ ಏನು ಮಾಡುತ್ತಾರೆಂದು ಪ್ರಶ್ನಿಸಿ ಸಿಟ್ಟಾದ Rachita Ram

ಲವ್ ಯೂ ರಚ್ಚು’ ಸಿನಿಮಾದಲ್ಲಿ ಡಿಂಪಲ್​ ಕ್ವೀನ್​ ರಚಿತಾ ರಾಮ್​ ಮತ್ತೆ ಬೋಲ್ಡ್ ಆಗಿ ಕಾಣಿಸಿಕೊಂಡಿದ್ದಾರೆ. ಈ ಸಿನಿಮಾದ ಮುದ್ದು ನೀನೆ ವಿಡಿಯೋ ಹಾಡು ನಿನ್ನೆಯಷ್ಟೆ ರಿಲೀಸ್ ಆಗಿದೆ. ಈ ಹಾಡಿನಲ್ಲಿ ರಚಿತಾ ಸಖತ್​ ಹಾಟ್​ ಹಾಗೂ ಬೋಲ್ಡ್​ ಆಗಿ ನಟಿಸಿದ್ದಾರೆ.

ಮುದ್ದು ನೀನು ವಿಡಿಯೋ ಹಾಡಿನ ಪ್ರಚಾರಕ್ಕಾಗಿ ಮಾಡಿರುವ ಫೋಟೋಶೂಟ್​ನ ಚಿತ್ರಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿವೆ. ಇನ್ನು ಲವ್​ ಯೂ ರಚ್ಚು ಸಿನಿಮಾದ ಸುದ್ದಿಗೋಷ್ಠಿಯಲ್ಲಿ ರಚಿತಾ ರಾಮ್​ ಸೇರಿದಂತೆ ಇಡೀ ಚಿತ್ರತಂಡ ಸಹ ಭಾಗಿಯಾಗಿತ್ತು.

ಈ ಸುದ್ದಿಗೋಷ್ಠಿಯಲ್ಲಿ ರಚಿತಾ ರಾಮ್​ ಅವರಿಗೆ ಬೋಲ್ಡ್​ ಸೀನ್​ಗಳ ಬಗ್ಗೆ ಪತ್ರಕರ್ತರು ಪ್ರಶ್ನಿಸಿದ್ದಾರೆ. ನೀವು ಐ ಲವ್​ ಯೂ ಸಿನಿಮಾದ ನಂತರ ಯಾವುದೇ ಬೋಲ್ಟ್​ ದೃಶ್ಯಗಳಲ್ಲಿ ಅಭಿನಯಿಸೋದಿಲ್ಲ ಎಂದು ಹೇಳಿದ್ದಿರಿ. ಆದರೆ, ಈಗ ಮತ್ತೆ ಇಂತಹ ದೃಶ್ಯಗಳಲ್ಲಿ ಕಾಣಿಸಿಕೊಂಡಿದ್ದೀರಿ ಎಂದು ಪ್ರಶ್ನಿಸಿದ್ದಾರೆ.

ಪ್ರತಕರ್ತರ ಈ ಪ್ರಶ್ನೆ ಕೇಳಿ ಗರಂ ಆದ ಡಿಂಪಲ್ ಕ್ವೀನ್​, ಕೋಪ ನುಂಗಿಕೊಂಡು ಹೌದು, ಈ ಹಿಂದೆ ಹೇಳಿದ್ದೆ. ಆದರೆ ಈ ನಟಿ ನಟಿಸಿದ್ದೇನೆ ಎಂದರೆ ಏನೋ ಕಾರಣ ಇರಬೇಕಲ್ಲವಾ..? ಎಂದಿದ್ದಾರೆ.

ಅಷ್ಟಕ್ಕೂ ಅದರಲ್ಲಿ ಏನಿದೆ ಹಾಗೂ ಹೀಗೆ ನಟಿಸಲು ಕಾರಣ ತಿಳಿಯೋಕೆ ಸಿನಿಮಾ ನೋಡಿ ಎಂದಿರುವ ನಟಿ, ಮದುವೆಯಾದವರು ಮೊದಲ ರಾತ್ರಿ ಏನು ಮಾಡುತ್ತಾರೆ ಗೊತ್ತಾ..? ನಿಮಗೂ ಮದುವೆಯಾಗಿದೆ ನೀವೇ ಹೇಳಿ ಎಂದು ಖಾರವಾಗಿ ಪ್ರತಿಕ್ರಿಯಿಸಿದ್ದಾರೆ.

‘ಫಸ್ಟ್ ನೈಟ್‌ನಲ್ಲಿ ನೀವು ಏನು ಮಾಡ್ತೀರಾ? ಸಾಮಾನ್ಯವಾಗಿ ಎಲ್ಲರೂ ಫಸ್ಟ್ ನೈಟ್ ನಲ್ಲಿ ಏನು ಮಾಡ್ತೀರಿ? ಈ ಪ್ರಶ್ನೆ ಕೇಳುತ್ತಿರುವುದಕ್ಕೆ ಐ ಎಮ್ ಸಾರಿ. ಆದರೂ ಕೇಳುತ್ತಿದ್ದೇನೆ. ಎಲ್ಲರೂ ರೊಮ್ಯಾನ್ಸ್ ಮಾಡ್ತಾರಲ್ವಾ? ಅದನ್ನೇ ಇಲ್ಲಿ ಮಾಡಿದ್ದಾರಷ್ಟೇ. ಆ ರೀತಿ ಮಾಡಲ್ಲ ಎಂದು ಮಾಡಿದ್ದೇನೆ ಎಂದರೆ ಅದಕ್ಕೆ ಏನೋ ಕಾರಣವಿರಬೇಕು ಅಲ್ವಾ? ಅದನ್ನು ನೀವು ಸಿನಿಮಾ ನೋಡಿ ತಿಳಿದುಕೊಳ್ಳಬೇಕು’ ಎಂದು ರಚಿತಾ ಉತ್ತರಿಸಿದ್ದಾರೆ.

ರಚಿತಾ  ರಾಮ್​ ಅವರ ವಿಡಿಯೋ ಎಲ್ಲೆಡೆ ವೈರಲ್​ ಆಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ನಟಿ ವಿರುದ್ಧ ನೆಟ್ಟಿಗರು ಕಮೆಂಟ್ ಮಾಡುತ್ತಿದ್ದಾರೆ.

ರಚಿತಾ ರಾಮ್​ ಅವರು ಉಪೇಂದ್ರ ಅವರ ಜೊತೆ ಐ ವಲ್​ ಯೂ ಸಿನಿಮಾದಲ್ಲಿ ಹಾಟ್​ ದೃಶ್ಯಗಳಲ್ಲಿ ಕಾಣಿಸಿಕೊಂಡಾಗ ಸಿಕ್ಕಾಪಟ್ಟೆ ಸುದ್ದಿಯಾಗಿತ್ತು. ಈ ರೀತಿಯ ದೃಶ್ಯಗಳಲ್ಲಿ ನಾನು ಕಾಣಿಸಿಕೊಳ್ಳಬಾರದಿತ್ತು. ಇನ್ನು ಮುಂದೆ ಇಂತಹ ಸೀನ್​ಗಳಲ್ಲಿ ನಟಿಸೋದಿಲ್ಲ ಎಂದೂ ಹೇಳಿಕೆ ಕೊಟ್ಟಿದ್ದರು ರಚಿತಾ ರಾಮ್​.