Priyanka Chopra: ನಟಿ ಪ್ರಿಯಾಂಕಾ ಚೋಪ್ರಾ ಮಗಳು ಮಾಲ್ತಿ ಮೇರಿ ಸಖತ್ ಕ್ಯೂಟ್, ಲಂಡನ್​ನಲ್ಲಿ ಈಸ್ಟರ್ ಸೆಲೆಬ್ರೇಶನ್ ಜೋರು!

ಸಿಟಾಡೆಲ್ ಸೀರಿಸ್ ಪ್ರಚಾರದಲ್ಲಿ ಪ್ರಿಯಾಂಕಾ ಬ್ಯುಸಿ ಆಗಿದ್ದಾರೆ. ಇದೀಗ ತನ್ನ ಮಗಳೊಂದಿಗೆ ಲಂಡನ್​ಗೆ ತೆರಳಿದ್ದಾರೆ. ನಿನ್ನೆ (ಏ.09) ಈಸ್ಟರ್ ಸಂಡೇ ಸೆಲೆಬ್ರೇಟ್ ಮಾಡಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಮಾಲ್ತಿ ಮೇರಿ ಜೊತೆಗಿನ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.

ಪ್ರಿಯಾಂಕಾ ಚೋಪ್ರಾ ಮಗಳು ಮಾಲ್ತಿ ಮೇರಿ ಫೋಟೋಗಳಲ್ಲಿ ತುಂಬಾ ಮುದ್ದಾಗಿ ಕಾಣುತ್ತಿದ್ದಾರೆ. ಮಾಲ್ತಿ ಜೊತೆ ಪ್ರಿಯಾಂಕಾ ಚೋಪ್ರಾ ಸಹ ಫೋಟೋಗೆ ಪೋಸ್ ಕೊಟ್ಟಿದ್ದಾರೆ. ಮುದ್ದಾದ ಅಮ್ಮ-ಮಗಳ ಫೋಟೋಗೆ ಲೈಕ್​ಗಳ ಸುರಿಮಳೆಯಾಗ್ತಿದೆ.

ಪ್ರಿಯಾಂಕಾ ಚೋಪ್ರಾ ಮಗಳ ಮುಖ ಅರ್ಧ ಕಾಣುತ್ತಿರುವ ಫೋಟೋ ಹಂಚಿಕೊಂಡಿದ್ದಾರೆ. ಮಾಲ್ತಿ ಮೇರಿ ವೈಟ್ ಟೀ-ಶರ್ಟ್ ಧರಿಸಿದ್ದಾರೆ. ಬಟ್ಟೆ ಮೇಲೆ ಮಾಲ್ತಿ ಮೇರಿಯ ಮೊದಲ ಈಸ್ಟರ್ ಎಂದು ಬರೆಯಲಾಗಿದೆ.

ಮತ್ತೊಂದು ಫೋಟೋದಲ್ಲಿ ಮಾಲ್ತಿ ಈಸ್ಟರ್ ಎಗ್ ಅನ್ನು ಕೈಯಲ್ಲಿಡಿದಿದ್ದಾರೆ . ಮಿರರ್ ಮುಂದೆ ಮತ್ತೊಂದು ಸೆಲ್ಫಿ ಕ್ಲಿಕಿಸಿಕೊಂಡ್ರು, ಮಾಲ್ತಿ ಮೇರಿಯ ತಲೆಗೆ ಪಿಗ್ಗಿ ಮುತ್ತಿಟ್ಟಿದ್ದಾರೆ.

ಒಂದೇ ರೀತಿ ಇರುವ ನೈಟ್​ವೇರ್​ನಲ್ಲಿ ಜೋಡಿಯಾಗಿ ಅಮ್ಮ-ಮಗಳು ಫೋಟೋಗೆ ಪೋಸ್ ಕೊಟ್ಟಿದ್ದಾರೆ. ಪ್ರಿಯಾಂಕಾ ಹಾಗೂ ಮಗಳು ಮಾಲ್ತಿ ಫೋಟೋಗಳು ವೈರಲ್ ಆಗಿದೆ. ತಾಯಿ-ಮಗಳು ಲಂಡನ್​ನಲ್ಲಿ ಈಸ್ಟರ್ ಆಚರಿಸಿದ್ದಾರೆ.

ಪ್ರಿಯಾಂಕಾ ಅವರು ಮುಂಬೈಗೆ ಭೇಟಿ ನೀಡಿದಾಗ ಮಾಲ್ತಿ ಮೇರಿಯನ್ನು ಸಿದ್ಧಿ ವಿನಾಯಕ ದೇಗುಲಕ್ಕೆ ಕರೆದುಕೊಂಡು ಹೋಗಿದ್ರು. ದೇವಸ್ಥಾನದಲ್ಲಿ ತೆಗೆದ ಫೋಟೋಗಳನ್ನು ಸಹ ನಟಿ ಪ್ರಿಯಾಂಕಾ ಚೋಪ್ರಾ ಹಂಚಿಕೊಂಡಿದ್ದರು.

ಬಹುನಿರೀಕ್ಷಿತ ಸಿಟಾಡೆಲ್ ಸೀರಿಸ್​ನಲ್ಲಿ ಪ್ರಿಯಾಂಕಾ ರಿಚರ್ಡ್ ಮ್ಯಾಡೆನ್ ಅವರೊಂದಿಗೆ ಕಾಣಿಸಿಕೊಂಡಿದ್ದು, ಏಪ್ರಿಲ್ 28 ರಂದು ಪ್ರೈಮ್ ವಿಡಿಯೋದಲ್ಲಿ ಬಿಡುಗಡೆಯಾಗಲಿದೆ. ಪ್ರಿಯಾಂಕಾ, ಶೀಘ್ರದಲ್ಲೇ ಆಲಿಯಾ ಭಟ್ ಮತ್ತು ಕತ್ರಿನಾ ಕೈಫ್ ಅವರೊಂದಿಗೆ ಜೀ ಲೇ ಜರಾ ಸಿನಿಮಾ ಶೂಟಿಂಗ್​ನಲ್ಲೂ ಕೂಡ ಭಾಗಿಯಾಗಲಿದ್ದಾರೆ.