Rashmika Mandanna ಸಿನಿಮಾದಲ್ಲಿ ಈ ಸ್ಟಾರ್​ ನಟಿಯ ಐಟಂ ಸಾಂಗ್​ ಅಂತೆ! ಈ ಪಾಡು ಬರಬಾರದಿತ್ತು ಅಂದಿದ್ಯಾಕೆ ಫ್ಯಾನ್ಸ್​?

ಇತ್ತೀಚಿನ ದಿನಗಳಲ್ಲಿ ಸಿನಿಮಾಗಳಲ್ಲಿ ಐಟಂ ಸಾಂಗ್ ಪ್ರಮುಖ ಆಕರ್ಷಣೆಯಾಗುತ್ತಿರುವುದನ್ನು ನೋಡುತ್ತಿದ್ದೇವೆ. ಹಿಂದಿನ ಕಾಲದಲ್ಲಿ ಈ ರೀತಿಯ ವಿಶೇಷ ಹಾಡುಗಳು ವಿಶೇಷ ಸೌಂದರ್ಯವನ್ನು ತರುತ್ತಿದ್ದವು. ಆದರೆ ಈಗ ಟ್ರೆಂಡ್ ಬದಲಾಗಿದೆ. ನಾಯಕಿಯರು ಐಟಂ ಸಾಂಗ್​ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.

ಸ್ಟಾರ್ ಡಮ್ ಇಲ್ಲದ ನಾಯಕಿಯರು, ಈಗಷ್ಟೇ ಇಂಡಸ್ಟ್ರಿಗೆ ಬರುತ್ತಿರುವ ನಾಯಕಿಯರು ಐಟಂ ಸಾಂಗ್​​ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಸ್ಟಾರ್​ ಹೀರೋಯಿನ್​ಗಳು ಐಟಂ ಸಾಂಗ್​ನಲ್ಲಿ ಸೊಂಟ ಬಳುಕಿಸಿ ಸುದ್ದಿಯಾಗುತ್ತಿದ್ದಾರೆ.ಈ ಪಟ್ಟಿಯಲ್ಲಿ ತಮನ್ನಾ, ಸಮಂತಾ, ಪೂಜಾ ಹೆಗ್ಡೆ ಮುಂತಾದ ತಾರೆಯರು ಇದ್ದಾರೆ.

ಈ ಹಿಂದೆ ತಮನ್ನಾ ಸರಿಲೇರು ನೀಕೆವ್ವರು ಸಿನಿಮಾದಲ್ಲಿ ಸ್ಪೆಷಲ್ ಸಾಂಗ್ ಮಾಡಿದ್ದರು. ತೆಲುಗು ಪ್ರೇಕ್ಷಕರು ಈ ಹಾಡು ಸಖತ್​ ಇಷ್ಟ ಆಗಿತ್ತು.

ಈ ಹಿಂದೆ ರಂಗಸ್ಥಳಂ ಸಿನಿಮಾದಲ್ಲಿ ಜಿಗೇಲ್ ರಾಣಿಯಾಗಿ ಪ್ರೇಕ್ಷಕರಿಂದ ಶಿಳ್ಳೆ ಗಿಟ್ಟಿಸಿಕೊಂಡಿದ್ದ ಪೂಜಾ ಹೆಗ್ಡೆ ಇತ್ತೀಚೆಗೆ ಎಫ್3 ಸಿನಿಮಾದಲ್ಲೂ ಸೊಂಟ ಬಳುಕಿಸಿದ್ದಾರೆ. ಇದರಿಂದಾಗಿ ಐಟಂ ಸಾಂಗ್​ ಹಾಡುಗಳ ವಿಚಾರದಲ್ಲಿ ಪೂಜಾಗೆ ಒಳ್ಳೆಯ ಬೇಡಿಕೆ ಬಂದಿದೆ.

ಈ ಮಧ್ಯೆ, ನಾಯಕಿ ಪೂಜಾ ಹೆಗ್ಡೆಗೆ ಮತ್ತೊಂದು ಸ್ಪೆಷಲ್ ಸಾಂಗ್ ಮಾಡುವ ಅವಕಾಶ ಸಿಕ್ಕಿದೆ. ಬಾಲಿವುಡ್ ಸಿನಿಮಾದಲ್ಲೂ ಇದೆಯಂತೆ. ಬಾಲಿವುಡ್ ಸಿನಿಮಾ 'ಅನಿಮಲ್'ನಲ್ಲಿ ಐಟಂ ಸಾಂಗ್ ಮಾಡಲು ಪೂಜಾ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ.

ರಣಬೀರ್ ಕಪೂರ್ ನಾಯಕನಾಗಿ ನಟಿಸುತ್ತಿರುವ ‘ಅನಿಮಲ್​ ಚಿತ್ರವನ್ನು ಸಂದೀಪ್​ ರೆಡ್ಡಿ ನಿರ್ದೇಶನ ಮಾಡುತ್ತಿದ್ದಾರೆ. ಈ ಸಿನಿಮಾದಲ್ಲಿ ರಶ್ಮಿಕಾ ಮಂದಣ್ಣ ಕೂಡ ನಾಯಕಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಸಿನಿಮಾದ ಐಟಂ ಸಾಂಗ್​ನಲ್ಲಿ ಪೂಜಾ ಹೆಗ್ಡೆ ಕಾಣಿಸಿಕೊಳ್ಳಲಿದ್ದಾರೆ. ಈ ಐಟಂ ಸಾಂಗ್​ಗಾಗಿ ಪೂಜಾ ಹೆಗ್ಡೆಗೆ ಭಾರೀ ಸಂಭಾವನೆ ಕೂಡ ಆಫರ್ ಮಾಡಲಾಗಿದೆ ಎಂದು ತಿಳಿದು ಬಂದಿದೆ.

ಪೂಜಾ ಹೆಗ್ಡೆ ಇತ್ತೀಚೆಗಷ್ಟೇ ತೆಲುಗಿನಲ್ಲಿ ರಾಧೆ ಶ್ಯಾಮ್​ ಮತ್ತು ಆಚಾರ್ಯ ಸಿನಿಮಾಗಳಲ್ಲಿ ನಟಿಸಿದ್ದರು. ಆದರೆ. ಎರಡು ಸಿನಿಮಾಗಳು ಮಕಾಡೆ ಮಲಗಿತ್ತು. ಈ ನಡುವೆ ಐಟಂ ಸಾಂಗ್ ಮೂಲಕ ಪೂಜಾ ಬಾಲಿವುಡ್ ನಲ್ಲಿ ಎಂತಹ ಕ್ರೇಜ್ ಗಿಟ್ಟಿಸಿಕೊಳ್ಳುತ್ತಾರೋ ಕಾದು ನೋಡಬೇಕಿದೆ.