Priyanka Chopra: ಮೊದಲ ಡೇಟ್​ನಲ್ಲೇ ಮೈಮರೆಯೋದು ಸರಿನಾ? ಪ್ರಿಯಾಂಕಾ ಚೋಪ್ರಾ ಉತ್ತರ ಕೇಳಿ ಶಾಕ್ ಆದ ನೆಟ್ಟಿಗರು!

ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ ಯಾವುದೇ ವಿಷಯದ ಬಗ್ಗೆ ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಲು ಹಿಂಜರಿಯುವುದಿಲ್ಲ ಎಂಬುದನ್ನು ಮತ್ತೆ ಸಾಬೀತುಪಡಿಸಿದ್ದಾರೆ. ತಮ್ಮ ವೈಯಕ್ತಿಕ ಜೀವನಕ್ಕೆ ಸಂಬಂಧಿಸಿದ ಕೆಲವು ಪ್ರಶ್ನೆಗಳಿಗೆ ಉತ್ತರ ನೀಡುವ ಮೂಲಕ ಮತ್ತೊಮ್ಮೆ ಸುದ್ದಿಯಲ್ಲಿದ್ದಾರೆ.

ವಾಟ್ ಹ್ಯಾಪನ್ಸ್ ಶೋನಲ್ಲಿ ಆಂಡಿ ಕೊಹೆನ್ ಅವರೊಂದಿಗಿನ ಇತ್ತೀಚಿನ ಸಂದರ್ಶನದಲ್ಲಿ ಅವರು ಕೆಲ ಕಾಮೆಂಟ್​ಗಳನ್ನು ಮಾಡಿದರು. ಪ್ರಿಯಾಂಕಾ ಚೋಪ್ರಾ ತನ್ನ ಲವ್ ಎಗೇನ್ ಸಹ-ನಟ ಸ್ಯಾಮ್ ಹ್ಯೂಘನ್ ಜೊತೆ ಸಂದರ್ಶನದಲ್ಲಿ ಭಾಗಿಯಾಗಿದ್ರು. ಲೈಂಗಿಕತೆ ಮತ್ತು ಸಂಬಂಧಗಳ ಬಗ್ಗೆ ಕೇಳಿದ ಪ್ರಶ್ನೆಗಳಿಗೆ ದೇಸಿ ಗರ್ಲ್ ಧೈರ್ಯದಿಂದ ಉತ್ತರಿಸಿದ್ದಾರೆ.

ಸಂದರ್ಶನದ ಗೇಮ್ ವಿಭಾಗದಲ್ಲಿ ಇಬ್ಬರು ನಟರಿಗೂ ಕೆಲವು ಪ್ರಶ್ನೆಗಳನ್ನು ಕೇಳಿದರು. ಮೊದಲ ಡೇಟ್​ನಲ್ಲೇ ಲೈಂಗಿಕ ಕ್ರಿಯೆ ನಡೆಸುವುದು ಸರಿಯೇ? ಎಂಬ ಪ್ರಶ್ನೆಗೆ ಇಬ್ಬರೂ ಹೌದು ಎಂದು ಉತ್ತರಿಸಿದ್ದಾರೆ. ನಿಮಗೆ ಯಾರೊಬ್ಬರ ಬಗ್ಗೆ ಆಸಕ್ತಿಯಿಲ್ಲದಿದ್ದರೆ ಅವರು ನಿಮ್ಮನ್ನು ಸಂಪರ್ಕಿಸಿದಾಗ ಅವರಿಗೆ ತಪ್ಪು ಫೋನ್ ನಂಬರ್ ನೀಡುವುದು ಸರಿಯೇ? ಎಂಬ ಪ್ರಶ್ನೆಗೆ ಇಬ್ಬರೂ ತಪ್ಪಲ್ಲ ಕೊಡಬಹುದು ಎಂದರು.

ಪ್ರಿಯಾಂಕಾ ತನ್ನ ವೈಯಕ್ತಿಕ ಜೀವನದ ಬಗ್ಗೆ ಶಾಕಿಂಗ್ ಕಮೆಂಟ್ ನೀಡಿದ್ದಾರೆ. ಅಲೆಕ್ಸ್ ಕೂಪರ್ ಅವರ ಪಾಡ್ಕಾಸ್ಟ್ 'ಕಾಲ್ ಹೆಚ್ ಡ್ಯಾಡಿ' ನಲ್ಲಿ ಮಾತಾಡಿದ್ದ ಪ್ರಿಯಾಂಕಾ , ನಿಕ್ ಅವರ ಹಿರಿಯ ಸಹೋದರ (ಕೆವಿನ್ ಜೋನಾಸ್) ಕ್ವಾಂಟಿಕೋವನ್ನು ವೀಕ್ಷಿಸಿದರು. ನನ್ನನ್ನು ಭೇಟಿಯಾಗಲು ನಿಕ್​ಗೆ ಹೇಳಿದ್ದರು ಎಂದಿದ್ದಾರೆ.

ಆ ಸಮಯದಲ್ಲಿ ನಾನು ಡೇಟ್ ಮಾಡುತ್ತಿದ್ದೆ. ಆದರೆ ಆ ಸಮಯದಲ್ಲಿ ನನ್ನ ಸಹ ನಟರು ನಿಕ್ ನನ್ನು ದ್ವೇಷಿಸುತ್ತಿದ್ದರು. ಏಕೆಂದರೆ ನಾನು ಯಾವಾಗಲೂ ಫೋನ್​ನಲ್ಲಿ ಅಳುತ್ತಿದ್ದೆ. ಅವರು ನನಗಾಗಿ ಕಾಯುತ್ತಿದ್ದರು. ನೀನು ಈ ಸಂಬಂಧದಿಂದ ಹೊರಬರಬೇಕು ಎಂದು ಹೇಳುತ್ತಿದ್ದರು ಎಂದು ಪ್ರಿಯಾಂಕಾ ಚೋಪ್ರಾ ತಿಳಿಸಿದ್ದಾರೆ.

ಪ್ರಿಯಾಂಕಾ ಚೋಪ್ರಾ ಮತ್ತು ನಿಕ್ ಜೋನಾಸ್ ಕೆಲವು ತಿಂಗಳ ಡೇಟಿಂಗ್ ನಂತರ ಡಿಸೆಂಬರ್ 2018 ರಲ್ಲಿ ವಿವಾಹವಾದರು. ಬಾಡಿಗೆ ತಾಯ್ತನದ ಮೂಲಕ ಹೆಣ್ಣು ಮಗುವನ್ನು ಪಡೆದಿದ್ದಾರೆ. ಬೇವಾಚ್ ಮತ್ತು ಈಸ್ ನಾಟ್ ಇಟ್ ರೊಮ್ಯಾಂಟಿಕ್ ಸಿನಿಮಾಗಳ ಮೂಲಕ ಹಾಲಿವುಡ್​ನಲ್ಲೂ ಪ್ರಿಯಾಂಕಾ ಮಿಂಚಿದರು. ಹಾಲಿವುಡ್​ನಲ್ಲೂ ಪಿಗ್ಗಿಗೆ ಸಾಲು ಸಾಲು ಆಫರ್​ಗಳು ಬರುತ್ತಿವೆ.