Priyanka Chopra: ಹೀರೋಗಳಿಗೆ ಸಮಾನವಾಗಿ ಸಂಭಾವನೆ ಪಡೆಯಲು 22 ವರ್ಷ ಬೇಕಾಯ್ತು! ದೇರ್ಸಿ ಗರ್ಲ್​ಗೆ ಸಿಕ್ತು ದುಬಾರಿ ಮೊತ್ತ

ಪ್ರಿಯಾಂಕಾ ಚೋಪ್ರಾ ಬಾಲಿವುಡ್​ಗೆ ಕಾಲಿಟ್ಟು 23 ವರ್ಷಗಳೇ ಕಳೆದಿದೆ. 2000ರಲ್ಲಿ ವಿಶ್ವ ಸುಂದರಿಯಾಗಿ ಆಯ್ಕೆಯಾದ ನಂತರ, ದೇಸಿ ಗರ್ಲ್ ಪ್ರಿಯಾಂಕಾ ಚೋಪ್ರಾಗೆ ಸೌತ್ ಸಿನಿಮಾ ಹಾಗೂ ಬಾಲಿವುಡ್ ಆಫರ್​ಗಳು ಸಾಲು ಸಾಲಾಗಿ ಬಂದವು. ಬಾಲಿವುಡ್​ನಲ್ಲಿ ನಟಿಸಲು ಪ್ರಾರಂಭಿಸಿದರು ಇದೀಗ ಪಿಗ್ಗಿ ಹಾಲಿವುಡ್​ನಲ್ಲಿ ಚಿರಪರಿಚಿತ ಮುಖವಾಗಿದ್ದಾರೆ.

2002ರಲ್ಲಿ ತೆರೆಕಂಡ ತಮಿಳಿನ ತಮಿಳನ್ ಚಿತ್ರದ ಮೂಲಕ ಪ್ರಿಯಾಂಕಾ ಚೋಪ್ರಾ ಬೆಳ್ಳಿತೆರೆಗೆ ಎಂಟ್ರಿ ಕೊಟ್ಟಿದ್ದಾರೆ. 2003ರಲ್ಲಿ ನಟ ತಬಾನ್ನ ಮೊದಲ ಬಾಲಿವುಡ್ ಚಿತ್ರದಲ್ಲಿ ನಟಿಸಿದರು. ನಂತರ ಹಲವು ಸೂಪರ್ ಹಿಟ್ ಚಿತ್ರಗಳಲ್ಲಿ ನಾಯಕಿಯಾಗಿ ಬಾಲಿವುಡ್​ನಲ್ಲಿ ಮಿಂಚಿದ್ದಾರೆ.

ಚಿತ್ರರಂಗದಲ್ಲಿ ನಾಯಕಿಯರಿಗೂ ನಾಯಕರಿಗೆ ಸಮಾನವಾಗಿ ಸಂಭಾವನೆ ನೀಡಬೇಕು ಎಂಬ ಬೇಡಿಕೆ ಬಹಳ ದಿನಗಳಿಂದ ಚರ್ಚೆಯಲ್ಲಿದೆ. ನಾಯಕರಿಗೆ ಸಿಗುವ ಅರ್ಧದಷ್ಟು ಹಣವೂ ಫೇಮಸ್ ನಟಿಯರಿಗೆ ಸಿಗುವುದಿಲ್ಲ ಎಂಬುದು ವಾಸ್ತವ. ಈ ಬಗ್ಗೆ ಪ್ರಿಯಾಂಕಾ ಚೋಪ್ರಾ ಅವರೇ ಈ ಹಿಂದಿ ಹೇಳಿಕೆ ನೀಡಿದ್ರು.

ಭಾರತದ ಸ್ಟಾರ್ ನಟರು 50 ರಿಂದ 100 ಕೋಟಿ ರೂಪಾಯಿ ಪಡೆದರೆ, ಅದೇ ಚಿತ್ರದಲ್ಲಿ ನಾಯಕಿಯರಿಗೆ ಅತ್ಯಧಿಕ ಸಂಭಾವನೆ 15 ಕೋಟಿ ರೂಪಾಯಿ. ಸದ್ಯಕ್ಕೆ ಆಲಿಯಾ ಭಟ್ ಮತ್ತು ದೀಪಿಕಾ ಪಡುಕೋಣೆ ಇಷ್ಟೇ ಹಣ ಪಡೆಯುತ್ತಿದ್ದಾರೆ.

ಸೌತ್ ಸಿನಿಮಾ ಇಂಡಸ್ಟ್ರಿಯ ಸ್ಟಾರ್ ಹೀರೋಯಿನ್ ಗಳಾದ ಸಮಂತಾ, ನಯನತಾರಾ ಕೂಡ ಪಡೆಯುವ ಸಂಭಾವನೆ 10 ಕೋಟಿಗಿಂತ ಕಡಿಮೆ ಇದೆ. ಈ ನಾಯಕಿಯರಿಗೆ ಜನರನ್ನು ಥಿಯೇಟರ್​ಗೆ ಕರೆತರುವ ಸಾಮರ್ಥ್ಯವಿರುವ ಆದ್ರೂ ಅವರ ಸಂಭಾವನೆ ನಾಯಕರಿಗಿಂತ ಕಡಿಮೆ ಇದೆ.

ಬಾಲಿವುಡ್ನಲ್ಲಿ ತಾನು ನಟಿಸಿದ ಚಿತ್ರಗಳಲ್ಲಿ ಹೀರೋ ಪಡೆಯುತ್ತಿದ್ದ ಸಂಭಾವನೆಯಲ್ಲಿ ಕೇವಲ ಶೇ.10ರಷ್ಟು ಸಂಭಾವನೆ ಪಡೆಯುತ್ತಿದ್ದೆ ಎಂದು ಪ್ರಿಯಾಂಕಾ ಚೋಪ್ರಾ ಹೇಳಿದ್ದರು. 22 ವರ್ಷಗಳಿಂದ ಸಿನಿಮಾ ರಂಗದಲ್ಲಿದ್ದರೂ ನಾಯಕನಿಗೆ ಸಿಗುವ ಸಂಭಾವನೆ ಸಿಕ್ಕಿಲ್ಲ ಎಂದು ಪ್ರಿಯಾಂಕಾ ಈ ಹಿಂದೆ ಬೇಸರ ಹೊರ ಹಾಕಿದ್ರು.

ಬಾಲಿವುಡ್​ನಿಂದ ಹಾಲಿವುಡ್​ಗೆ ಎಂಟ್ರಿ ಕೊಟ್ಟ ಪ್ರಿಯಾಂಕಾ ಅಲ್ಲಿ ನಾಯಕ ನಟರು ಪಡೆಯುವಷ್ಟೇ ಸಂಭಾವನೆ ಪಡೆಯುತ್ತಿದ್ದೆ ಎಂದೂ ಪ್ರಿಯಾಂಕಾ ಹೇಳಿದ್ದಾರೆ. ಹಾಲಿವುಡ್ನ ಸಿಟಾಡೆಲ್​ನ ಹೊಸ ಸೀರಿಸ್​ನಲ್ಲಿ ಪ್ರಿಯಾಂಕಾಗೆ ನಾಯಕನಷ್ಟೇ ಸಂಭಾವನೆ ನೀಡಲಾಗಿದೆ ಎಂಬ ಮಾಹಿತಿ ಹೊರಬಿದ್ದಿದೆ.

ನಟನಾ ಜಗತ್ತಿನಲ್ಲಿ ಯಶಸ್ವಿ ಸಿನಿ ಜರ್ನಿ ಹೊಂದಿದ್ದರೂ, ಸಮಾನ ವೇತನದ ಮಟ್ಟವನ್ನು ತಲುಪಲು 22 ವರ್ಷಗಳನ್ನು ತೆಗೆದುಕೊಂಡಿತು ಎಂದು ನಟಿ ಪ್ರಿಯಾಂಕ ಚೋಪ್ರಾ ಹೇಳಿದ್ದಾರೆ. ಸಿಟಾಡೆಲ್ ಏಪ್ರಿಲ್ 28 ರಿಂದ ಅಮೆಜಾನ್ ಪ್ರೈಮ್​​ನಲ್ಲಿ ಪ್ರಸಾರವಾಗಲಿದೆ.