Darsheel Safary: ತಾರೆ ಜಮೀನ್ ಪರ್ ಚಿತ್ರದ ಪುಟ್ಟ ಇಶಾನ್ ಈಗ ಹೇಗಿದ್ದಾರೆ? ಹೀರೋ ಆಗಿ ಮಿಂಚಲು ದರ್ಶೀಲ್ ರೆಡಿ!

ಸೂಪರ್ಹಿಟ್ ಚಿತ್ರ ತಾರೆ ಜಮೀನ್ ಪರ್ ನಲ್ಲಿ ಇಶಾನ್ ಪಾತ್ರವನ್ನು ದರ್ಶೀಲ್ ಸಫಾರಿ ಉತ್ತಮವಾಗಿ ನಿರ್ವಹಿಸಿ ಎಲ್ಲರ ಮನಗೆದ್ದಿದ್ರು. ಚಿತ್ರದಲ್ಲಿ ಮುಗ್ದ ಮುಖ ಮತ್ತು ಎತ್ತರದ ಹಲ್ಲು ಹೊಂದಿರುವ ಮಗು ತನ್ನ ಪಾತ್ರವನ್ನು ಎಷ್ಟು ಚೆನ್ನಾಗಿ ನಿರ್ವಹಿಸಿದ್ರು ಅಂದ್ರೆ ಮಿಸ್ಟರ್ ಪರ್ಫೆಕ್ಷನಿಸ್ಟ್ ಎಂದು ಕರೆಯಲ್ಪಡುವ ಅಮೀರ್ ಖಾನ್ ಕೂಡ ದರ್ಶೀಲ್ ಅಭಿಮಾನಿಯಾಗಿದ್ದರು. ಪುಟ್ಟ ಮಗು ಇಶಾನ್ ಅಂದರೆ ದರ್ಶೀಲ್ ಈಗ ಬದಲಾಗಿದ್ದಾರೆ.

ತಮ್ಮ ಮೊದಲ ಚಿತ್ರದಲ್ಲೇ ಪ್ರೇಕ್ಷಕರ ಮನಗೆದ್ದ ದರ್ಶೀಲ್ ಸಫಾರಿ ಇದೀಗ ಹ್ಯಾಂಡ್ಸಮ್ ಆಗಿದ್ದಾರೆ ದರ್ಶೀಲ್ನ ನೋಡಿದರೆ ನಿಮಗೆ ಆಶ್ಚರ್ಯವಾಗುತ್ತದೆ. 15 ವರ್ಷಗಳ ಹಿಂದೆ ಬಂದಿದ್ದ ತಾರೆ ಜಮೀನ್ ಪರ್ ಚಿತ್ರದಲ್ಲಿದ್ದ ದರ್ಶೀಲ್ ಇವ್ರೇ ಅಂತೀರಾ.

ದರ್ಶೀಲ್ ಸಫಾರಿ ಹೊಸ ಲುಕ್ ಹುಡುಗಿಯರ ಮನಗೆಲ್ಲುತ್ತಿದೆ. ಆದರೆ ಅವರು ಸೆಕೆಂಡ್ ಇನ್ನಿಂಗ್ಸ್ ಶುರು ರೆಡಿಯಾಗಿದ್ದಾರೆ. ತಾರೆ ಜಮೀನ್ ಪರ್ ಮಾಡುವಾಗ ಇಶಾನ್ಗೆ 9 ವರ್ಷ, ಈಗ 24 ವರ್ಷವಾಗಿದೆ.

15 ವರ್ಷಗಳ ಹಿಂದೆ ಡಿಸ್ಲೆಕ್ಸಿಯಾದಿಂದ ಬಳಲುತ್ತಿರುವ ಮಗುವಿನ ಪಾತ್ರದಲ್ಲಿ ದರ್ಶೀಲ್ ಕಾಣಿಸಿಕೊಂಡಿದ್ರು. ಚಿತ್ರದಲ್ಲಿ ಅದ್ಭುತ ಅಭಿನಯಕ್ಕಾಗಿ ರಾಷ್ಟ್ರೀಯ ಪ್ರಶಸ್ತಿ ಸಹ ಪಡೆದರು. ದರ್ಶೀಲ್ ಅನೇಕ ಟಿವಿ ಶೋಗಳನ್ನು ಸಹ ಮಾಡಿದ್ದಾರೆ. ಅನೇಕ ಜಾಹೀರಾತುಗಳಲ್ಲಿ ಕಾಣಿಸಿಕೊಂಡಿದ್ರು.

ದರ್ಶೀಲ್ ಸಫಾರಿ ಇದೀಗ ತಮ್ಮ ನಟನೆಯ ಮ್ಯಾಜಿಕ್ ಅನ್ನು ಬಿಗ್ ಸ್ಕ್ರೀನ ನಲ್ಲಿ ಮಾಡಲು ಮುಂದಾಗಿದ್ದಾರೆ.

ಬಾಲಿವುಡ್ ಚಿತ್ರದಲ್ಲಿ ಬಾಲ ಕಲಾವಿದನಾಗಿ ಪದಾರ್ಪಣೆ ಮಾಡಿದ್ದ ದರ್ಶೀಲ್ ಸಫಾರಿ ಈಗ ಗುಜರಾತಿ ಚಿತ್ರವೊಂದರಲ್ಲಿ ನಾಯಕನಾಗಿ ಪದಾರ್ಪಣೆ ಮಾಡುತ್ತಿದ್ದಾರೆ. ದರ್ಶೀಲ್ಗೆ ಇನ್ನೂ ಬಾಲಿವುಡ್ನಿಂದ ಯಾವುದೇ ಆಫರ್ ಬಂದಿಲ್ಲ

ದರ್ಶೀಲ್ ಸಫಾರಿ ಅವರ ಮೊದಲ ದೊಡ್ಡ ಚಿತ್ರ 'ಕಚ್ ಎಕ್ಸ್ಪ್ರೆಸ್' ಜನವರಿ 6, 2023 ರಂದು ಬಿಡುಗಡೆಯಾಗಲಿದೆ. ದರ್ಶೀಲ್ ಈ ಚಿತ್ರದಲ್ಲಿ ಹೊಸ ಸ್ಟೈಲ್ ಕಾಣಿಸಲಿದೆ.

ವಿರಲ್ ಶಾ ನಿರ್ದೇಶಿಸಿದ, ಗುಜರಾತಿ ಚಿತ್ರ 'ಕಚ್ ಎಕ್ಸ್ ಪ್ರೆಸ್' ದರ್ಶೀಲ್ ಸಫಾರಿ, ಮಾನ್ಸಿ ಪರೇಖ್ ಮತ್ತು ಧರ್ಮೇಂದ್ರ ಗೋಹಿಲ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.