Tollywood Strike: ಸಲಾರ್ ಸಿನಿಮಾ ಶೂಟಿಂಗ್ ನಿಲ್ಲುತ್ತಾ? ಏನಿದು ಟಾಲಿವುಡ್​ನ ಬ್ರೇಕಿಂಗ್ ನ್ಯೂಸ್?

ಕೊರೊನಾದಿಂದಾಗಿ ಚಿತ್ರ ನಿರ್ಮಾಪಕರು ಮತ್ತು ವಿತರಕರು ದೊಡ್ಡ ನಷ್ಟವನ್ನು ಅನುಭವಿಸಿದ್ದಾರೆ, ಚಿತ್ರಮಂದಿರಗಳು ಸಂಪೂರ್ಣವಾಗಿ ಕಾರ್ಯನಿರ್ವಹಿಸಲು ಆರಂಭಿಸಿದ ನಂತರವೂ ಚಲನಚಿತ್ರಗಳಿಗೆ ಜನರ ಪ್ರತಿಕ್ರಿಯೆ ನಿರೀಕ್ಷಿತ ಮಟ್ಟದಲ್ಲಿರಲಿಲ್ಲ. ಹಾಗಾಗಿ ನಿರ್ಮಾಪಕರು ಅತಿ ದೊಡ್ಡ ನಿರ್ಧಾರ ತೆಗೆದುಕೊಂಡಿದ್ದಾರೆ.

ಕರೋನಾ ಲಾಕ್ ಡೌನ್ ಪರಿಣಾಮದಿಂದಾಗಿ ಜನರು ಒಟಿಟಿ ಮಾರ್ಗವನ್ನು ಹಿಡಿದಿದ್ದಾರೆ. ಮನೆಯಲ್ಲೇ ಕುಳಿತು ಹೊಸ ಸಿನಿಮಾ ನೋಡುವ ಅವಕಾಶ ಸಿಕ್ಕಿದ್ದರಿಂದ ಕ್ರಮೇಣ ಒಟಿಟಿಗೆ ಒಗ್ಗಿಕೊಂಡಿದ್ದಾರೆ. ಸಿನಿಮಾ ರಿಲೀಸ್ ಆಗಲಿ ಒಟಿಟಿಯಲ್ಲಿ ಬರುವವರೆಗೂ ಕಾಯೋಣ ಎನ್ನುವ ಮನೋಭಾವ ಜನರಲ್ಲಿ ಮೂಡಿದೆ.

ಇಂತಹ ಸಮಸ್ಯೆಗಳಿಗೆ ಶಾಶ್ವತ ಪರಿಹಾರ ಕಂಡುಕೊಳ್ಳಲು ಹಾಗೂ ಚಿತ್ರರಂಗದ ಉಳಿವಿಗಾಗಿ ನಿರ್ಮಾಪಕರ ಆರ್ಥಿಕ ಹೊರೆ ತಗ್ಗಿಸುವಂತೆ ತೆಲುಗು ನಿರ್ಮಾಪಕರ ಸಂಘ ಮುಷ್ಕರ ನಡೆಸುತ್ತಿದೆ. ಆಗಸ್ಟ್ 1 ರಿಂದ ಚಿತ್ರದ ಚಿತ್ರೀಕರಣವನ್ನು ತಾತ್ಕಾಲಿಕವಾಗಿ ನಿಲ್ಲಿಸಲು ನಿರ್ಮಾಪಕರು ನಿರ್ಧರಿಸಿದ್ದಾರೆ.

ಆ್ಯಕ್ಟಿವ್ ತೆಲುಗು ಫಿಲ್ಮ್ ಪ್ರೊಡ್ಯೂಸರ್ ಗಿಲ್ಡ್ ಹೆಸರಿನಲ್ಲಿ ಕೆಲವು ನಿರ್ಮಾಪಕರು ಕೆಲ ದಿನಗಳಿಂದ ಸಭೆ ನಡೆಸಿ ಚರ್ಚೆ ನಡೆಸುತ್ತಿದ್ದಾರೆ. ಜುಲೈ 26 ರಂದು ಸಭೆ ನಡೆಸಿದ ನಿರ್ಮಾಪಕರು ಆಗಸ್ಟ್ 1 ರಿಂದ ಚಿತ್ರದ ಶೂಟಿಂಗ್ ನಿಲ್ಲಿಸುವ ನಿರ್ಧಾರ ಕೈಗೊಂಡಿದ್ದಾರೆ ಎನ್ನಲಾಗುತ್ತಿದೆ.

ಸಭೆಯಲ್ಲಿ ದೊಡ್ಡ ಬಜೆಟ್ ಚಿತ್ರಗಳು ಥಿಯೇಟ್ರಿಕಲ್ ಬಿಡುಗಡೆಯಾದ 10 ವಾರಗಳ ನಂತರ OTT ನಲ್ಲಿ ಬಿಡುಗಡೆಯಾಗಬೇಕು ಎಂದು ನಿರ್ಧರಿಸಲಾಗಿದೆ. ಅಂತೆಯೇ, ಸಾಮಾನ್ಯ ಬಜೆಟ್ನಲ್ಲಿ ಮಾಡಿದ ಚಲನಚಿತ್ರಗಳನ್ನು ನಾಲ್ಕು ವಾರಗಳ ನಂತರ OTT ನಲ್ಲಿ ಸ್ಟ್ರೀಮ್ ಮಾಡಬಹುದು ಎಂದು ಗಿಲ್ಡ್ ಸೂಚಿಸಿದೆ. ಆರು ಕೋಟಿಗಿಂತ ಕಡಿಮೆ ಬಜೆಟ್ನಲ್ಲಿ ತಯಾರಾದ ಚಿತ್ರಗಳ ಒಟಿಟಿ ಬಿಡುಗಡೆ ಬಗ್ಗೆ ಫೆಡರೇಶನ್ನೊಂದಿಗೆ ಚರ್ಚಿಸಿ ನಿರ್ಧಾರ ತೆಗೆದುಕೊಳ್ಳಲಾಗುವುದು ಎಂದು ನಿರ್ಮಾಪಕರು ತಿಳಿಸಿದ್ದಾರೆ.

ಆದರೆ, ಆಗಸ್ಟ್ 1ರಿಂದ ಸಿನಿಮಾ ಶೂಟಿಂಗ್ ಸ್ಥಗಿತಗೊಂಡರೆಹಲವು ದೊಡ್ಡ ಸಿನಿಮಾಗಳ ಶೂಟಿಂಗ್ ಸ್ಥಗಿತಗೊಳ್ಳಲಿದೆ.ಪ್ರಶಾಮತ್ ನೀಲ್ ನಿರ್ದೇಶನದ ಸಲಾರ್, ಬಾಬಿ ನಿರ್ದೇಶನದ ಚಿರಂಜೀವಿ ಮತ್ತು ರವಿತೇಜ ಅಭಿನಯದ ಗಾಡ್ ಫಾದರ್ ಸೇರಿದಂತೆ ಪುಷ್ಪ 2 ಸಿನಿಮಾದ ಮೇಲೆ ಸಹ ಇದು ಪರಿಣಾಮ ಬೀರಲಿದೆ ಎನ್ನಲಾಗುತ್ತಿದೆ.

ಈಗಾಗಲೇ ಸಲಾರ್​ ಶೂಟಿಂಗ್ ನಡೆಯುತ್ತಿದೆ, ಪುಷ್ಪ 2 ಸಿನಿಮಾ ಸಹ ಆಗಸ್ಟ್​ನಲ್ಲಿ ಆರಂಭವಾಗಬಹುದು ಎಂಬ ನಿರೀಕ್ಷೆ ಇತ್ತು. ಆದರೆ ನಿರ್ಮಾಪಕರ ಈ ನಿರ್ಧಾರ ಅಭಿಮಾನಿಗಳಿಗೆ ಮಾತ್ರವಲ್ಲದೇ ಸ್ಟಾರ್​ಗಳಿಗೆ ಸಹ ತಲೆನೋವಾಗಿದೆ.