ಶಾಂತಿಯ ಹುಡುಕಾಟದಲ್ಲಿ ಬಾಲಿವುಡ್​ ನಟಿ Sonakshi Sinha

ಬಾಲಿವುಡ್​ ನಟಿ ಸೋನಾಕ್ಷಿ ಸಿನ್ಹಾ (Sonakshi) ತುಂಬಾ ಸಮಯದ ನಂತರ ತಮಗೆ ತಾವು ಸಮಯ ನೀಡುವ ನಿರ್ಧಾರಕ್ಕೆ ಬಂದಿದ್ದಾರೆ.  ಕೊರೋನಾ ಮಹಾಮಾರಿ ತುಂಬಾ ಜನರನ್ನು ಆಧ್ಯಾತ್ಮದತ್ತ ಮುಖ ಮಾಡುವಂತೆ ಮಾಡಿದೆ.  ಇದಕ್ಕೆ ನಟಿ ಸೋನಾಕ್ಷಿ ಸಹ ಹೊರತಾಗಿಲ್ಲ. ಗೌತಮ ಬುದ್ಧನ (Gautam Buddh)ಶರಣದಲ್ಲಿ ನಟಿಗೆ ಶಾಂತಿ  ಹಾಗೂ ನೆಮ್ಮದಿ ಸಿಕ್ಕಿದೆಯಂತೆ.  

ಸೋನಾಕ್ಷಿ ಸಿನ್ಹಾ ಸದ್ಯ ಮಹಾರಾಷ್ಟ್ರದ ಮುಲ್ಶಿ ಹೆಸರಿನ ಸ್ಥಳದಲ್ಲಿ ಶಾಂತಿಯುತವಾಗಿ ನೆಮ್ಮದಿಯಿಂದ ಕಾಲ ಕಳೆಯುತ್ತಿದ್ದಾರೆ. 

ಸೋನಾಕ್ಷಿ ಸಿನ್ಹಾ ತಮ್ಮ ಸೆಲೆಬ್ರಿಟಿ ಸ್ನೇಹಿತೆ ಸನಮ್​ ರತ್ನಾನಿ ಅವರ ಜೊತೆ ವೆಲ್​ನೆಸ್​ ಸೆಂಟರ್​ನಲ್ಲಿ ಇದ್ದಾರೆ. ಸ್ನೇಹಿತೆಯ ಜೊತೆಗಿನ ಚಿತ್ರಗಳನ್ನು ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಳ್ಳುತ್ತಿದ್ದಾರೆ. 

ಸ್ನೇಹಿತೆಯ ಜೊತೆ ಸೋನಾಕ್ಷಿ ಕೊಳ ಬಳಿ ಕುಳಿತು ಪ್ರಕೃತಿಯ ಸೌಂದರ್ಯ ಸವಿಯುತ್ತಿದ್ದಾರೆ. ಅವರ ಕೆಲವು ಚಿತ್ರಗಳು ಸದ್ಯ ಸೋಶಿಯಲ್​ ಮೀಡಿಯಾದಲ್ಲಿ ಹರಿದಾಡುತ್ತಿವೆ. 

ಗೌತಮ ಬುದ್ಧನ ಮೂರ್ತಿಯ ಜೊತೆ ತೆಗೆಸಿಕೊಂಡ ಕೆಲವು ಚಿತ್ರಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ ಸೋನಾಕ್ಷಿ ಸಿನ್ಹಾ. ಜೊತೆಗೆ ಮನಸ್ಸಿನಲ್ಲಿರುವ ಮಾತುಗಳನ್ನು ನೆಟ್ಟಿಗರ ಜೊತೆ ಹಂಚಿಕೊಂಡಿದ್ದಾರೆ. 

ಬಿರುಗಾಳಿಯನ್ನು ನಿಲ್ಲಿಸುವ ಪ್ರಯತ್ನ ಮಾಡಬೇಡಿ. ಮೊದಲು ತಮ್ಮನ್ನು ತಾವು ಶಾಂತರನ್ನಾಗಿಸಿ. ಬಿರುಗಾಳಿ ನಿಲ್ಲುತ್ತದೆ. ಇಲ್ಲಿ ನನಗೆ ಶಾಂತಿ ಹಾಗೂ ನೆಮ್ಮದಿ ಸಿಗುತ್ತದೆ ಎಂದು ಬರೆದುಕೊಂಡಿದ್ದಾರೆ ಈ ನಟಿ. 

ಸೋನಾಕ್ಷಿ ಸಿನ್ಹಾ ಹಂಚಿಕೊಂಡಿರುವ ಚಿತ್ರಗಳು ಹಾಗೂ ಮಾಡಿರುವ ಪೋಸ್ಟ್​ಗಳು ನೆಟ್ಟಿಗರ ಜೊತೆಗೆ ಅಭಿಮಾನಿಗಳು ಹಾಗೂ ಸಾಕಷ್ಟು ಮಂದಿ ಸೆಲೆಬ್ರಿಟಿಗಳಿಗೆ ಇಷ್ಟವಾಗುತ್ತಿದೆ. ತುಂಬಾ ಜನರು ಈ ಪೋಸ್ಟ್​ಗಳಿಗೆ ಮೆಚ್ಚುಗೆ ಸೂಚಿಸುತ್ತಾ ಕಮೆಂಟ್​ ಮಾಡುತ್ತಿದ್ದಾರೆ.