ಕನ್ನಡದಲ್ಲೇ ಕನ್ನಡಿಗರಿಗೆ ಮನವಿ ಮಾಡಿದ ಕಣ್ಸನ್ನೆ ಬೆಡಗಿ..!

ಕಣ್ಸನ್ನೆ ಮೂಲಕವೇ ವಿಶ್ವದಾದ್ಯಂತ  ಕ್ರೇಜ್​ ಹುಟ್ಟುಹಾಕಿದ್ದ ಪ್ರಿಯಾ ಪ್ರಕಾಶ್ ವಾರಿಯರ್ ಈಗ ಎಲ್ಲಿದ್ದಾರೆ ಎಂಬ ಪ್ರಶ್ನೆ ಹಲವರಲ್ಲಿದೆ.

'ಒರು ಅಡಾರ್ ಲವ್' ಚಿತ್ರದಿಂದ ಏಕಾಏಕಿ ನ್ಯಾಷನಲ್ ಸ್ಟಾರ್ ಖ್ಯಾತಿಗಳಿಸಿದ್ದ ಪ್ರಿಯಾ ಚೊಚ್ಚಲ ಚಿತ್ರದ ಬಳಿಕ ಯಾವುದೇ ಸಿನಿಮಾದಲ್ಲೂ ಕಾಣಿಸಿರಲಿಲ್ಲ.

ಇನ್ನು ಈ ಚಿತ್ರ 'ಕಿರಿಕ್ ಲವ್ ಸ್ಟೋರಿ' ಎಂದು ಕನ್ನಡಕ್ಕೂ ಡಬ್ ಆದರೂ ಕನ್ನಡಿಗರಿಗೂ ಕಾಣದಂತೆ ಸಿನಿಮಾ ಚಿತ್ರಮಂದಿರದಿಂದ ಮಾಯವಾಗಿತ್ತು.

ಇದರ ಬೆನ್ನಲ್ಲೇ ಬಾಲಿವುಡ್​ನಲ್ಲಿ 'ಶ್ರೀದೇವಿ ಬಂಗ್ಲೊ' ಎಂಬ ಚಿತ್ರಕ್ಕೆ ಪ್ರಿಯಾ ನಾಯಕಿ ಎಂಬ ಸುದ್ದಿ ಹೊರಬಿದ್ದಿತ್ತು. ಆದರೆ ಚಿತ್ರೀಕರಣದ ಆರಂಭದಲ್ಲೇ ವಿವಾದಕ್ಕೀಡಾಗಿ ಸಿನಿಮಾ ಸ್ಥಗಿತವಾಗಿತ್ತು.

ಆ ಬಳಿಕ ಒಂದಷ್ಟು ಜಾಹೀರಾತಿನಲ್ಲಿ ಮಿಂಚಿದ್ದ ಮಿಂಚು ಕಣ್ಣಿನ ಮೋಡಿಗಾರ್ತಿ ಇದೀಗ ಸ್ಯಾಂಡಲ್​​ವುಡ್ ಚಿತ್ರದ ಮೂಲಕ ಮರಳುತ್ತಿದ್ದಾರೆ.

ಪ್ರಿಯಾ ವಾರಿಯರ್ ನಟಿಸಿರುವ ಕನ್ನಡದ ಚಿತ್ರ ವಿಷ್ಣುಪ್ರಿಯ ಒಂದು ಹಂತದ ಶೂಟಿಂಗ್ ಮುಗಿಸಿದೆ. ಈ ಚಿತ್ರದಲ್ಲಿ ಪಡ್ಡೆಹುಲಿ ಖ್ಯಾತಿಯ ಶ್ರೇಯಸ್ ನಾಯಕನಾಗಿ ಕಾಣಿಸಿಕೊಳ್ಳಲಿದ್ದಾರೆ.

ಇದೀಗ ಚಿತ್ರದ ಫಸ್ಟ್ ಲುಕ್ ಪೋಸ್ಟರ್​ನ್ನು ಬಿಡುಗಡೆ ಮಾಡಲು ಚಿತ್ರತಂಡ ಸಜ್ಜಾಗಿದ್ದು, ಇದೇ ಏಪ್ರಿಲ್ 5 ರಂದು ವಿಷ್ಣುಪ್ರಿಯನ ಮೊದಲ ಝಲಕ್ ಕಾಣಿಸಲಿದೆ.

ಈ ಬಗ್ಗೆ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿರುವ ಪ್ರಿಯಾ ವಾರಿಯರ್, 'ನನ್ನ ಎಲ್ಲಾ ಕನ್ನಡದ ಅಭಿಮಾನಿಗಳಿಗೆ ಪ್ರಿಯ ಮಾಡುವ ನಮಸ್ಕಾರಗಳು. 

ನನ್ನ ಮೊದಲನೇ ಕನ್ನಡ ಸಿನಿಮಾ ವಿಷ್ಣುಪ್ರಿಯ ಫಸ್ಟ್ ಲುಕ್ ಏಪ್ರಿಲ್ 5 ಕ್ಕೆ ಬಿಡುಗಡೆ ಆಗಲಿದೆ. ಎಲ್ಲರೂ ಶೇರ್ ಮಾಡಿ ಸಪೋರ್ಟ್ ಮಾಡಿ. ನಿಮ್ಮ ಪ್ರೀತಿ, ಆಶೀರ್ವಾದ ನನ್ನ ಮತ್ತು ಚಿತ್ರತಂಡದ ಮೇಲಿರಲಿ' ಎಂದು ಕೇಳಿಕೊಂಡಿದ್ದಾರೆ.

ಈ ಸಿನಿಮಾವನ್ನು ಖ್ಯಾತ ನಿರ್ಮಾಪಕ ಕೆ. ಮಂಜು ನಿರ್ಮಿಸುತ್ತಿದ್ದು, ಮಲಯಾಳಂ ನಿರ್ದೇಶಕ ವಿಕೆ ಪ್ರಕಾಶ್ ಆ್ಯಕ್ಷನ್ ಕಟ್ ಹೇಳುತ್ತಿದ್ದಾರೆ.

 ಚೊಚ್ಚಲ ಚಿತ್ರದಲ್ಲಿ ಸಾಹಸಸಿಂಹನ ಅಭಿಮಾನಿಯಾಗಿ ಮೆರೆದಿದ್ದ 'ಪಡ್ಡೆಹುಲಿ'  ಶ್ರೇಯಸ್ ಈ ಬಾರಿ ಕೂಡ 'ವಿಷ್ಣುಪ್ರಿಯ'ನಾಗಿ ಕಾಣಿಸಲಿದ್ದಾರೆ.

 ಪ್ರಿಯಾ ವಾರಿಯರ್

ಒಟ್ಟಿನಲ್ಲಿ ಕಳೆದೊಂದು ವರ್ಷದಿಂದ ಕಣ್ಸನ್ನೆ ಬೆಡಗಿಯನ್ನು ಕನ್ನಡದಲ್ಲೇ ನೋಡಬೇಕೆಂಬ ಸಿನಿಪ್ರಿಯರ ಆಸೆ 'ವಿಷ್ಣುಪ್ರಿಯ' ಮೂಲಕ ಈಡೇರಲಿದೆ.

ಪ್ರಿಯಾ ವಾರಿಯರ್

ಪ್ರಿಯಾ ವಾರಿಯರ್

ಪ್ರಿಯಾ ವಾರಿಯರ್

ಪ್ರಿಯಾ ವಾರಿಯರ್

ಪ್ರಿಯಾ ವಾರಿಯರ್

ಪ್ರಿಯಾ ವಾರಿಯರ್

ಪ್ರಿಯಾ ವಾರಿಯರ್

ಪ್ರಿಯಾ ವಾರಿಯರ್

ಪ್ರಿಯಾ ವಾರಿಯರ್ (PC: Priya Prakash Varrier FB)