Trisha: ಬಾಹುಬಲಿ ನಟನ ಜೊತೆ ಖಾಸಗಿ ಫೋಟೋ ವೈರಲ್! ತ್ರಿಶಾ ಕುರಿತ ವಿವಾದಗಳಿವು

ಪೊನ್ನಿಯಿನ್ ಸೆಲ್ವನ್ 2 ಸಿನಿಮಾ ಸೂಪರ್ ಹಿಟ್ ಆಗಿದೆ. ಈ ಸಿನಿಮಾದಲ್ಲಿ ನಟಿಸಿದ ತ್ರಿಶಾ ಕೂಡಾ ಈಗ ಹೈಲೈಟ್ ಆಗಿದ್ದಾರೆ. ಕುಂದವೈ ಪಾತ್ರವನ್ನು ಮಾಡಿದ ತ್ರಿಶಾ ಅವರ ಪಾತ್ರ ಅದ್ಭುತವಾಗಿ ಮೂಡಿಬಂದಿದೆ. ಸಿನಿಮಾ ಸೂಪರ್ ಹಿಟ್ ಆಗಿ ತ್ರಿಶಾ ಹೆಸರು ಟ್ರೆಂಡ್ ಆಗುತ್ತಿದ್ದಂತೆ ಅವರ ಫ್ಲಾಶ್​ಬ್ಯಾಕ್ ಸ್ಟೋರಿಗಳೆಲ್ಲ ವೈರಲ್ ಆಗಿದೆ.

ಪೊನ್ನಿಯಿನ್ ಸೆಲ್ವನ್ ಖ್ಯಾತಿಯ ತ್ರಿಶಾ ಕೃಷ್ಣನ್ ಪ್ರಮುಖವಾಗಿ ತಮಿಳು ಮತ್ತು ತೆಲುಗು ಭಾಷೆಯ ಸಿನಿಮಾಗಳಲ್ಲಿ ಕೆಲಸ ಮಾಡುವ ಪ್ರಮುಖ ನಟಿಯರಲ್ಲಿ ಒಬ್ಬರು. ಅವರು ಕೆಲವು ಬಾಲಿವುಡ್ ಚಿತ್ರಗಳಲ್ಲಿಯೂ ಕೆಲಸ ಮಾಡಿದ್ದಾರೆ. ಅವರು 1999 ರಲ್ಲಿ 'ಜೋಡಿ' ಚಿತ್ರದೊಂದಿಗೆ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು.

2003 ರಲ್ಲಿ ವಿಕ್ರಮ್ ಅವರ 'ಸಾಮಿ' ಸಿನಿಮಾ ತ್ರಿಶಾ ಕೆರಿಯರ್​ನಲ್ಲಿ ಅವರನ್ನು ಸ್ಟಾರ್ ನಟಿಯಾಗಿ ಬದಲಾಯಿಸಿತು. ಅವರು 'ಗಿಲ್ಲಿ' ಮತ್ತು 'ಆರು' ನಂತಹ ಕೆಲವು ಬ್ಲಾಕ್ಬಸ್ಟರ್ ಚಿತ್ರಗಳಲ್ಲಿ ಕಾಣಿಸಿಕೊಂಡರು. ತ್ರಿಶಾ ಕಾಲಿವುಡ್​ನಲ್ಲಿ ತಮ್ಮ ಸ್ಥಾನವನ್ನು ಭದ್ರಪಡಿಸಿಕೊಂಡರು. ಆದರೆ ಅವರ ಹೆಸರು ಅನೇಕ ಬಾರಿ ವಿವಾದಗಳಲ್ಲಿ ಸಿಕ್ಕಿ ಹಾಕಿಕೊಂಡಿದೆ.

ಸೆಲೆಬ್ರಿಟಿಯಾದ ನಂತರ ವಿವಾದಗಳೇ ಇಲ್ಲದ ಯಾವುದೇ ನಟ ಅಥವಾ ನಟಿ ಇರುವುದಿಲ್ಲ. ಪ್ರತಿ ಸ್ಟಾರ್ ಜೀವನದಲ್ಲಿಯೂ ಒಂದು ವಿವಾದ ಆಗಿರುತ್ತದೆ. ಅವರಲ್ಲಿ ತ್ರಿಶಾ ಕೂಡ ಒಬ್ಬರು. ನಟಿ ಹಲವಾರು ವಿವಾದಗಳನ್ನು ಎದುರಿಸಿದರು. ಅದು ಅವರ ವೈಯಕ್ತಿಕ ಮತ್ತು ವೃತ್ತಿಪರ ಜೀವನವನ್ನು ಕೂಡಾ ಬಾಧಿಸುತ್ತದೆ.

ರಾಣಾ ದಗ್ಗುಬಾಟಿ ಈಗ ಮದುವೆಯಾಗಿದ್ದರೂ ಅವರು ಕೆಲವು ವರ್ಷಗಳ ಹಿಂದೆ ತ್ರಿಶಾ ಜೊತೆ ಸಂಬಂಧ ಹೊಂದಿದ್ದರು. ನಟಿ ಈ ವರದಿಗಳನ್ನು ನಿರಾಕರಿಸಿದ್ದಾರೆ. ಆದರೆ ರಾಣಾ ಅವರು ತ್ರಿಶಾ ಜೊತೆ ಸಂಬಂಧ ಹೊಂದಿದ್ದರು ಎಂದು ಒಪ್ಪಿಕೊಂಡಿದ್ದಾರೆ. ಈ ಜೋಡಿಯ ಕೆಲವು ಖಾಸಗಿ ಫೋಟೋಗಳು ಸಹ ಲೀಕ್ ಆಗಿದ್ದವು.

ಸೂಪರ್ ಸ್ಟಾರ್ ಧನುಷ್ ಜೊತೆಗಿನ ತ್ರಿಶಾ ಸಂಬಂಧದ ಬಗ್ಗೆಯೂ ಚರ್ಚೆ ನಡೆದಿದ್ದು ಇವರಿಬ್ಬರೂ ಬೆಡ್​ ಮೇಲಿದ್ದ ಫೋಟೋ ವೈರಲ್ ಆಗಿತ್ತು. ಐಶ್ವರ್ಯಾ ಮತ್ತು ಧನುಷ್ ವಿಚ್ಛೇದನದ ಸುದ್ದಿ ವೈರಲ್ ಆಗಿತ್ತು. ಆದರೆ ಇಬ್ಬರೂ ಅದನ್ನು ಅಧಿಕೃತವಾಗಿ ಅನೌನ್ಸ್ ಮಾಡಲಿಲ್ಲ. ಆದರೆ ಈಗ ದಂಪತಿ ಈಗ ಒಟ್ಟಿಗೆ ವಾಸಿಸುತ್ತಿಲ್ಲ.

ನಟಿಯ ಹೆಸರು ವಿಜಯ್ ಜೊತೆ ಲಿಂಕ್ ಆಗಿದೆ. ವಿಜಯ್ ಕಾರಣಕ್ಕಾಗಿಯೇ ತ್ರಿಶಾ ವರುಣ್ ಮಣಿಯನ್ ಜೊತೆಗಿನ ನಿಶ್ಚಿತಾರ್ಥವನ್ನು ಮುರಿದುಕೊಂಡಿದ್ದಾರೆ ಎಂದು ಹೇಳಲಾಗುತ್ತದೆ. ಇವರು ಜೊತೆಯಾಗಿ ಸೂಪರ್ ಹಿಟ್ ಸಿನಿಮಾಗಳನ್ನು ಕೊಟ್ಟಿದ್ದು ತಮಿಳು ಚಿತ್ರರಂಗದ ಫೇಮಸ್ ಆನ್​ಸ್ಕ್ರೀನ್ ಜೋಡಿ.

ತ್ರಿಶಾ ದಕ್ಷಿಣ ಭಾರತದ ಪೆಟಾದ ಬ್ರಾಂಡ್ ಅಂಬಾಸಿಡರ್ ಆಗಿದ್ದಾರೆ. ಜಲ್ಲಿಕಟ್ಟು ವಿರುದ್ಧದ ವಿರೋಧ ಉತ್ತುಂಗದಲ್ಲಿದ್ದಾಗ ಜನರು ತಮ್ಮ ಸಂಸ್ಕೃತಿ ಮತ್ತು ಪೇಟಾ ವಿರುದ್ಧ ಹೋರಾಡುತ್ತಿದ್ದ ವರ್ಷದ ಆ ಸಮಯದಲ್ಲಿ ತ್ರಿಶಾ ಪೇಟಾಗೆ ಬೆಂಬಲ ವ್ಯಕ್ತಪಡಿಸಿದರು. ಆ ಸಂದರ್ಭ ತಮಿಳು ಜನ ನಟಿಯನ್ನು ತೀವ್ರವಾಗಿ ವಿರೋಧಿಸಿದ್ದರು.