KGF 2: ಅನಂತ್ ​ನಾಗ್​ ಪಾತ್ರಕ್ಕೆ ಪ್ರಕಾಶ್​ ರೈ​: ಸಿಟ್ಟಿಗೆದ್ದ ನೆಟ್ಟಿಗರಿಗೆ ಸ್ಪಷ್ಟನೆ ನೀಡಿದ ಕೆಜಿಎಫ್​ 2 ನಿರ್ದೇಶಕ ಪ್ರಶಾಂತ್​ ನೀಲ್​..!

ಲಾಕ್​ಡೌನ್​ ಸಡಿಲಗೊಂಡ ನಂತರ ಈಗ ಕೆ.ಜಿ.ಎಫ್​ ಚಾಪ್ಟರ್​ 2 ಚಿತ್ರದ ಚಿತ್ರೀರಕಣ ಆರಂಭವಾಗಿದೆ. ಕಂಠೀರವ ಸ್ಟುಡಿಯೋದಲ್ಲಿ 25 ದಿನಗಳ ಕಾಲ ಇದರ ಚಿತ್ರೀಕರಣ ನಡೆಯಲಿದೆ.

ಈ ಸುದ್ದಿಯನ್ನ ನಿರ್ದೇಶಕ ಪ್ರಶಾಂತ್​ ನೀಲ್​ ತಮ್ಮ ಇನ್​ಸ್ಟಾಗ್ರಾಂ ಮೂಲಕ ನೀಡಿದ್ದಾರೆ. ಅದರಲ್ಲೂ ಪ್ರಕಾಶ್​ ರೈ ಅವರ ಎಂಟ್ರಿ ವಿಷಯದ ಜೊತೆಗೆ ಪೋಸ್ಟ್​ ಮಾಡಿದ್ದು, ಸಾಕಷ್ಟು ಸಿನಿಪ್ರಿಯರನ್ನು ಕೆರಳಿಸಿದೆ.

ಪ್ರಕಾಶ್​ ರೈ ಅವರನ್ನು ಅನಂತ್ ನಾಗ್​ ಜಾಗಕ್ಕೆ ತೆಗೆದುಕೊಳ್ಳಲಾಗಿದೆ ಎಂದು ಹೇಳಲಾಗುತ್ತಿತ್ತು. ಈ ಸುದ್ದಿಯಿಂದಾಗಿ ನೆಟ್ಟಿಗರು ಸಿಟ್ಟಿಗೆದ್ದು ಬಾಯ್ಕಾಟ್​ ಕೆಜಿಎಫ್​ 2 ಎಂದೆಲ್ಲ ಕಮೆಂಟ್​ ಮಾಡಲು ಆರಂಭಿಸಿದ್ದರು.

ನಿಮಗೆ ಬೇರೆ ಯಾರೂ ಸಿಗಲಿಲ್ಲವಾ... ಇದು ತಪ್ಪು ನಿರ್ಧಾರ ಎಂದೆಲ್ಲ ನೆಟ್ಟಿಗರು ಕಮೆಂಟ್​​ ಮಾಡಿದ್ದಾರೆ.

ಈ ಕುರಿತಂತೆ ಭುವನ್​ ಸಹ ನಿನ್ನೆಯೇ ಸ್ಪಷ್ಟನೆ ನೀಡಿದ್ದಾರೆ. ಇದು ಪಾತ್ರ ಬದಲಾವಣೆ ಅಲ್ಲ. ಅನಂತ್​ ನಾಗ್​ ಅವರ ಜಾಗಕ್ಕೆ ಪ್ರಕಾಶ್​ ರೈ ಅವರನ್ನು ತಂದಿಲ್ಲ ಎಂದಿದ್ದರು.

ಸಾಮಾಜಿಕ ಜಾಲತಾಣದಲ್ಲಿ ನೆಟ್ಟಿಗರು ಗರಂ ಆಗಿ ಕಮೆಂಟ್​ ಮಾಡುತ್ತಿದ್ದಂತೆಯೇ ಪ್ರಶಾಂತ್​ ನೀಲ್​ ಸ್ಪಷ್ಟನೆ ನೀಡಿದ್ದಾರೆ.

ಇದು ಹೊಸ ಪಾತ್ರ, ಅನಂತ್​ ನಾಗ್​​ ಅವರ ಪಾತ್ರಕ್ಕೆ ಇವರನ್ನು ತಂದಿಲ್ಲ ಎಂದು ನೀಲ್​ ತಮ್ಮ ಇನ್​ಸ್ಟಾಗ್ರಾಂ ಸ್ಟೋರೀಸ್​ನಲ್ಲಿ ಪೋಸ್ಟ್​ ಮಾಡಿದ್ದಾರೆ.

ಆದರೂ ಕೆ.ಜೆ.ಎಫ್​ 2ಗೆ ಪ್ರಕಾಶ್​ ರೈ ಅವರನ್ನು ತೆಗೆದುಕೊಂಡಿರುವುದು ಸಾಕಷ್ಟು ಮಂದಿಯಲ್ಲಿ ಅಸಮಾಧಾನಕ್ಕೆ ಕಾರಣವಾಗಿದೆ.

ಇನ್ನು ಈ ಅಸಮಾಧಾನದ ಕಿಡಿ ಕಜಿಎಫ್​ ಸಿನಿಮಾದ ರಿಲೀಸ್​ ಮೇಲೆ ಯಾವ ರೀತಿಯ ಪರಿಣಾಮ ಬೀರಲಿದೆ ಎನ್ನುವುದಕ್ಕೆ ಕಾಲವೇ ಉತ್ತರಿಸಲಿದೆ.

ಕೆ.ಜಿ.ಎಫ್​. ಚಾಪ್ಟರ್​ 2 ಚಿತ್ರೀಕರಣದ ಸೆಟ್​ನಲ್ಲಿ ಪ್ರಕಾಶ್​ ರೈ ಹಾಗೂ ಪ್ರಶಾಂತ್​ ನೀಲ್​.