Prabhas Wedding Plan: ನನ್ನ ಹಣೆಯಲ್ಲಿ ಈಗ ಮದುವೆ ಯೋಗ ಇಲ್ಲ ಎಂದಿದ್ದೇಕೆ ಪ್ರಭಾಸ್?

ಹಲವು ವರ್ಷಗಳಿಂದ ಪ್ರಭಾಸ್ ಮದುವೆ ಮತ್ತು ಡೇಟಿಂಗ್ ಸುದ್ದಿ ಚರ್ಚೆಯಲ್ಲಿದೆ. ಪ್ರಭಾಸ್ ಹೆಸರು ಅನುಷ್ಕಾ ಶೆಟ್ಟಿಯೊಂದಿಗೆ ಕೇಳಿ ಬಂದಿತ್ತು, ಅವರು ನಿಜ ಜೀವನದಲ್ಲಿಯೂ ಪರಸ್ಪರ ಉತ್ತಮ ಸ್ನೇಹಿತರಾಗಿದ್ದಾರೆ. ಅದೇ ಸಮಯದಲ್ಲಿ, ಕಳೆದ ಹಲವಾರು ದಿನಗಳಿಂದ ಅವರು ಕೃತಿ ಸನೋನ್ ಜೊತೆ ಡೇಟಿಂಗ್ ಮಾಡುತ್ತಿದ್ದಾರೆ ಎಂಬ ವದಂತಿ ಇದೆ. ಆದರೆ ನಟಿ ಇದು ಕೇವಲ ವದಂತಿ ಎಂದು ಹೇಳಿದ್ದಾರೆ. ಕೃತಿ ಪ್ರಭಾಸ್ ಹೃದಯದಲ್ಲಿ ನೆಲೆಸಿದ್ದಾಳೆ ಎಂದು ವರುಣ್ ಧವನ್ ಹೇಳಿದ್ದಾರೆ. ಇತ್ತೀಚೆಗೆ ಸಂಭಾಷಣೆಯಲ್ಲಿ ಪ್ರಭಾಸ್ ತಮ್ಮ ಮದುವೆಯ ಯೋಜನೆ ಬಗ್ಗೆ ಮಾತನಾಡಿದ್ದಾರೆ.

ಅನ್‌ಸ್ಟಾಪಬಲ್ ವಿತ್ ಎನ್‌ಬಿಕೆ 2 ಚಾಟ್ ಶೋನಲ್ಲಿ, ಬಾಲಯ್ಯ ಅವರು ಪ್ರಭಾಸ್ ಅವರ ಮದುವೆಯ ಪ್ಲಾನ್​ಗಳ ಬಗ್ಗೆ ಪ್ರಶ್ನಿಸಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿದ ಬಾಹುಬಲಿ ಸ್ಟಾರ್ ಅವರು ಮದುವೆಯಾಗಲು ಪ್ಲಾನ್ ಮಾಡುತ್ತಿದ್ದಾರೆ ಎಂದಿದ್ದಾರೆ. ಆದರೆ ಅದು ಯಾವಾಗ ಸಂಭವಿಸುತ್ತದೆ ಎಂಬುದರ ಬಗ್ಗೆ ಯಾವುದೇ ಖಚಿತ ಐಡಿಯಾ ಇಲ್ಲ ಎಂದು ಹೇಳಿದ್ದಾರೆ. ಮದುವೆಗಾಗಿ ತಮ್ಮ ಕುಟುಂಬದಿಂದ ಬರುವ ಒತ್ತಡವನ್ನು ನಿಭಾಯಿಸುವ ಬಗ್ಗೆಯೂ ಮಾತನಾಡಿದ್ದಾರೆ.

ಕೆಲ ದಿನಗಳಿಂದ ಚಿತ್ರರಂಗದಲ್ಲಿ ಪ್ರಭಾಸ್ ಮದುವೆ ವಿಚಾರ ಚರ್ಚೆಯ ಸುದ್ದಿಯಾಗಿದೆ. NBK 2 ನೊಂದಿಗೆ ಈ ವಿಚಾರ ಹೈಲೈಟ್ ಆಗಿ ಪ್ರಭಾಸ್ ಮಾತನಾಡುವಂತಾಗಿದೆ.

ಬಾಲಕೃಷ್ಣ ಕೇಳಿದ ಪ್ರಶ್ನೆಗೆ ಪ್ರಭಾಸ್ ‘ಖಂಡಿತವಾಗಿ’ ಮದುವೆಯಾಗುತ್ತೇನೆ. ಆದರೆ ಯಾವಾಗ ಎಂದು ಗೊತ್ತಿಲ್ಲ ಎಂದಿದ್ದಾರೆ. ಡಾರ್ಲಿಂಗ್ ಸ್ಟಾರ್, 'ಐಡಿಯಾ ಇಲ್ಲ ಸರ್. ನನಗೆ ಇನ್ನೂ ಇದರ ಬಗ್ಗೆ ಗೊತ್ತಿಲ್ಲ. ಆದರೆ ನಾನು ಖಂಡಿತವಾಗಿಯೂ ಮದುವೆಯಾಗುತ್ತೇನೆ. ನನ್ನ ಮದುವೆ ಯೋಗ ಇನ್ನೂ ಬಂದಿಲ್ಲ ಎಂದಿದ್ದಾರೆ.

'ನನ್ನ ಸಹೋದರಿ ಹತ್ತಿರದಲ್ಲಿ ವಾಸಿಸುತ್ತಾಳೆ. ನನ್ನ ಅತ್ತಿಗೆ ಕೂಡ ಹತ್ತಿರವಾಗಿದ್ದಾರೆ. ಆದ್ದರಿಂದ, ನಾವು ಇದೀಗ ಮದುವೆ ನಿಟ್ಟಿನಲ್ಲಿ ಸ್ವಲ್ಪ ಮಾಡುತ್ತಿದ್ದೇವೆ ಎಂದಿದ್ದಾರೆ.

ಪ್ರಭಾಸ್ ಅವರ ಕೆಲಸದ ಬಗ್ಗೆ ನೋಡಿದರೆ ಅವರು ಇತ್ತೀಚಿನ ದಿನಗಳಲ್ಲಿ ತುಂಬಾ ಬ್ಯುಸಿ ಶೆಡ್ಯೂಲ್​ನಲ್ಲಿದ್ದಾರೆ. ಕೃತಿ ಸನೋನ್, ಸೈಫ್ ಅಲಿ ಖಾನ್ ಮತ್ತು ಸನ್ನಿ ಸಿಂಗ್ ನಟಿಸಿರುವ ಓಂ ರಾವತ್ ನಿರ್ದೇಶನದ 'ಆದಿಪುರುಷ್​​'ನಲ್ಲಿದ್ದಾರೆ.

ಬಾಹುಬಲಿ ಸಿನಿಮಾ ನಂತರ ಪ್ರಭಾಸ್ ಸ್ಟಾರ್ ಪಟ್ಟದ ರೇಂಜ್ ಬದಲಾಗಿದೆ. ಈಗ ಎಲ್ಲರ ಕುತೂಹಲ ಅವರ ಮದುವೆ ಬಗ್ಗೆ ಮಾತ್ರ.