Puneeth Rajkumar: ಅಪ್ಪು ದೇವರು ಅನ್ನೋಕೆ ಈ ಫೋಟೋಗಳೇ ಸಾಕ್ಷಿ.. ನೋಡಿದವರ ಮನಸ್ಸು ಭಾರವಾಗುತ್ತೆ ಕಣ್ರಿ..!

ಕನ್ನಡದ ಕಣ್ಮಣಿ ನಟ ಪವರ್‌ ಸ್ಟಾರ್‌ ಪುನೀತ್‌ರಾಜ್‌ಕುಮಾರ್‌ (Power Star Puneeth Rajkumar) ನಮ್ಮನ್ನಗಲಿ ಎರೆಡು ತಿಂಗಳಾಗಿದೆ. ಅವರ ನೆನಪು ಕನ್ನಡಿಗರಲ್ಲಿ ಅಚ್ಚಳಿಯದೆ ಉಳಿದಿದೆ.

ಪುನೀತ್​ ರಾಜ್​ಕುಮಾರ್​ ಅವರನ್ನು ಮರೆಯುವುದು ಅಸಾಧ್ಯ. ಜನಮಾನಸದಲ್ಲಿ ಅಪ್ಪು (Appu) ಎಂದಿಗೂ ಅಮರ ಎಂದರೆ ತಪ್ಪಲ್ಲ. ಅವರು ಇಲ್ಲ ಎನ್ನುವ ಸುದ್ದಿ ಬಂದಾಗಿನಿಂದಲೂ ಅವರ ಬಗ್ಗೆ ಒಂದೆಲ್ಲ ಒಂದು ವಿಚಾರಗಳು ಹೊರಬರುತ್ತಿವೆ. ಅವರ ಸಾಮಾಜಿಕ ಕೆಲಸಗಳು, ಅವರು ಅಭಿಮಾನಿಗಳ ಜೊತೆ ಇರುತ್ತಿದ್ದ ರೀತಿ ಎಲ್ಲವೂ ಮಾದರಿ.

ಅಪ್ಪು ಅವರನ್ನು ಈಗಾಗಲೇ ದೇವರ ರೂಪದಲ್ಲಿ ನೋಡುತ್ತಿದ್ದಾರೆ. ಅದಕ್ಕೆ ಹಲವಾರು ಸಾಕ್ಷಿಗಳು ಕೂಡ ಸಿಕ್ಕಿದೆ. ದೇವರ ಮನೆಯಲ್ಲಿ ಅಪ್ಪು ಅವರ ಫೋಟೋಗಳನ್ನು ಇಟ್ಟು ಪೂಜೆ ಮಾಡುತ್ತಿದ್ದಾರೆ.

ಮಂತ್ರಲಯಾದಲ್ಲಿ ರಾಘವೇಂದ್ರ ಶ್ರೀಗಳನ್ನು ನೋಡಲು ತೆರಳಿದ ಭಕ್ತರು, ಅಪ್ಪು ಅವರ ಫೋಟೋಗಳನ್ನು ಹಿಡಿದು ಪೂಜೆ ಮಾಡಿದ್ದಾರೆ. ಇದಕ್ಕೆ ಅಲ್ವಾ ಹೇಳೋದು ಪುನೀತ್​ ರಾಜ್​ಕುಮಾರ್​ ಅಮರ..

ಇನ್ನೂ ಶಬರಿಮಲೆ ದೇಗುಲಕ್ಕೆ ತೆರಳುವ ಮಾಲಾಧಾರಿಗಳು ಕೂಡ ಅಪ್ಪು ಅವರ ಫೋಟೋಗಳನ್ನು ಹಿಡಿದು ಬೆಟ್ಟ ಹತ್ತಿದ್ದಾರೆ. ಅಯ್ಯಪ್ಪ ಸ್ವಾಮಿಯ ದರ್ಶನ ಮಾಡಿದ್ದಾರೆ. ಈ ಫೋಟೋಗಳು ಕೂಡ ಸಾಮಾಜಿಕ ಜಾಲತಾಣದಲ್ಲಿ ಸಖತ್​ ವೈರಲ್​ ಆಗುತ್ತಿದೆ.

ಪುಟ್ಟ ಮಕ್ಕಳಿಂದ ಹಿರಿಯರು ಕೂಡ ಅಪ್ಪು ಅವರನ್ನು ದೇವರ ರೂಪದಲ್ಲಿ ಕಾಣುತ್ತಿದ್ದಾರೆ. ಈ ಫೋಟೋದಲ್ಲಿ ಚಿಕ್ಕ ಮಕ್ಕಳು ಕೂಡ ಅಪ್ಪು ಫೋಟೋ ಹಿಡಿದು ಮಂತ್ರಾಲಯದ ಮುಂದು ನಿಂತು ಫೋಟೋ ತೆಗೆಸಿಕೊಂಡಿದ್ದಾರೆ.

ಪವರ್‌ಸ್ಟಾರ್ ಪುನೀತ್ ರಾಜ್‌ಕುಮಾರ್ ಜರ್ನಿ ನಿಜಕ್ಕೂ ಅವರಷ್ಟೇ ಪವರ್‌ಫುಲ್. ಬದುಕಿದ 46 ವರ್ಷವೂ ಸರಳತೆಯನ್ನು ಅಳವಡಿಸಿಕೊಂಡು ಬದುಕಿದ್ದರು. ತನ್ನ ತಂದೆ ಆದರ್ಶಗಳನ್ನು ಅನುಸರಿಸಿ ಜೀವನ ನಡೆಸಿದ್ದರು.

ಪುನೀತ್(Puneeth) ನಮ್ಮೊಂದಿಗೆ ದೈಹಿಕವಾಗಿ (Physical)ಇಲ್ಲದೆ ಇದ್ದರೂ ಭಾವನಾತ್ಮಕವಾಗಿ ಪ್ರತಿಯೊಬ್ಬರಲ್ಲೂ ಬೆರೆತುಹೋಗಿದ್ದಾರೆ.. ಮನೆ ಮಗನಂತೆ ಕರ್ನಾಟಕದ ರಾಜರತ್ನ ನನ್ನ ಜನ ಇಂದಿಗೂ ಆರಾಧನೆ ಮಾಡುತ್ತಲೇ ಬಂದಿದ್ದಾರೆ.