Puneeth Rajkumar: ಅಪ್ಪು ದೇವರ ಮಾಲೆ ಹಾಕಿ ವೃತ ಮಾಡೋ ವಿಧಾನ! ಹೀಗೊಂದು ಫೋಟೋ ವೈರಲ್

ಪವರ್​​ಸ್ಟಾರ್ ಪುನೀತ್ ರಾಜ್​ಕುಮಾರ್ ಅವರಿಗೆ ಸಂಬಂಧಿಸಿದ ಸೋಷಿಯಲ್ ಮೀಡಿಯಾ ಪೋಸ್ಟ್ ಒಂದು ವೈರಲ್ ಆಗುತ್ತಿದೆ. ಇದರಲ್ಲಿ ಪುನೀತ್ ವೃತ ಮಾಡುವ ವಿಧಾನದ ಬಗ್ಗೆ ವಿವರಿಸಲಾಗಿದೆ.

ಅಪ್ಪು ದೇವರ ಮಾಲೆ ಧರಿಸಿ ವೃತ ಆಚರಣೆ ಮಾಡುವ ವಿಧಾನ ಎಂದು ಹೆಡ್ಡಿಂಗ್ ಕೊಟ್ಟು ಒಂದಷ್ಟು ಪಾಯಿಂಟ್​ಗಳನ್ನು ಲಿಸ್ಟ್ ಮಾಡಲಾಗಿದೆ.

ದಿನಾಂಕ 01/03/2023ನೇ ತಾರೀಕಿನಂದು ಮಾಲಾಧಾರಿಗಳು ಮಾಲೆಯನ್ನು ಧರಿಸಬಹುದು. ದಿನಾಂಕ 17.03.2023ನೇ ತಾರೀಕಿನವರೆಗೆ ಎಲ್ಲಾ ಅಪ್ಪು ಅಭಿಮಾನಿಗಳು ವೃತವನ್ನಾಚರಿಸಿ ಪುನೀತ್ ರಾಜ್​​ಕುಮಾರ್ ವೃತ್ತದಲ್ಲಿ ವಿಶೇಷ ಪೂಜೆ ಸಲ್ಲಿಸಿ ದಿನಾಂಕ 18/03/2023ರಂದು ಬೆಳಗಿನ ಜಾವ ಅಪ್ಪು ದೇವರ ಪುಣ್ಯ ಭೂಮಿಗೆ ಹೋಗಿ ದರ್ಶನ ಪಡೆದುಕೊಳ್ಳುವುದು.

ಮಾಲೆ ಹಾಕುವ ವಿಧಾನ-ಅಪ್ಪು ದೇವರ ಡಾಲರ್ ಇರುವ ಮಾಲೆ, ಕೇಸರಿ ಶಾಲು, ಕೇಸರಿ ಪಂಚೆ, ಕೇಸರಿ ಶರ್ಟ್ ತೊಟ್ಟು ಅಪ್ಪು ದೇವರ ಫೋಟೋವನ್ನು ಇಟ್ಟಿ ಪೂಜೆ ಮಾಡುವುದು.

ಸ್ನಾನ ಮಾಡೋ ವಿಧಾನ- ಬೆಳಗ್ಗೆ ಸೂರ್ಯ ಹುಟ್ಟುವ ಮೊದಲು ಸ್ನಾನ ಹಾಗೂ ಸಂಜೆ ಸೂರ್ಯ ಮುಳುಗಿದ ನಂತರ ಸ್ನಾನ. ಪ್ರಸಾದ ಬೆಳಗ್ಗೆ ಉಪಹಾರ(ಟಿಫಿನ್), ಮಧ್ಯಾಹ್ನ ಊಟ ಹಾಗೂ ರಾತ್ರಿ ಉಪಹಾರ(ಟಿಫಿನ್).

ಈ ಮಾಲೆ ಹಾಕುವವರೆಲ್ಲರೂ ಯಾವ ಕೆಟ್ಟ ಚಟಗಳಿಗೆ ಹೋಗಬಾರದು. ಹಾಗಿದ್ದರೆ ಮಾಲೆ ಹಾಕುವ ಎಲ್ಲಾ ಅಭಿಮಾನಿಗಳು 5 ದಿನ 11 ದಿನ 1 ದಿನ ಮಾಲೆ ಹಾಕಬಹುದು. ಮಾಲೆ ಹಾಕುವ ಎಲ್ಲ ಅಪ್ಪು ಸ್ವಾಮಿಗಳಿಗೆ ಒಂದು ವಿನಂತಿ.. ನಾವು ಇಲ್ಲಿಂದ ಪುಣ್ಯಭೂಮಿಗೆ ಹೋಗುವಾಗ ನಮ್ಮ ಕೈಲಾದ ದಿನಸಿಗಳನ್ನು ಇರುಮುಡಿಯಾಗಿ ತೆಗೆದುಕೊಂಡು ಹೋಗತಕ್ಕದ್ದು. ಅದರಲ್ಲಿ ಅಕ್ಕಿ ಬೇಳೆ, ಎಣ್ಣೆ ಮುಂತಾದ ದಿನಸಿ ತೆಗೆದುಕೊಂಡು ಹೋಗತಕ್ಕದ್ದು. ತಮ್ಮ ಕೈಲಾದಷ್ಟು ಒಯ್ಯಬಹುದು. ಇದು ಅಪ್ಪು ದೇವರ ಮಾಲೆಯ ವಿದಾಯ ಎಂದು ಬರೆಯಲಾಗಿದೆ.

ವಿಶೇಷ ಸೂಚನೆ: ಎಲ್ಲಾ ಮಾಲೆ ಧರಿಸುವಂತ ಮಾಲಾಧಾರಿಗಳು ಅಪ್ಪು ದೇವರ ಪುಣ್ಯ ಭೂಮಿ ದರ್ಶನ ಪಡೆದು ವಾಪಾಸು ಬಂದ ನಂತರ ಹಂಪಿಯ ಪುಣ್ಯ ನದಿಯಲ್ಲಿ ಸ್ನಾವನ್ನು ಮಾಡಿ ಶ್ರೀ ವಿರುಪಾಕ್ಷೇಶ್ವರ ಸ್ವಾಮಿಯ ಪೂಜೆ ಸಲ್ಲಿಸಿ ಮಾಲೆ ವಿಸರ್ಜನೆಯನ್ನು ಮಾಡತಕ್ಕದ್ದು.

ಮಾಲೆ ಧರಿಸುವ ಸ್ಥಳ: ಪುನೀತ್ ರಾಜ್​ಕುಮಾರ್ ವೃತ್ತ, ಹೊಸಪೇಟೆ, ವಿಜಯನಗರ ಜಿಲ್ಲೆ ಎಂದು ಬರೆಯಲಾಗಿದೆ.

ಅಪ್ಪು ಅಭಿಮಾನಿ ಹಾಗೂ ಸಮಾಜ ಸೇವಕ ಯುವ ನಾಯಕ ಸಿದ್ಧಾರ್ಥ್ ಸಿಂಗ್ ಅಧ್ಯಕ್ಷತೆ ವಹಿಸುತ್ತಾರೆ ಎಂದು ಬರೆಯಲಾಗಿದೆ. ಅಪ್ಪು ಹುಡುಗರು. ಡಾ ಪುನೀತ್ ರಾಜ್​ಕುಮಾರ್ ಅಭಿಮಾನಿಗಳ ಬಳಗ, ಹೊಸಪೇಟೆ, ವಿಜಯನಗರ ಜಿಲ್ಲೆ ಎಂದು ನೋಟಿಸ್ ಕೆಳಗೆ ಬರೆಯಲಾಗಿದೆ.

ಆದರೆ ಅಯ್ಯಪ್ಪ ವೃತ ಆಚರಣೆಯ ನಿಯಮಗಳನ್ನೇ ತಮಗೆ ಬೇಕಾದಂತೆ ಬದಲಾಯಿಸಿರೋ ಬಗ್ಗೆ ಸ್ವಲ್ಪಮಟ್ಟಿಗೆ ಟ್ರೋಲ್ ಕೂಡಾ ಆಗಿದ್ದು ಈ ಫೋಟೋ ಮಾತ್ರ ವೈರಲ್ ಆಗಿದೆ.