Pooja Hegde: ಅಣ್ಣನ ಮದುವೆ ಸಂಭ್ರಮದಲ್ಲಿ ತಂಗಿ! ಮಂಗಳೂರು ಮಲ್ಲಿಗೆ ಮುಡಿದು ಪೂಜಾ ಫುಲ್ ಮಿಂಚಿಂಗ್

ಟಾಲಿವುಡ್ ಗೊಂಬೆ, ಬಹುಭಾಷಾ ನಟಿ ಪೂಜಾ ಹೆಗ್ಡೆ ಮತ್ತೊಮ್ಮೆ ತಮ್ಮ ಸಾಂಪ್ರದಾಯಿಕ ಲುಕ್​ನಲ್ಲಿ ಕಾಣಿಸಿಕೊಂಡಿದ್ದಾರೆ. ಅಣ್ಣನ ಮದುವೆಯಲ್ಲಿ ಸುಂದರವಾದ ಸೀರೆ ಉಟ್ಟು ಮಂಗಳೂರು ಮಲ್ಲಿಗೆ ಮುಡಿದು ಸಂಭ್ರಮಿಸಿದ್ದಾರೆ.

ಆರೆಂಜ್ ಕಲರ್ ಸೀರೆಗೆ ಹಸಿರು ಹರಳಿನ ಆಭರಣಗಳನ್ನು ಧರಿಸಿದ್ದರು. ಗ್ರ್ಯಾಂಡ್ ನೆಕ್ಲೆಸ್, ಇಯರಿಂಗ್ಸ್, ನೆತ್ತಿ ಬೊಟ್ಟಿನ ಜೊತೆ ಸೊಂಟಪಟ್ಟಿಯನ್ನೂ ಧರಿಸಿದ್ದರು.

ಪೂಜಾ ಕಿತ್ತಳೆ ಬಣ್ಣದ ರೇಷ್ಮೆ ಸೀರೆ ಉಟ್ಟಿದ್ದರು. ಉದ್ದ ಜೆಡೆ ಇಟ್ಟು ಮಂಗಳೂರು ಮಲ್ಲಿಗೆ ಮುಡಿದು ಸುಂದರವಾಗಿ ಕಾಣಿಸಿದ್ದಾರೆ. ಮಂಗಳೂರು ಶೈಲಿಯಲ್ಲಿಯೇ ಜೆಡೆಗೆ ಮಲ್ಲಿಗೆ ಸುತ್ತಿ ಮುದ್ದಾಗಿ ಕಾಣಿಸಿದ್ದಾರೆ.

ರಿಷಬ್ ಹೆಗ್ಡೆ ಅವರ ವಿವಾಹ ಸಮಾರಂಭ ಅದ್ಧೂರಿಯಾಗಿ ನಡೆದಿದೆ. ಪೂಜಾ ಅಣ್ಣನ ಮದುವೆಯಲ್ಲಿ ಸಂಭ್ರಮಿಸಿದ್ದು ಅವರು ಶೇರ್ ಮಾಡಿದ ಫೋಟೋಗಳಲ್ಲಿ ಸ್ಪಷ್ಟವಾಗಿದೆ.

ನಟಿ ಸುಂದರವಾದ ಬಿಳಿ ಬಿಂದಿಯನ್ನಿಟ್ಟು ಕಾಣಿಸಿಕೊಂಡಿದ್ದು ಸಿಂಪಲ್ ಆಗಿ ಮೇಕಪ್ ಮಾಡಿಕೊಂಡಿದ್ದರು. ಅವರ ಬ್ಲೌಸ್ ಡಿಸೈನ್ ಸುಂದರವಾಗಿತ್ತು.

ಅಣ್ಣ ರಿಷಬ್ ಹೆಗ್ಡೆ ದಂಪತಿ ಹಾಗೂ ಪೋಷಕರ ಜೊತೆ ನಿಂತುಕೊಂಡು ಪೂಜಾ ಹೆಗ್ಡೆ ಫ್ಯಾಮಿಲಿ ಫೋಟೋಗೆ ಪೋಸ್ ಕೊಟ್ಟಿದ್ದಾರೆ. ಫ್ಯಾಮಿಲಿಯಲ್ಲಿ ಚಿಕ್ಕ ಫಂಕ್ಷನ್ ಕೂಡಾ ಮಿಸ್ ಮಾಡದ ಪೂಜಾ ಮದುವೆಯಲ್ಲಿ ಇಷ್ಟೊಂದು ಸಂಭ್ರಮಿಸಿದ್ದು ವಿಶೇಷವೇ ಅಲ್ಲ.

ತಂದೆಯ ಜೊತೆ ಖುಷಿ ಖುಷಿಯಾಗಿ ಕ್ಯಾಮೆರಾಗೆ ಪೋಸ್ ಕೊಟ್ಟ ಪೂಜಾ ಹೆಗ್ಡೆ ಹೀಗೆ ಕಾಣಿಸಿದ್ದಾರೆ. ಅಪ್ಪ-ಮಗಳ ಫೋಟೋ ಹೀಗೆ ಬಂದಿದೆ ನೋಡಿ.

ಮದುವೆಯಾಗುತ್ತಿರುವ ಅಣ್ಣಿಗೆ ಕೀಟಲೆ ಕೊಟ್ಟು ಸಂಭ್ರಮಿಸಿದ್ದಾರೆ ಪೂಜಾ. ಅಣ್ಣ-ತಂಗಿಯ ತರಲೆ ಕ್ಷಣಗಳು ಕೂಡಾ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.