Prabhas: ಬಾಲಯ್ಯನ ಎದುರು ದೊಡ್ಡಪ್ಪ ಕೃಷ್ಣಂ ರಾಜು ನೆನೆದು ಕಣ್ಣೀರು ಹಾಕಿದ ಪ್ರಭಾಸ್!

ರೆಬೆಲ್ ಸ್ಟಾರ್ ಕೃಷ್ಣಂ ರಾಜು ನಿಧನದ ಸುದ್ದಿ ಕೇಳಿ ಇಡೀ ತೆಲುಗು ಚಿತ್ರರಂಗವೇ ಶೋಕ ಸಾಗರದಲ್ಲಿ ಮುಳುಗಿತ್ತು. ಚಿತ್ರರಂಗ ಮತ್ತು ರಾಜಕೀಯ ಗಣ್ಯರು ಸಂತಾಪ ಸೂಚಿಸಿ, ಪ್ರಭಾಸ್ ಗೆ ಸಂತ್ವಾನ ಹೇಳಿದ್ರು.

ಕೃಷ್ಣಂ ರಾಜು ಅವರು 83 ನೇ ವಯಸ್ಸಿನಲ್ಲಿ ನಿಧನರಾದರು. ನಟ ಕೃಷ್ಣಂರಾಜ್ ಬಳಿಕ ಪ್ರಭಾಸ್ ಕುಟುಂಬದ ಸಂಪೂರ್ಣ ಹೊಣೆ ಹೊತ್ತಿದ್ದಾರೆ. ವಾಜಪೇಯಿ ಕಾಲದಲ್ಲಿ ಕೇಂದ್ರ ಸಚಿವರಾಗಿ ಸೇವೆ ಸಲ್ಲಿಸಿದ್ದ ಕೃಷ್ಣಂರಾಜ್ ಅವರ ಅಂತಿಮ ಸಂಸ್ಕಾರವನ್ನು ಸಕಲ ಸರ್ಕಾರಿ ಗೌರವಗಳೊಂದಿಗೆ ನಡೆಸಲಾಯಿತು.

ಅನ್ಸ್ಟಾಪಬಲ್ ಟಾಕ್ ಕಾರ್ಯಕ್ರಮಕ್ಕೆ ಬಂದಿದ್ದ ಪ್ರಭಾಸ್, ಬಾಲಯ್ಯ ಜೊತೆ ದೊಡ್ಡಪ್ಪನ ಬಗ್ಗೆ ಮಾತನಾಡುತ್ತಾ ಕೊಂಚ ಭಾವುಕರಾದರು. ಬಾಲಯ್ಯ ಕಾರ್ಯಕ್ರಮಕ್ಕೆ ಪ್ರಭಾಸ್ ಬಂದಿದ್ದ ಸಂಚಿಕೆ 2 ಭಾಗಗಳಲ್ಲಿ ಪ್ರಸಾರವಾಗುತ್ತಿದೆ. ಮೊದಲ ಭಾಗ ಈಗಾಗಲೇ ಸ್ಟ್ರೀಮಿಂಗ್ ಆಗಿದ್ದರೆ, 2ನೇ ಭಾಗ ಜನವರಿ 6 ರಂದು ಸ್ಟ್ರೀಮ್ ಆಗಲಿದೆ.

ಈ ಸಂಚಿಕೆಯಲ್ಲಿ ಪ್ರಭಾಸ್ ತಮ್ಮ ದೊಡ್ಡಪ್ಪ ಕೃಷ್ಣಂ ರಾಜ್ ಜೊತೆಗಿನ ಸಂಬಂಧವನ್ನು ನೆನೆದು ಬಾಲಯ್ಯ ಮುಂದೆ ಕಣ್ಣೀರಿಟ್ಟರು. ಕೃಷ್ಣರಾಜು ಅವರ ಅನಾರೋಗ್ಯದ ಬಗ್ಗೆಯೂ ಮಾತಾಡಿದ್ದಾರೆ.

ಪ್ರಭಾಸ್ ಗೆಳೆಯ ಗೋಪಿಚಂದ್ ಆಗಮನದೊಂದಿಗೆ ಸಂಚಿಕೆ 2 ಪ್ರಾರಂಭವಾಯಿತು. ಪ್ರಭಾಸ್ ಭಾವುಕರಾದ ದೃಶ್ಯ ಅನ್ಸ್ಟಾಪಬಲ್ ಟಾಕ್ ಪ್ರೋಮೋದಲ್ಲೂ ಕಾಣಬಹುದು.

ಅವರಿಂದಲೇ ನಾನು ಇಲ್ಲಿದ್ದೇನೆ.. ಅವರಿಗೆ ಸದಾ ಋಣಿಯಾಗಿರುತ್ತೇನೆ ಎಂದು ಪ್ರಭಾಸ್ ಹೇಳಿದ್ದಾರೆ. ಆ ದಿನಗಳಲ್ಲಿ ಮದ್ರಾಸಿಗೆ ಬಂದು 10-12 ವರ್ಷಗಳ ಕಾಲ ಖಳನಾಯಕನಾಗಿ ಕೆಲಸ ಮಾಡಿ, ಸ್ವಂತ ಬ್ಯಾನರ್ ಆರಂಭಿಸಿ, ಲೇಡಿ ಓರಿಯೆಂಟೆಡ್ ಚಿತ್ರಗಳನ್ನು ನಿರ್ಮಿಸಿ ಟಾಲಿವುಡ್ ನಲ್ಲಿ ಕೃಷ್ಣಂ ರಾಜು ಜೊತೆ ಇತಿಹಾಸ ಸೃಷ್ಟಿಸಿದ್ದರು. ಇಂದು ನಮ್ಮ ಇಡೀ ಕುಟುಂಬ ಅವರನ್ನು ತುಂಬಾ ಮಿಸ್ ಮಾಡಿಕೊಳ್ಳುತ್ತಿದೆ ಎಂದು ಪ್ರಭಾಸ್ ಕಣ್ಣೀರಿಟ್ಟರು.

ಕೃಷ್ಣಂ ರಾಜ್ ಸಾವಿನ ಕುರಿತು ಮಾತನಾಡಿದ ಪ್ರಭಾಸ್...” ಅವರು ಒಂದು ತಿಂಗಳಿನಿಂದ ಅನಾರೋಗ್ಯದಿಂದ ಬಳಲುತ್ತಿದ್ದರು. ಆಗ ನಾನು ಅವರ ಜೊತೆಗಿದ್ದೆ.. ವೈದ್ಯರೊಂದಿಗೆ ನಿರಂತರವಾಗಿ ಸಂಪರ್ಕದಲ್ಲಿದ್ದೇನೆ'' ಎಂದು ಹೇಳಿದರು. ಮತ್ತು ಬಾಲಯ್ಯ ಕೂಡ ಕೃಷ್ಣರಾಜು ಅವರನ್ನು ನೆನಪಿಸಿಕೊಂಡರು. ನಾನು ಟರ್ಕಿಯಲ್ಲಿ ಶೂಟಿಂಗ್ ವೇಳೆ ಈ ಸುದ್ದಿ ಬಂದಿತ್ತು ನಾನು ತುಂಬಾ ಭಾವುಕನಾದೆ ಎಂದ್ರು.

ದಿವಂಗತ ರೆಬೆಲ್ ಸ್ಟಾರ್ ಕೃಷ್ಣಂರಾಜು ಅವರ ಪುಣ್ಯಸ್ಮರಣೆ ಕಾರ್ಯಕ್ರಮವನ್ನು ಪ್ರಭಾಸ್ ತಮ್ಮ ಹುಟ್ಟೂರಾದ ಮೊಗಲ್ತೂರಿನಲ್ಲಿ ಆಯೋಜಿಸಿದ್ದರು. ಸುಮಾರು ಒಂದು ಲಕ್ಷ ಜನರಿಗೆ ಊಟದ ವ್ಯವಸ್ಥೆ ಮಾಡಿದ್ದರು.