Pooja Hegde: ಮುಂಬೈನಲ್ಲಿ ಮೇಕಪ್ ಇಲ್ಲದೆ ಸುತ್ತಾಡಿದ ಪೂಜಾ ಹೆಗ್ಡೆ!

ಬಾಲಿವುಡ್ ನಟಿ ಪೂಜಾ ಹೆಗ್ಡೆ ಸೂಪರ್ ಆಗಿ ತಮ್ಮೂರಿನಲ್ಲಿಯೇ ಎಂಜಾಯ್ ಮಾಡಿದ್ದಾರೆ. ನಟಿ ಇತ್ತೀಚೆಗೆ ಅಣ್ಣನ ಮದುವೆಗಾಗಿ ಕರಾವಳಿಗೆ ಬಂದಿದ್ದರು.

ಇದೀಗ ನಟಿ ಮುಂಬೈಗೆ ಮರಳಿದ್ದು ತಮ್ಮೂರಿಗೆ ಮರಳಿದ ಖುಷಿಯಲ್ಲಿ ಕೆಲವು ಫೋಟೋಸ್ ಶೇರ್ ಮಾಡಿದ್ದಾರೆ. ನಟಿ ಮೇಕಪ್ ಇಲ್ಲದೆ ಕಾಣಿಸಿಕೊಂಡಿದ್ದು ವಿಶೇಷ.

ನಟಿ ಸಂಜೆಯ ಬೆಳಕಿನಲ್ಲಿ ಸುಂದರವಾದ ನಗುವಿನೊಂದಿಗೆ ಸೆಲ್ಫೀ ಕೂಡಾ ಕ್ಲಿಕ್ ಮಾಡಿದ್ದಾರೆ. ಅವರ ಫೋಟೋಸ್ ಅಭಿಮಾನಿಗಳಿಗೂ ಇಷ್ಟವಾಗಿದೆ.

ಸದ್ಯ ನಟಿ ಪೂಜಾ ಹೆಗ್ಡೆ ಅವರ ಸಿನಿಮಾಗಳು ವರ್ಕೌಟ್ ಆಗುತ್ತಿಲ್ಲ. ಅವರ ಸಿನಿಮಾಗಳು ಸಾಲು ಸಾಲು ಫ್ಲಾಪ್ ಆಗುತ್ತಿವೆ. ಚಿಕ್ಕ ಬ್ರೇಕ್ ತೆಗೆದುಕೊಂಡ ನಟಿ ಅಣ್ಣನ ಮದುವೆ ಸಂಭ್ರಮಿಸಿದ್ದಾರೆ.

ಸಿನಿಮಾ ಫ್ಲಾಪ್ ಆದರೂ ಪೂಜಾ ಅವರಿಗೆ ಅವಕಾಶಗಳ ಕೊರತೆ ಇಲ್ಲ ಎನ್ನುವುದು ವಿಶೇಷ. ನಟಿ ತಮಿಳಿನಲ್ಲಿ ಬೀಸ್ಟ್ ಸಿನಿಮಾ ಮಾಡಿದ್ದರು. ಆದರೆ ಸಿನಿಮಾ ಅಷ್ಟರ ಮಟ್ಟಿಗೆ ಸದ್ದು ಮಾಡಲಿಲ್ಲ.

ನಟಿ ಇನ್ನು ಸಲ್ಮಾನ್ ಖಾನ್ ಜೊತೆ ಹಿಂದಿ ಸಿನಿಮಾ ಕಿಸಿ ಕಾ ಜಾನ್, ಕಿಸಿ ಕಿ ಭಾಯ್ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಇದರಲ್ಲಿ ಅವರು ನಟಿ ಶೆಹನಾಝ್ ಗಿಲ್ ಜೊತೆ ಸ್ಕ್ರೀನ್ ಶೇರ್ ಮಾಡುತ್ತಾರೆ.

ಸಿನಿಮಾ ರಿಲೀಸ್​ಗೆ ರೆಡಿಯಾಗಿದೆ. ಅಂತೂ ಸಲ್ಲು ಭಾಯ್ ಜೊತೆ ಪೂಜಾ ಅವರ ಸಿನಿಮಾ ಹಿಟ್ ಆಗುತ್ತದೆ ಎಂದು ಅಭಿಮಾನಿಗಳು ನಿರೀಕ್ಷಿಸಿದ್ದಾರೆ. ಇದು ಶೆಹನಾಜ್ ಅವರ ಡಿಬಟ್ ಸಿನಿಮಾ.

ಸಲ್ಮಾನ್ ಖಾನ್ ಪೂಜಾ ಹೆಗ್ಡೆ ಅವರ ಅಣ್ಣನ ಮದುವೆಗೂ ಬಂದಿದ್ದರು. ಅವರು ಮದುವೆಯಲ್ಲಿ ಭಾಗವಹಿಸಿದ್ದ ಫೋಟೋಗಳು ಎಲ್ಲೆಡೆ ವೈರಲ್ ಆಗಿದ್ದವು.