2 ಕೋಟಿ ಮೌಲ್ಯದ ನಿಶ್ಚಿತಾರ್ಥದ ಉಂಗುರ ಅಂದ್ರೆ Priyanka Chopra Jonasಗೆ ತುಂಬಾ ಇಷ್ಟ ಏಕೆ ಗೊತ್ತಾ..?

ನಟಿ ಪ್ರಿಯಾಂಕಾ ಚೋಪ್ರಾ ಅವರು ದೀಪಾವಳಿ ಹಬ್ಬವನ್ನು ಲಾಸ್​ ಏಂಜಲೀಸ್​ನಲ್ಲಿರುವ ತಮ್ಮ ಮನೆಯಲ್ಲಿ ಪತಿ, ಸಂಬಂಧಿಕರು ಹಾಗೂ ಸ್ನೇಹಿತರ ಜೊತೆ ಅದ್ಧೂರಿಯಾಗಿ ಖುಷಿಯಿಂದ ಆಚರಿಸುವ ಮೂಲಕ ಎಂಜಾಯ್​ ಮಾಡಿದ್ದರು.

ವಿದೇಶದಲ್ಲಿ ಪತಿಯ ಜೊತೆ ದೀಪಾವಳಿ ಹಬ್ಬದ ದಿನ ಪ್ರಿಯಾಂಕಾ ಚೋಪ್ರಾ ಸಾಂಪ್ರದಾಯಿಕ ಉಡುಗೆಯಲ್ಲಿ ಮಿಂಚಿದ್ದರು. ಅವರು ದೀಪಾವಳಿ ಹಬ್ಬ ಆಚರಿಸಿದ ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದ್ದವು.

ತಮ್ಮ ಮನೆಯಲ್ಲಿ ಕುಟುಂಬದವರ ಜೊತೆ ಖುಷಿಯಾಗಿ ದೀಪಾವಳಿ ಹಬ್ಬ ಆಚರಿಸಿದ ನಂತರ ಮತ್ತೆ ಪ್ರಿಯಾಂಕಾ ಚೋಪ್ರಾ ತಮ್ಮ ಕೆಲಸದತ್ತ ಮುಖ ಮಾಡಿದ್ದಾರೆ.

ಕೆಲಸದ ನಿಮಿತ್ತ ಪ್ರಿಯಾಂಕಾ ಚೋಪ್ರಾ ದುಬೈಗೆ ಹೋಗಿದ್ದಾರೆ. ಅಲ್ಲಿ ಒಂದು ಇವೆಂಟ್​ನಲ್ಲಿ ಭಾಗಿಯಾಗಿದ್ದಾರೆ ಈ ನಟಿ. ಇನ್ನು ನಂತರ ವೋಗ್ ಅರೆಬಿಯಾಗೆ ಸಂದರ್ಶನ ಸಹ ನೀಡಿದ್ದಾರೆ.

ಈ ಸಂದರ್ಶನದಲ್ಲಿ ತಮ್ಮ ಬಳಿ ಇರುವ ಸ್ಟನ್ನಿಂಗ್​ ಆರಂಭರಣದ ಬಗ್ಗೆಯೂ ಮಾತನಾಡಿದ್ದಾರೆ. ಅವರ ಜೀವನದಲ್ಲಿ ಅವರ ನಿಶ್ಚಿತಾರ್ಥದಂದು ನಿಕ್​ ಜೋನಸ್​ ಕೊಟ್ಟು ಉಂಗುರ ತುಂಬಾ ವಿಶೇಷವಂತೆ. ಹೀಗೆಂದು ಹೇಳದೇ ಹೋದರೆ ನಿಕ್​ ತನ್ನನ್ನು ಕೊಂದು ಬಿಡುತ್ತಾರೆ ಎಂದು ತಮಾಷೆ ಮಾಡಿದ್ದಾರೆ.

ಹೌದು, ನಿಕ್ ಜೋನಸ್​ ಕೊಟ್ಟಿರುವ 2 ಕೋಟಿ ಮೌಲ್ಯದ ನಿಶ್ಚಿತಾರ್ಥದ ಉಂಗುರ ತುಂಬಾ ಸ್ಪೆಷಲ್​ ಅಂತೆ. ಕಾರಣ ಅದು ತುಂಬಾ ಅನಿರೀಕ್ಷಿತವಾಗಿ ಪ್ರಿಯಾಂಕಾ ಅವರಿಗೆ ಸಿಕ್ಕಿದ್ದಂತೆ. ಇದನ್ನು ಸದಾ ನಾನು ನನ್ನ ಬಳಿ ಇಟ್ಟುಕೊಂಡಿರುತ್ತೇನೆ ಎಂದಿದ್ದಾರೆ.

ಇನ್ನು ದುಬೈನಲ್ಲಿ ಪ್ರಿಯಾಂಕಾ ಚೋಪ್ರಾ ಅವರು ಕಾಣಿಸಿಕೊಂಡ ಮಾಡರ್ನ್​ ಲುಕ್​ ನೆಟ್ಟಿಗರ ಗಮನ ಸೆಳೆದಿದೆ. ಅವರ ಈ ಲುಕ್​ ಸಾಂಪ್ರದಾಯಿಕ ಹಾಗೂ ಮಾಡರ್ನ್​ ಆಗಿಯೂ ಇದೆ.