Puneeth: ಪುನೀತ್​ ದಾಂಪತ್ಯಕ್ಕೆ 22 ವರ್ಷ: ನನ್ನ ಸಿನಿಮಾಗಳ ಬೆಸ್ಟ್​ ಕ್ರಿಟಿಕ್​ ಅಶ್ವಿನಿ ಎನ್ನುತ್ತಿದ್ದ ಅಪ್ಪು

ನಟ ಪುನೀತ್​ ರಾಜ್​ಕುಮಾರ್- ಅಶ್ವಿನಿ​ ಅವರ ವಿವಾಹ ವಾರ್ಷಿಕೋತ್ಸವದ ದಿನ ಇಂದು, ಸರಿಯಾಗಿ 22 ವರ್ಷಗಳ ಹಿಂದೆ 1999 ಡಿಸೆಂಬರ್​ 1ರಂದು ಪುನೀತ್​ ತಾವು ಪ್ರೀತಿಸಿದ ಹುಡುಗಿಯನ್ನು ವರಿಸಿದ್ದರು

ತಮ್ಮ​​ ಸ್ನೇಹಿತರ ಮೂಲಕ ಪರಿಚಯವಾದ ಅಶ್ವಿನಿ ಅವರ ಜೊತೆಗಿನ ಸ್ನೇಹ ಪ್ರೀತಿಗೆ ತಿರುಗಿ ಪುನೀತ್​ ಮದುವೆಯಾಗಲು ನಿರ್ಧರಿಸಿದ್ದರು. ಇದಕ್ಕೆ ಅಶ್ವಿನಿ ಒಪ್ಪಿಗೆ ಕೇಳಿದಾಗ ಅವರು ಕೂಡ ಸಮ್ಮತಿ ಸೂಚಿಸಿದ್ದರಂತೆ. ಆದರೆ, ಪುನೀತ್​ಗೆ ಈ ವಿಷಯ ಮನೆಯಲ್ಲಿ ಹೇಳುವುದೇ ದೊಡ್ಡ ಸವಾಲ್​ ಆಗಿದ್ದಂತೆ

ಅಪ್ಪ-ಅಮ್ಮನ ಜೊತೆ ಎಷ್ಟೇ ಮುಕ್ತವಾಗಿದ್ದರೂ ಈ ವಿಷಯ ಹೇಳಲಯ ಹಿಂಜರಿದಿದ್ದ ಪುನೀತ್​ ತಮ್ಮ ಮದುವೆ ಪ್ರಸ್ತಾಪವನ್ನು ಶಿವಣ್ಣನ ಹೆಗಲಿಗೆ ವಹಿಸಿದ್ದರಂತೆ. ಶಿವಣ್ಣ ರಾಜ್​ ಕುಮಾರ್​ ಅವರ ಬಳಿ ಮಾತನಾಡಿದಾಗ ಅಣ್ಣಾವ್ರು ಒಂದೇ ಉತ್ತರದಲ್ಲಿ ಆಯಿತು ಎಂದಿದ್ದರಂತೆ

ಅಶ್ವಿನಿ ಮದುವೆಯಾಗಿ ಮನೆಗೆ ಬಂದಾಗ ಅದು 30 ಜನರ ತುಂಬು ಕುಟುಂಬ. ರಾಜ್​ಕುಮಾರ್​ಗೆ ಸಿಹಿ ಇಷ್ಟ ಎಂದು ಅರಿತ  ಅಶ್ವಿನಿ ಅವರು, ಪ್ರತಿ ವಾರಾಂತ್ಯ ಹೊಸ ಹೊಸ ಸಿಹಿ ಅಡುಗೆ ಪ್ರಯೋಗ ಮಾಡುತ್ತಿದ್ದರಂತೆ

ಪುನೀತ್​ ಸಿನಿಮಾಗಳನ್ನು ಹೆಚ್ಚು ಸೂಕ್ಷ್ಮವಾಗಿ ಗಮನಿಸುತ್ತಿದ್ದರಂತೆ ಅಶ್ವಿನಿ. ಫೈಟ್​, ಡ್ಯಾನ್ಸ್​ ಯಾವುದೇ ಸೀನ್​ ಇರಲಿ ಅದನ್ನು ವಿಮರ್ಶಿಸಿ ಹೇಳುತ್ತಿದ್ದರಂತೆ. ಪುನೀತ್​ ತಮ್ಮ ಸಿನಿಮಾಗಳ ಬೆಸ್ಟ್​ ಕ್ರಿಟಿಕ್​ ಅಶ್ವಿನಿ ಎಂದು ಈ ಮೊದಲು ಸಾಕಷ್ಟು ಬಾರಿ ತಿಳಿಸಿದ್ದರು ಅಪ್ಪು.

ಪುನೀತ್​ ಅವರ ಸಹಾಯ ಮತ್ತು ಸರಳತೆ ಅಶ್ವಿನಿಗೆ ಬಲು ಮೆಚ್ಚುಗೆಯ ಗುಣವಂತೆ. ಈ ಹಿಂದೆ ಸಂದರ್ಶನವೊಂದರಲ್ಲಿ ಮಾತನಾಡಿದ್ದ ಅವರು, ಸ್ನೇಹಿತರೊಟ್ಟಿಗಿ ಪ್ರವಾಸ ಎಂದರೆ ಅಪ್ಪುಗೆ ತುಂಬಾ ಇಷ್ಟ ಎಂದಿದ್ದರು

ಎಲ್ಲರಿಗೂ ಆದರ್ಶದಂತೆ ಇದ್ದ ಈ ಜೋಡಿ ಇಂದು 22ನೇ ವಿವಾಹ ವಾರ್ಷಿಕೋತ್ಸವವನ್ನು ಸಂಭ್ರಮಿಸಬೇಕಿತು. ಆದರೆ, ವಿಧಿಯ ಕ್ರೂರ ಆಟಕ್ಕೆ ಪುನೀತ್​ ಅಗಲಿದ್ದು, ಈ ನೋವಿನಿಂದ ಅಭಿಮಾನಿಗಳು ಇನ್ನು ಹೊರ ಬಂದಿಲ್ಲ