Prabhas-Adipurush: ಭಾರತಕ್ಕೂ ಮೊದಲೇ ಅಮೆರಿಕಾದಲ್ಲಿ 'ಆದಿಪುರುಷ'ನ ದರ್ಶನ! ಚಿತ್ರತಂಡದಿಂದ ಸಿಕ್ತು ಬಿಗ್ ನ್ಯೂಸ್

ಸಾಹೋ ಮತ್ತು ರಾಧೆ ಶ್ಯಾಮ್ ನಂತರ ಪ್ರಭಾಸ್ ಆದಿಪುರುಷ ಎಂಬ ಸಿನಿಮಾ ಮಾಡುತ್ತಿದ್ದಾರೆ. ಈ ಸಿನಿಮಾದ ಟೀಸರ್ ಬಿಡುಗಡೆಯಾದ ನಂತರ ಅಭಿಮಾನಿಗಳಿಂದ ತೀವ್ರ ಟೀಕೆ ಕೂಡ ವ್ಯಕ್ತವಾಗಿತ್ತು. ಈ ಹಿನ್ನೆಲೆಯಲ್ಲಿ ಈ ಸಿನಿಮಾದಲ್ಲಿ ಸಂಪೂರ್ಣ ಗ್ರಾಫಿಕ್ಸ್ ವರ್ಕ್ ಚೇಂಜ್ ಮಾಡಲಾಗುತ್ತಿದೆ. ಫೋಟೋ: ಟ್ವಿಟರ್

ಇದೀಗ ಈ ಸಿನಿಮಾ ಭಾರತಕ್ಕಿಂತ ಮೊದಲು ಅಮೆರಿಕಾದಲ್ಲಿ ರಿಲೀಸ್ ಆಗಲಿದೆ. ಜೂನ್ 13 ರಂದು ನ್ಯೂಯಾರ್ಕ್​ನಲ್ಲಿ ನಡೆಯಲಿರುವ ಟ್ರಿಬೆಕಾ ಫೆಸ್ಟಿವಲ್​ನಲ್ಲಿ ಆದಿಪುರುಷ ಸಿನಿಮಾ ಪ್ರಥಮ ಪ್ರದರ್ಶನ ಕಾಣಲಿದೆ. ಈ ಬಗ್ಗೆ ಚಿತ್ರತಂಡ ಘೋಷಣೆ ಮಾಡಿದೆ.

ಈ ಬಾರಿಯ ಟ್ರಿಬೆಕಾ ಫೆಸ್ಟಿವಲ್​ನಲ್ಲಿ ಆದಿಪುರುಷ ಸಿನಿಮಾ ತೆರೆಗೆ ಬರುತ್ತಿರುವುದು ಹೆಮ್ಮೆಯ ವಿಷಯ ಎಂದು ನಿರ್ದೇಶಕ-ನಿರ್ಮಾಪಕರು ಹೇಳಿದ್ದಾರೆ. ಭಾರೀ ನಿರೀಕ್ಷೆಗಳ ನಡುವೆ, ಚಿತ್ರವು 16 ಜೂನ್ 2023 ರಂದು ಅದ್ಧೂರಿಯಾಗಿ ಬಿಡುಗಡೆಯಾಗಲಿದೆ.

ರಾಮಾಯಣ ಆಧಾರಿತ ಈ ಸಿನಿಮಾವನ್ನು ರೆಟ್ರೋ ಫೈಲ್ಸ್ ಕಂಪನಿಯೊಂದಿಗೆ ಟೀ ಸೀರಿಸ್ ಮುಖ್ಯಸ್ಥ ಭೂಷಣ್ ಕುಮಾರ್ ಅವರು ಬೃಹತ್ ವೆಚ್ಚದಲ್ಲಿ ನಿರ್ಮಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ರಾಮನಾಗಿ ಪ್ರಭಾಸ್, ಸೀತೆಯಾಗಿ ಕೃತಿ ಸನೋನ್, ಲಂಕೇಶ್ ಪಾತ್ರದಲ್ಲಿ ಸೈಫ್ ಅಲಿ ಖಾನ್ ಮತ್ತು ಲಕ್ಷ್ಮಣನಾಗಿ ಸನ್ನಿ ಸಿಂಗ್ ನಟಿಸಿದ್ದಾರೆ. ಫೋಟೋ : ಟ್ವಿಟರ್

‘ಆದಿಪುರುಷ’ ಚಿತ್ರವನ್ನು ಸಂಪೂರ್ಣವಾಗಿ ಗ್ರೀನ್ ಮ್ಯಾಟ್ ಮೇಲೆ ಚಿತ್ರೀಕರಿಸಿದ್ದಾರೆ. ಸದ್ಯ ಈ ಸಿನಿಮಾದ ಗ್ರಾಫಿಕ್ಸ್ ಕೆಲಸ ನಡೆಯುತ್ತಿದೆ. ರೂ. 400 ಕೋಟಿ ವೆಚ್ಚದಲ್ಲಿ ಈ ಸಿನಿಮಾ ನಿರ್ಮಾಣವಾಗಿದೆ. ಫೋಟೋ: ಟ್ವಿಟರ್

ಈ ಚಿತ್ರಕ್ಕಾಗಿ ಪ್ರಭಾಸ್ 150 ಕೋಟಿ ಸಂಭಾವನೆ ತೆಗೆದುಕೊಳ್ಳುತ್ತಿದ್ದಾರೆ ಎನ್ನಲಾಗಿದೆ. ಭಾರತೀಯ ಚಿತ್ರರಂಗದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟರಲ್ಲಿ ಪ್ರಭಾಸ್ ಕೂಡ ಒಬ್ಬರು ಎಂದು ಹೇಳಬಹುದು. ಈ ಸಿನಿಮಾಗಳ ಜೊತೆಗೆ ಪ್ರಭಾಸ್, ಪ್ರಾಜೆಕ್ಟ್ ಕೆ, ಸಲಾರ್ ಮತ್ತು ಸಂದೀಪ್ ರೆಡ್ಡಿ ವಂಗ ನಿರ್ದೇಶನದಲ್ಲಿ ಸ್ಪಿರಿಟ್ ಎಂಬ ಮೂರು ಸಿನಿಮಾಗಳನ್ನು ಮಾಡುತ್ತಿದ್ದಾರೆ. ಫೋಟೋ: ಟ್ವಿಟರ್

ಬಾಹುಬಲಿ ನಂತರ, ಅವರು ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಕ್ರೇಜ್ ಪಡೆದರು. ಇದೀಗ ಪ್ರಭಾಸ್ ವಿಶ್ವ ಮಾರುಕಟ್ಟೆಯತ್ತ ಗಮನ ಹರಿಸಿದ್ದಾರೆ. ಅದರ ಭಾಗವಾಗಿ, ನಾಗ್ ಅಶ್ವಿನ್ ನಿರ್ದೇಶನದ “ಪ್ರಾಜೆಕ್ಟ್ ಕೆ” ಭಾರತೀಯ ಭಾಷೆಗಳಲ್ಲಿ ಮತ್ತು ಇಂಗ್ಲಿಷ್​ನಲ್ಲಿ ಬಿಡುಗಡೆಯಾಗಲಿದೆ. ಜೊತೆಗೆ ಆದಿಪುರುಷ, ಸಲಾರ್ ಚಿತ್ರಗಳೂ ಬರುತ್ತಿವೆ. ಇದರೊಂದಿಗೆ ಪ್ರಭಾಸ್ ಅವರ 3 ಸಿನಿಮಾಗಳು ಪ್ಯಾನ್ ವರ್ಲ್ಡ್ ಚಿತ್ರಗಳಾಗಿ ಬಿಡುಗಡೆಯಾಗಲಿವೆ.

ಇನ್ನು ಪ್ರಭಾಸ್ ಸಲಾರ್  ಸಿನಿಮಾವನ್ನು ಪ್ರಶಾಂತ್ ನೀಲ್ ನಿರ್ದೇಶನ ಮಾಡುತ್ತಿದ್ದಾರೆ. ಭಾರೀ ನಿರೀಕ್ಷೆಗಳ ನಡುವೆ ಮೂಡಿಬರುತ್ತಿರುವ ಈ ಸಿನಿಮಾದ ಶೂಟಿಂಗ್ ಹೈದರಾಬಾದ್ ನಲ್ಲಿ ಶರವೇಗದಲ್ಲಿ ಸಾಗುತ್ತಿದೆ. ಈಗಾಗಲೇ ಈ ಸಿನಿಮಾದ ಶೂಟಿಂಗ್ ಬಹುತೇಕ ಕಂಪ್ಲೀಟ್ ಆಗಿದೆಯಂತೆ.. ಫೋಟೋ : ಟ್ವಿಟರ್