Puneeth Rajkumar: ಅಪ್ಪು ಜನ್ಮದಿನ! ಪುನೀತ್ ಅಭಿನಯದ ಟಾಪ್ ಸಿನಿಮಾಗಳಿವು

ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಬಾಲ್ಯದಲ್ಲಿಯೇ ಸ್ಟಾರ್ ಆದವರು. ಅಪ್ಪು ಅಭಿನಯದ ಬೆಟ್ಟದ ಹೂ ಚಿತ್ರ ಈಗಲೂ ಎಲ್ಲ ಮಕ್ಕಳ ಫೇವರಿಟ್ ಸಿನಿಮಾ ಆಗಿದೆ. ಪುಟ್ಟ ಮಕ್ಕಳು ಈಗಲೂ ಈ ಚಿತ್ರವನ್ನ ಇಷ್ಟ ಪಡ್ತಾರೆ. ಅತ್ಯುತ್ತಮ ಬಾಲ ನಟ ರಾಷ್ಟ್ರ ಪ್ರಶಸ್ತಿಯನ್ನ ಕೂಡ ಪುನೀತ್ ಈ ಚಿತ್ರಕ್ಕಾಗಿಯೇ ಪಡೆದುಕೊಂಡಿದ್ದರು. ಪಾರ್ವತಮ್ಮ ರಾಜ್‌ ಕುಮಾರ್ ಈ ಚಿತ್ರವನ್ನ ನಿರ್ಮಿಸಿದ್ದರು. ಎನ್. ಲಕ್ಷ್ಮೀ ನಾರಾಯಣ್ ಡೈರೆಕ್ಟ್ ಮಾಡಿದ್ದರು.

ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಇನ್ನೂ ಒಂದು ವಿಷಯದಲ್ಲಿ ಲಕ್ಕಿ ಅಗಿದ್ದರು. ಬಾಲ ನಟರಾಗಿ ಬಂದ ಕಲಾವಿದರು ಹೀರೋ ಆಗಿ ಮಿಂಚವಲ್ಲಿ ಸೋತಿದ್ದರು. ಅಪ್ಪು ವಿಷಯದಲ್ಲಿ ಅದು ಸುಳ್ಳಾಯಿತು. ಅಪ್ಪು ಹೆಸರಿನಲ್ಲಿಯೇ ಪುನೀತ್ ಬೆಳ್ಳಿ ತೆರೆಗೆ ಹೀರೋ ಆಗಿ ಬಂದ್ರು. 26 April 2002 ರಲ್ಲಿ ತೆರೆ ಕಂಡ ಈ ಚಿತ್ರ ಸೂಪರ್ ಹಿಟ್ ಆಯಿತು. ಕನ್ನಡಕ್ಕೆ ಈ ಮೂಲಕ ಪವರ್ ಸ್ಟಾರ್ ಎಂಟ್ರಿ ಆಗಿತ್ತು. ಪೂರಿ ಜಗನ್ನಾಥ್ ಈ ಚಿತ್ರವನ್ನ ಡೈರೆಕ್ಟ್ ಮಾಡಿದ್ದರು.

ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಅಭಿನಯದ ಅಭಿ ಚಿತ್ರವೂ ಸೂಪರ್ ಹಿಟ್ ಆಯಿತು. ಈ ಚಿತ್ರದ ಮೂಲಕ ನಟಿ ರಮ್ಯ ಕನ್ನಡ ಚಿತ್ರರಂಗಕ್ಕೆ ಕಾಲಿಟ್ಟರು. 25 April 2003 ರಿಲೀಸ್ ಆದ ಈ ಚಿತ್ರ ಜನರ ಹೃದಯ ಗೆದ್ದಿತ್ತು. ದಿನೇಶ್ ಬಾಬು ಈ ಚಿತ್ರವನ್ನ ಡೈರೆಕ್ಟ್ ಮಾಡಿದ್ದರು. ಬಾಕ್ಸ್ ಆಫೀಸ್ ಕಲೆಕ್ಷನ್ ಕೂಡ ಭರ್ಜರಿಯಾಗಿಯೇ ಆಗಿತ್ತು.

ಪುನೀತ್ ರಾಜ್‌ಕುಮಾರ್ ಮತ್ತು ರಮ್ಯ ಜೋಡಿಯಲ್ಲಿ ಆಕಾಶ್ ಸಿನಿಮಾ ಬಂದು. ಈ ಚಿತ್ರವೂ 29 April 2005 ರಿಲೀಸ್ ಆಗಿತ್ತು. ಈ ಚಿತ್ರವೂ ಕೂಡ ಸೂಪರ್ ಹಿಟ್ ಆಗಿತ್ತು. ಮಹೇಶ್ ಬಾಬು ನಿರ್ದೇಶನದ ಈ ಚಿತ್ರ ಬಾಕ್ಸ್‌ ಆಫೀಸ್‌ನಲ್ಲಿ ಒಳ್ಳೆ ಕಲೆಕ್ಷನ್ ಮಾಡಿತ್ತು.

ಪುನೀತ್ ರಾಜ್‌ ಕುಮಾರ್ ಅಭಿನಯದ ಅರಸು ಚಿತ್ರವೂ ಸೂಪರ್ ಹಿಟ್ ಆಗಿತ್ತು. ಮಹೇಶ್ ಬಾಬು ನಿರ್ದೇಶನದ ಮಾಡಿದ್ದರು. 25 January 2007 ಈ ಚಿತ್ರ ರಿಲೀಸ್ ಆಗಿತ್ತು. ಇದರಲ್ಲೂ ಅಪ್ಪುಗೆ ರಮ್ಯ ಜೋಡಿ ಆಗಿದ್ದರು. ಮೀರಾ ಜಾಸ್ಮಿನ್ ಕೂಡ ಈ ಚಿತ್ರದಲ್ಲಿ ಅಭಿನಯಿಸಿದ್ದರು. ಇವರ ಈ ಸಿನಿಮಾ ಎಲ್ಲರ ಫೇವರಿಟ್ ಸಿನಿಮಾ ಆಗಿದೆ.

ಪವರ್ ಸ್ಟಾರ್ ಅಪ್ಪು ಅಭಿನಯದ ಮಿಲನ ಚಿತ್ರ ಸೂಪರ್ ಹಿಟ್ ಚಿತ್ರಗಳ ಸಾಲಿನಲ್ಲಿಯೇ ಇದೆ. ಎಲ್ಲ ಕಾಲಕ್ಕೂ ಎಲ್ಲರಿಗೂ ಇಷ್ಟ ಆಗೋ ಕಂಟೆಂಟ್ ಈ ಚಿತ್ರದಲ್ಲಿತ್ತು. ಡೈರೆಕ್ಟರ್ ಪ್ರಕಾಶ್ ನಿರ್ದೇಶನದ ಈ ಚಿತ್ರದಲ್ಲಿ ಅದ್ಭುತ ಹಾಡುಗಳೂ ಇದ್ದವು. ಮನೋ ಮೂರ್ತಿ ಅವರ ಸಂಗೀತದ ಈ ಚಿತ್ರ ಸೂಪರ್ ಹಿಟ್ ಆಗಿತ್ತು. 365 ದಿನಗಳವರೆಗೂ ಓಡಿತ್ತು. ಪಾರ್ವತಿ ಮೆನನ್ ಈ ಚಿತ್ರದಲ್ಲಿ ಅಪ್ಪುಗೆ ಜೋಡಿ ಆಗಿದ್ದರು.

ಪುನೀತ್ ರಾಜ್‌ಕುಮಾರ್ ಅಭಿನಯದ ವಂಶಿ ಚಿತ್ರವೂ ವಿಶೇಷವಾಗಿಯೇ ಇತ್ತು. ಈ ಚಿತ್ರದಲ್ಲಿ ಪುನೀತ್ ಅಭಿನಯ ಅದ್ಭುತವಾಗಿಯೇ ಮೂಡಿ ಬಂದಿತ್ತು. ಮಿಲನ ಆದ್ಮೇಲೆ ಡೈರೆಕ್ಟರ್ ಪ್ರಕಾಶ್ ಈ ಚಿತ್ರವನ್ನ ನಿರ್ದೇಶನದ ಮಾಡಿದ್ದರು. ಇದು ಕೂಡ ಬಾಕ್ಸ್ ಆಫೀಸ್ ಕೊಳ್ಳೆ ಹೊಡೆದಿತ್ತು.

ಪುನೀತ್ ರಾಜ್‌ಕುಮಾರ್ ಅಭಿನಯದಲ್ಲಿ ಪರಮಾತ್ಮ ಚಿತ್ರ ಸೂಪರ್ ಆಗಿಯೇ ಬಂದಿತ್ತು. ಪೃಥ್ವಿ ಚಿತ್ರವೂ ವಿಶೇಷವಾಗಿಯೇ ಇತ್ತು. ಜಾಕಿ ಚಿತ್ರವೂ ಗಮನ ಸೆಳೆಯಿತು. ಮೈತ್ರಿ ಕೂಡ ಅಪ್ಪು ಅಭಿನಯದ ಮತ್ತೊಂದು ವಿಶೇಷ ಚಿತ್ರವೇ ಆಗಿತ್ತು.

ಪುನೀತ್ ಅಭಿನಯದ ರಾಜಕುಮಾರ್ ಸೂಪರ್ ಹಿಟ್ ಚಿತ್ರವೇ ಆಗಿದೆ. ಸಂತೋಷ್ ಆನಂದರಾಮ್ ನಿರ್ದೇಶನದ ಈ ಚಿತ್ರ ಸೂಪರ್ ಡೂಪರ್ ಆಗಿತ್ತು. ಚಿತ್ರದಲ್ಲಿ ಹರಿಕೃಷ್ಣ ಅವರ ಸಂಗೀತದ ಹಾಡುಗಳು ಕೂಡ ಹಿಟ್ ಆದವು. ಈ ಚಿತ್ರ ಕೂಡ ಬಾಕ್ಸ್ ಆಫೀಸ್ ಕೊಳ್ಳೆ ಹೊಡೆದಿತ್ತು.

ಅಪ್ಪು ಅಭಿನಯದ ಯುವರತ್ನ, ಜೇಮ್ಸ್, ಲಕ್ಕಿ ಮ್ಯಾನ್ ಅದ್ಭುತವಾಗಿಯೇ ಬಂದಿದ್ದವು. ಈ ಚಿತ್ರಗಳನ್ನ ಕೂಡ ಜನ ಸ್ವೀಕರಿಸಿದ್ದರು.

ಇದಕ್ಕೂ ಹೆಚ್ಚಾಗಿ ಅಪ್ಪು ಅಭಿನಯದ ಕಟ್ಟಕಡೆಯ ಗಂಧದ ಗುಡಿ ಚಿತ್ರವೂ ಜನರ ಮೆಚ್ಚಿನ ಚಿತ್ರವೇ ಆಗಿದೆ. ಪುನೀತ್ ಜನ್ಮ ದಿನ ಮಾರ್ಚ್‌-17 ರಂದು ಈ ಚಿತ್ರ ಓಟಿಟಿಯಲ್ಲಿ ರಿಲೀಸ್ ಆಗುತ್ತಿದೆ.