Kareena Kapoor: ಮಗನ ಬರ್ತಡೇಗೆ ಕರೀನಾ ಕಪೂರ್ ಸ್ಪೆಷಲ್ ವಿಶ್; ತೈಮೂರ್​ಗೆ ಸರ್ಪ್ರೈಸ್ ಗಿಫ್ಟ್!

ಕರೀನಾ ಕಪೂರ್ ಮಗ ತೈಮೂರ್ ಹುಟ್ಟುಹಬ್ಬದಂದು ಫೋಟೋ ಸಮೇತ ಪೋಸ್ಟ್ ಹಂಚಿಕೊಂಡಿದ್ದಾರೆ. ಪಟೌಡಿ ಕುಟುಂಬದ ಉತ್ತರಾಧಿಕಾರಿ ಎಂದು ಮಗನಿಗೆ ಬರೆದಿದ್ದಾರೆ.

ಕರೀನಾ ಕಪೂರ್ ಮಗ ತೈಮೂರ್ ಅಲಿ ಖಾನ್ ಕೂಡ ಜನಪ್ರಿಯತೆಗೇನು ಕಡಿಮೆ ಇಲ್ಲ. ತಾಯಿ ಕರೀನಾ ತಮ್ಮ ಮಗನ ಕೆಲವು ಚಿತ್ರಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದಾರೆ. ಮಗನ ಭವಿಷ್ಯದ ಬಗ್ಗೆ ಕೂಡ ಪೋಸ್ಟ್ನಲ್ಲಿ ತಿಳಿಸಿದ್ದಾರೆ.

ಈಗಾಗಲೇ ತೈಮೂರ್ ಅಲಿ ಖಾನ್ ಅವರ ಹುಟ್ಟುಹಬ್ಬವನ್ನು ಆಚರಿಸಿದ್ದು, ಕರೀನಾ-ಸೈಫ್ ತಮ್ಮ ಮಕ್ಕಳೊಂದಿಗೆ ರಜೆ ದಿನಗಳನ್ನು ಆನಂದಿಸುತ್ತಿದ್ದಾರೆ. ಮುಂಬೈನಲ್ಲಿ ಅಜ್ಜಿ ಶರ್ಮಿಳಾ ಟ್ಯಾಗೋರ್ ಮತ್ತು ಸೋಹಾ ಅಲಿ ಖಾನ್ ಅವರ ಪುತ್ರಿ ಇನಾಯಾ ಅವರೊಂದಿಗೆ ಕೇಕ್ ಕತ್ತರಿಸಿದ್ದಾರೆ.

ಈಗ ತೈಮೂರ್ ಹುಟ್ಟುಹಬ್ಬದಂದು ಕರೀನಾ ಕಪೂರ್ ಸೋಶಿಯಲ್ ಮೀಡಿಯಾದಲ್ಲಿ 3 ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಈ ಫೋಟೋದಲ್ಲಿ ತೈಮೂರ್ ಸಮುದ್ರತೀರದಲ್ಲಿ ಕುಳಿತು ಸೂರ್ಯಾಸ್ತವನ್ನು ಬಹಳ ಸೂಕ್ಷ್ಮವಾಗಿ ಗಮನಿಸುತ್ತಿದ್ದಾನೆ.

ಮತ್ತೊಂದು ಫೋಟೋದಲ್ಲಿ ನೈಟ್ ಸೂಟ್ ನಲ್ಲಿ ಫುಲ್ ಏಂಜಾಯ್ ಮೂಡ್ ನಲ್ಲಿದ್ದಾನೆ. ಕರೀನಾ ತಮ್ಮ ಮಗನಿಗಾಗಿ ಹೃದಯ ಸ್ಪರ್ಶಿ ಪೋಸ್ಟ್ ಮಾಡಿದ್ದಾರೆ. 'ಟಿಮ್ ಈ ಭೂಮಿ ಅಂತ್ಯವನ್ನು ನೋಡಬಹುದೇ? ನಾನು ನಿನ್ನನ್ನು ತುಂಬಾ ಪ್ರೀತಿಸುತ್ತೇನೆ. ನನ್ನ ಮಗುವನ್ನು ಕನಸೆಲ್ಲಾ ನನಸಾಗಲಿ ಎಂದು ಬರೆದುಕೊಂಡಿದ್ದಾರೆ.

ಮತ್ತೊಂದು ಫೋಟೋದಲ್ಲಿ ತೈಮೂರ್ ಗಾಳಿಯಲ್ಲಿ ಗಿಟಾರ್ ನುಡಿಸುವಂತೆ ಪೋಸ್ ನೀಡಿದ್ದಾನೆ. ಈ ಫೋಟೋಗೆ ನಿನ್ನ ನಿಮ್ಮ ಸ್ವಂತ ಸಂಗೀತವನ್ನು ಮಾಡಿ, ಗಿಟಾರ್ ನುಡಿಸು, ಸ್ವಂತ ಬ್ರ್ಯಾಂಡ್ ಸೃಷ್ಟಿಸಬೇಕು, ಜನ್ಮದಿನದ ಶುಭಾಶಯಗಳು ಮಗ..ನನ್ನ ಟಿಮ್ ಟಿಮ್, ಜನ್ಮದಿನದ ಶುಭಾಶಯಗಳು ಟಿಮ್' ಎಂದಿದ್ದಾರೆ

ಕರೀನಾ ಕಪೂರ್ ಖಾನ್ ಮತ್ತು ಸೈಫ್ ಅಲಿ ಖಾನ್ ತಮ್ಮ ಮಗ ತೈಮೂರ್ ಅಲಿ ಖಾನ್ ಅವರ ಹುಟ್ಟುಹಬ್ಬವನ್ನು ಆಚರಿಸಿದ ನಂತರ ರಜೆ ಮಜಾ ಏಂಜಾಯ್ ಮಾಡ್ತಿದ್ದಾರೆ.

ಕರಿಷ್ಮಾ ಕಪೂರ್, ಸೋಹಾ ಅಲಿ ಖಾನ್, ಸಬಾ ಪಟೌಡಿ, ಸೋನಮ್ ಕಪೂರ್ ಸೇರಿದಂತೆ ಅನೇಕ ಸೆಲೆಬ್ರಿಟಿಗಳು ಡಿಸೆಂಬರ್ 20 ರಂದು ತೈಮೂರ್ ಅಲಿ ಖಾನ್ ಅವರ 6 ನೇ ಹುಟ್ಟುಹಬ್ಬವನ್ನು ಸಂಭ್ರಮದಿಂದ ಆಚರಿಸಿದ್ದಾರೆ.