Bollywood Actress: 3 ಬಾರಿ ಆತ್ಮಹತ್ಯೆಗೆ ಯತ್ನಿಸಿದ್ದ ಪ್ರಿಯಾಂಕಾ ಚೋಪ್ರಾ; ಅಸಲಿ ಕಾರಣ ಏನು?

ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ ಸದ್ಯ ವಿದೇಶದಲ್ಲಿ ನೆಲೆಸಿದ್ದು, ಹಾಲಿವುಡ್ನಲ್ಲಿ ಒಳ್ಳೆ ಹೆಸರು ಮಾಡ್ತಿದ್ದಾರೆ. ಬಾಲಿವುಡ್​ನಲ್ಲೂ ದೇಸಿ ಗರ್ಲ್​ಗೆ ಭಾರೀ ಡಿಮ್ಯಾಂಡ್ ಇದೆ. ಆದ್ರೆ ಹಿಂದೆ ಪ್ರಿಯಾಂಕಾ ಅನೇಕ ಸವಾಲು ಎದುರಿಸಿ ಮುಂದೆ ಬಂದಿದ್ದಾರೆ.

ಬಹು ಬೇಡಿಕೆ ನಟಿಯಾಗಿರುವ ಪ್ರಿಯಾಂಕಾ ಚೋಪ್ರಾ ಆತ್ಮಹತ್ಯೆಗೆ ಯತ್ನಿಸಿದ್ದರಂತೆ. ಆದರೆ ನಟಿ ಇಷ್ಟು ದೊಡ್ಡ ಹೆಜ್ಜೆ ಇಟ್ಟಿದ್ದು ಯಾಕೆ? ಪ್ರಿಯಾಂಕಾ ಆತ್ಮಹತ್ಯೆಗೆ ಯತ್ನಿಸಲು ಕಾರಣವೇನು ಎಂದು ಇದೀಗ ಅವ್ರೆ ಹೇಳಿಕೊಂಡಿದ್ದಾರೆ.

ಕೆಲ ವರ್ಷಗಳ ಹಿಂದೆ ಪ್ರಿಯಾಂಕಾ ಆತ್ಮಹತ್ಯೆಗೆ ಯತ್ನಿಸಿದ್ದರು ಎಂದು ನಟಿಯ ಮ್ಯಾನೇಜರ್ ಪ್ರಕಾಶ್ ಜಾಜು ತಿಳಿಸಿದ್ದಾರೆ. ಪಿಗ್ಗಿ ಮ್ಯಾನೇಜರ್ ದೇಸಿ ಗರ್ಲ್​ಗೆ ಸಂಬಂಧಿಸಿದ ಅನೇಕ ವಿಚಾರವನ್ನು ಬಾಯ್ಬಿಟ್ಟಿದ್ದಾರೆ.

ಪ್ರಕಾಶ್ ಜಾಜು ಕೆಲವು ವರ್ಷಗಳ ಹಿಂದೆ ಟ್ವಿಟರ್ನಲ್ಲಿ ಕೆಲವು ಟ್ವೀಟ್ಗಳನ್ನು ಮಾಡಿದ್ದರು. ಅದರಲ್ಲಿ ಪ್ರಿಯಾಂಕಾ ಆತ್ಮಹತ್ಯೆ ಯತ್ನದ ಬಗ್ಗೆ ಬರೆದಿದ್ದಾರೆ. ನಟಿಗೆ ಆತ್ಮಹತ್ಯೆಗೆ ಯತ್ನಿಸುವಂತಹ ಕಷ್ಟವಾದ್ರೂ ಏನು ಅಂದಿದ್ದಾರೆ.

ಇಂದು ತುಂಬಾ ಗಟ್ಟಿಮುಟ್ಟಾಗಿ ಕಾಣುತ್ತಿರುವ ಪ್ರಿಯಾಂಕಾ 2-3 ಬಾರಿ ಆತ್ಮಹತ್ಯೆಗೆ ಯತ್ನಿಸಿದ್ದಾರೆ ಎಂದು ಬರೆದುಕೊಂಡಿದ್ದರು. ಪ್ರಿಯಾಂಕಾ ಆತ್ಮಹತ್ಯೆಗೆ ಯತ್ನಿಸಿದಾಗ ಅವ್ರನ್ನು ತಡೆಯಲು ತುಂಬಾ ಕಷ್ಟಪಟ್ಟಿದ್ದೇನೆ ಎಂದು ಹೇಳಿದ್ದಾರೆ.

ಪ್ರಿಯಾಂಕಾ ಮತ್ತು ಮಾಜಿ ಗೆಳೆಯ ಅಸೀಮ್ ಮರ್ಚೆಂಟ್ ಹಲವು ಬಾರಿ ಜಗಳವಾಡುತ್ತಿದ್ದರು. ರಾತ್ರಿಯಿಡೀ ಪ್ರಿಯಾಂಕಾ ಚಿಂತೆ ಮಾಡ್ತಾ ಅಳುತ್ತಿದ್ರು. ಮ್ಯಾನೇಜರ್ಗೂ ಕೂಡ ಅನೇಕ ಬಾರಿ ಕರೆ ಮಾಡಿ ಕಷ್ಟ ಹೇಳಿಕೊಂಡಿದ್ದಾರಂತೆ.

ಪ್ರಿಯಾಂಕಾ ಹಾಗೂ ಮ್ಯಾನೇಜರ್ ಜೊತೆ ಮನಸ್ತಾಪ ಉಂಟಾಗಿತ್ತು. ಬಳಿಕ ತನಗೆ ಅವ್ರೇ ಏನಾದ್ರೂ ಮಾಡಬಹುದೆಂಬ ಭಯವೂ ನನಗಿತ್ತು ಎಂದು ಮ್ಯಾನೇಜರ್ ಹೇಳಿಕೊಂಡಿದ್ದಾರೆ.

ಪ್ರಿಯಾಂಕಾ ಮತ್ತು ಆಕೆಯ ತಂದೆ ಇಬ್ಬರೂ ಪ್ರಕಾಶ್ ಜಾಜು ವಿರುದ್ಧ ಪೊಲೀಸ್ ದೂರು ದಾಖಲಿಸಿದ್ದರು ಮತ್ತು ತನ್ನ ಖಾಸಗಿ ಜೀವನದಲ್ಲಿ ಹಸ್ತಕ್ಷೇಪ ಮಾಡುತ್ತಿದ್ದಾರೆ ಎಂದು ಆರೋಪಿಸಿದ್ದರು. ಇದರಿಂದಾಗಿ ಮ್ಯಾನೇಜರ್ ಕೆಲಕಾಲ ಜೈಲಿನಲ್ಲೇ ಇರಬೇಕಾಯಿತು.