ಮೃತ ಅಭಿಮಾನಿಯ ಕುಟುಂಬದ ಕುರಿತು ಭಾವುಕರಾಗಿ ಟ್ವೀಟ್​ ಮಾಡಿದ ಪುನೀತ್​ ರಾಜ್​ಕುಮಾರ್​..!

ಯುವರತ್ನ ಸಿನಿಮಾ ರಿಲೀಸ್ ಆಗಿದ್ದು ಯಶಸ್ವಿ ಪ್ರದರ್ಶನ ಕಾಣುತ್ತಿದೆ. ಅಭಿಮಾನಿಗಳು ಚಿತ್ರಮಂದಿರಗಳಿಗೆ ಬಂದು ಸಿನಿಮಾ ನೋಡುತ್ತಿದ್ದಾರೆ.

ಯುವರತ್ನ ಸಿನಿಮಾ ನೋಡುತ್ತಿರುವ ಅಭಿಮಾನಿಗಳಿಗೆ ಧನ್ಯವಾದ ತಿಳಿಸಿರುವ ಪುನೀತ್​ ರಾಜ್​ಕುಮಾರ್, ತಮ್ಮ ಅಭಿಮಾನಿಯ ಕುಟುಂಬದ ಕುರಿತಾಗಿ ಭಾವುಕರಾಗಿ ಟ್ವೀಟ್​ ಮಾಡಿದ್ದಾರೆ.

ಪುನೀತ್​ ಅಭಿಮಾನಿ ಹರಿಕೃಷ್ಣನ್​ ಅವರು 3 ತಿಂಗಳ ಹಿಂದೆ ಈಜಲು ಹೋಗಿ ಸಾವನ್ನಪ್ಪಿದ್ದರು.

ಪುನೀತ್​ ಅಭಿಮಾನಿಯಾದ ಮಗನ ಫೋಟೋವನ್ನು ಇಟ್ಟುಕೊಂಡು ಯುವರತ್ನ ಸಿನಿಮಾ ನೋಡಿದ್ದಾರೆ ಈ ಕುಟುಂಬ.

ಸಹೋದರನ ಜೊತೆ ಮೃತ ಹರಿಕೃಷ್ಣನ್

ಮೈಸೂರಿನ ಅಭಿಮಾನಿ ಹರಿಕೃಷ್ಣನ್​ ಅವರ ಕುಟುಂಬದವರಾದ ಮುರಳಿಧರ್​ ಹಾಗೂ ಅವರ ಕುಟುಂಬದ ಸದಸ್ಯರು ಮಗನ ಫೋಟೋ ಜತೆಗೆ ಸಿನಿಮಾ ನೋಡಿದ ದೃಶ್ಯಗಳನ್ನು ನೋಡಿ ಮನಸ್ಸು ಭಾರವಾಯಿತು. ಬಾಲಕ ಹರಿಕೃಷ್ಣನ ಆತ್ಮಕ್ಕೆ ಶಾಂತಿ ಸಿಗಲಿ ಎಂದು ಟ್ವೀಟ್​ ಮಾಡಿದ್ದಾರೆ ಪುನೀತ್​ ರಾಜ್​ಕುಮಾರ್​.