Raashii Khanna: ಈ ಸೌತ್ ನಟಿ ಶಾರುಖ್ ಖಾನ್​ಗಿಂತ ಫೇಮಸ್ ಆಗಿದ್ದು ಹೇಗೆ ಗೊತ್ತಾ?

ಸೌತ್ ನಟಿ ರಾಶಿ ಖನ್ನಾ ಅವರು ಐಎಂಡಿಬಿನಲ್ಲಿ ಬಾಲಿವುಡ್ ಕಿಂಗ್ ಖಾನ್ ಶಾರುಖ್ ಅವರನ್ನೇ ಬೀಟ್ ಮಾಡಿದ್ದಾರೆ. ಪಾಪ್ಯುಲಾರಿಟಿಯಲ್ಲಿ ಪಠಾಣ್ ನಟನನ್ನೇ ಈ ಸೌತ್ ನಟಿ ಸೋಲಿಸಿದ್ದು ಹೇಗೆ? ಅದರ ಬಗ್ಗೆ ನಟಿ ಏನೆಂದು ಹೇಳಿದ್ದಾರೆ ಗೊತ್ತೇ?

ಐಎಂಬಿಡಿ ಲಿಸ್ಟ್​ನಲ್ಲಿ ಇತ್ತೀಚೆಗೆ ತಿರುಚಿತ್ರಾಂಬಂ ನಟಿ ರಾಶಿ ಖನ್ನಾ ಅವರು ಶಾರುಖ್ ಖಾನ್ ಅವರನ್ನು ಬೀಟ್ ಮಾಡಿದ್ದಾರೆ. ಇದರ ಬಗ್ಗೆ ನಟಿ ಇತ್ತೀಚೆಗೆ ಪ್ರತಿಕ್ರಿಯಿಸಿದ್ದು ಈ ವಿಚಾರವನ್ನು ಸ್ವತಃ ತನಗೇ ನಂಬಲು ಕಷ್ಟವಾಗುತ್ತಿದೆ ಎಂದಿದ್ದಾರೆ.

ನಾನು ಐಎಂಡಿಬಿನಲ್ಲಿ ಶಾರುಖ್ ಖಾನ್ ಅವರನ್ನು ಬೀಟ್ ಮಾಡಿದೆ ಎಂದು ತಿಳಿದ ಕೂಡಲೇ ನಾನು ಇನ್ನೊಂದು ರೂಮ್​ಗೆ ಹೋಗಿ ತಂದೆಗೆ ಕಾಲ್ ಮಾಡಿದೆ. ಅವರಿಗೆ ಲಿಸ್ಟ್​ ಬಗ್ಗೆ ಗೊತ್ತಿರಲಿಲ್ಲ ಎಂದಿದ್ದಾರೆ.

ಆದರೆ ನಾನು ಶಾರುಖ್ ಖಾನ್ ಅವರು ಎರಡನೇ ಸ್ಥಾನದಲ್ಲಿದ್ದಾರೆ. ನಾನು ಟಾಪ್​ನಲ್ಲಿದ್ದೇನೆ ಎಂದು ತಂದೆಗೆ ಹೇಳಿದೆ. ಅವರೂ ಕೂಡಾ ಶಾಕ್ ಆದರು ಎಂದು ನೆನಪಿಸಿಕೊಂಡಿದ್ದಾರೆ ರಾಶಿ ಖನ್ನಾ.

ನಾನು ಅದು ತಪ್ಪಾಗಿರಬಹುದು ಎಂದು ಭಾವಿಸಿದ್ದೆ. ಆದರೆ ನಂತರ ಗೊತ್ತಾಯಿತು. ಅವರು ಕಿಂಗ್ ಖಾನ್. ಅವರನ್ನು ಯಾರೂ ಬೀಟ್ ಮಾಡಲು ಸಾಧ್ಯವಿಲ್ಲ ಎಂದಿದ್ದಾರೆ ನಟಿ.

ನಾನು ನಿಜಕ್ಕೂ ಎಕ್ಸೈಟ್ ಆಗಿದ್ದೆ. ಖುಷಿಯಾಗಿದ್ದೆ. ಇದೆಲ್ಲವೂ ಫರ್ಜಿ ಪ್ರಭಾವ. ಆದರೂ ನನಗೆ ಖುಷಿಯಾಯಿತು. ನನ್ನ ವೃತ್ತಿ ಜೀವನದಲ್ಲಿ ಇದೊಂದು ಮೈಲಿಗಲ್ಲು ಎಂದಿದ್ದಾರೆ ನಟಿ.

ನಟಿ ಇತ್ತೀಚೆಗೆ ಶಾಹಿದ್ ಕಪೂರ್ ಹಾಗೂ ವಿಜಯ್ ಸೇತುಪತಿ ಅಭಿನಯದ ಫರ್ಜಿ ವೆಬ್​ ಸಿರೀಸ್​ನಲ್ಲಿ ಕಾಣಿಸಿಕೊಂಡಿದ್ದರು. ವೆಬ್ ಸಿರೀಸ್ ಸೂಪರ್ ಹಿಟ್ ಆಗಿದೆ.