PS2 Twitter Review: ಬಾಹುಬಲಿ 2ಗಿಂತ ಸೂಪರ್! ಐಶ್ ಹೈಲೈಟ್, ಪೊನ್ನಿಯಿನ್ ಸೆಲ್ವನ್ 2 ಬಗ್ಗೆ ನೆಟ್ಟಿಗರೇನಂದ್ರು?

ಮಣಿರತ್ನಂ ನಿರ್ದೇಶನದ ಪೊನ್ನಿಯಿನ್ ಸೆಲ್ವನ್ 1 ಸಿನಿಮಾ ಸೆಪ್ಟೆಂಬರ್​ 2022ರಲ್ಲಿ ರಿಲೀಸ್ ಆಗಿತ್ತು. ಸ್ಯಾಂಡಲ್​ವುಡ್​ನ ಬಿಗ್ ಸಕ್ಸಸ್ ಕಾಂತಾರದ ಜೊತೆಗೇ ರಿಲೀಸ್ ಆದ ಪೊನ್ನಿಯಿನ್ ಸೆಲ್ವನ್ ದೊಡ್ಡಮಟ್ಟದಲ್ಲಿ ಹಿಟ್ ಆಗದಿದ್ದರೂ ಫ್ಲಾಪ್ ಆಗಲಿಲ್ಲ. ಈಗ ಏಪ್ರಿಲ್ 28ರಂದು ಪೊನ್ನಿಯಿನ್ ಸೆಲ್ವನ್ 2 ರಿಲೀಸ್ ಆಗಿದೆ.

ಇದೀಗ ಪೊನ್ನಿಯಿನ್ ಸೆಲ್ವನ್ 2 ಸಿನಿಮಾ ಭರ್ಜರಿ ರೆಸ್ಪಾನ್ಸ್ ಪಡೆಯುತ್ತಿದೆ. ಪಾರ್ಟ್ 1ಗಿಂತಲೂ ಚೆನ್ನಾಗಿ ಈ ಸಿನಿಮಾಗೆ ಪ್ರತಿಕ್ರಿಯೆ ಬರುತ್ತಿದೆ. ಸಿನಿಮಾ ನೋಡಿದ ಜನರು ತಮ್ಮ ಮೊದಲ ಪ್ರತಿಕ್ರಿಯೆಗಳನ್ನು ಟ್ವೀಟ್ ಮಾಡಿದ್ದಾರೆ. ಒಟ್ಟಾಗಿ ಟ್ವಿಟರ್ ಮಂದಿ ಸಿನಿಮಾ ನೋಡಿ ಏನು ಹೇಳಿದ್ದಾರೆ ಗೊತ್ತೇ?

ಬಹಳಷ್ಟು ಜನರು ಪೊನ್ನಿಯಿನ್ ಸೆಲ್ವನ್ 2 ಮೂವಿ ಭಾರತೀಯ ಚಿತ್ರರಂಗದ ಹೆಮ್ಮೆ ಎಂದು ಕರೆದಿದ್ದಾರೆ. ಇನ್ನೂ ಕೆಲವರು ಓವರ್ ರೇಟೆಡ್ ಬಾಹುಬಲಿ ಸಿನಿಮಾಗಿಂತ ಈ ಸಿನಿಮಾ ತುಂಬಾ ಉತ್ತಮವಾಗಿದೆ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

PS2 ನೋಡಿದೆ. ಇದು ಭಾರತೀಯ ಸಿನಿಮಾದ ನಿಜವಾದ ಹೆಮ್ಮೆ. ಟಾಲಿವುಡ್ ಅಭಿಮಾನಿಗಳೇ ಕ್ಷಮಿಸಿ. ಆದರೆ ಈ ಸಿನಿಮಾ ಓವರ್ ರೇಟೆಡ್ ಬಾಹುಬಲಿ 2ಗಿಂತ ತುಂಬಾ ಚೆನ್ನಾಗಿದೆ ಎಂದು ಟ್ವೀಟ್ ಮಾಡಿದ್ದಾರೆ.

ಐಶ್ವರ್ಯಾ ರೈ ಅಭಿನಯಕ್ಕೆ ಮತ್ತೊಮ್ಮೆ ಜೋರಾದ ಚಪ್ಪಾಳೆ ಬಂದಿದೆ. ಐಶ್ ಸ್ಟೀಲ್ಸ್ ದ ಶೋ ಎಂದಿದ್ದಾರೆ ನೆಟ್ಟಿಗರು. ಇದನ್ನು ಕೇಳಿದೆ ಐಶ್ವರ್ಯಾ ರೈ ಪಾತ್ರವದ ವ್ಯಾಪ್ತಿ ಇಲ್ಲಿ ಪ್ರಮುಖವಾಗಿರುತ್ತದೆ ಎನ್ನುವುದಂತೂ ಕನ್ಫರ್ಮ್.

ವಿಕ್ರಮ್ ಹಾಗೂ ಐಶ್ವರ್ಯಾ ಅವರ ಅಭಿನಯದ ಮನಸು ಗೆದ್ದಿತು. ಅವರ ನಡುವಿನ ದೃಶ್ಯಗಳೂ ಅದ್ಭುತವಾಗಿದೆ. ಸಿನಿಮಾ ಸ್ಲೋ ಇದ್ದರೂ ಕಥೆ ಸುಂದರವಾಗಿ ಹೇಳಲಾಗಿದೆ ಎಂದಿದ್ದಾರೆ ಇನ್ನು ಕೆಲವರು. ನಟಿ ತ್ರಿಶಾ ಪಾತ್ರಕ್ಕೂ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ.

ಮಣಿರತ್ನಂ ಹಾಗೂ ಎ.ಆರ್. ರೆಹಮಾನ್ ಜೊತೆ ಸೇರಿದ್ರೆ ಯಾವಾಗಲೂ ಬೆಸ್ಟ್ ಆಗಿರೋದನ್ನೇ ಕೊಡುತ್ತಾರೆ ಎನ್ನುವ ಮೂಲಕ ಸಿನಿಮಾವನ್ನು ಒಟ್ಟಾಗಿ ಹೊಗಳಿದ್ದಾರೆ ನೆಟ್ಟಿಗರು. ಪಿಎಸ್​1ಗಿಂತಲೂ ತ್ರಿಶಾ ಪಾತ್ರಕ್ಕೆ ಇಲ್ಲಿ ಒಳ್ಳೊಳ್ಳೆ ಸೀನ್ ಕೂಡಾ ಸಿಕ್ಕಿದೆ ಎಂದಿದ್ದಾರೆ ನೆಟ್ಟಿಗರು.

ಇನ್ನೂ ಕೆಲವರು ಎಸ್​ಎಸ್ ರಾಜಮೌಳಿ ಅವರನ್ನು ಟೀಕಿಸಿ ಯಾವ ರೀತಿ ಮೂವಿ ಕ್ರಾಫ್ಟ್ ಮಾಡಬೇಕು ಎಂದು ಕಲಿಯಲು ರಾಜಮೌಳಿ ಮಣಿರತ್ನಂ ಜೊತೆ ಸೇರಬೇಕು ಎಂದಿದ್ದಾರೆ. ಪೊನ್ನಿಯಿನಗ ಸೆಲ್ವನ್ 2 ಬಾಕ್ಸ್ ಆಫೀಸ್ ಕಲೆಕ್ಷನ್ ಇನ್ನಷ್ಠ ಹೊರಬೀಳಬೇಕಿದೆ.