Vidya Balan Birthday: ಸಾಕಷ್ಟು ಬಾಡಿ ಶೇಮಿಂಗ್ ಎದುರಿಸಿದ್ರೂ ದಿಟ್ಟೆಯಾಗಿ ನಿಂತ ನಟಿಗೆ ಇಂದು ಬರ್ತ್​ಡೇ ಸಂಭ್ರಮ

1979ರ ಜನವರಿ 1 ರಂದು ತಮಿಳು ಕುಟುಂಬದಲ್ಲಿ ಜನಿಸಿದ ವಿದ್ಯಾ ಬಾಲನ್ ಬಾಲಿವುಡ್​ನ ಟಾಪ್​ ನಟಿಯರಲ್ಲಿ ಒಬ್ಬರು. ಯಾರಾದರೂ ನಿಮ್ಮ ದೇಹದ ಗಾತ್ರ, ಆಕಾರವನ್ನು ಪ್ರಶ್ನಿಸಿದರೆ, ಯಾರಾದರೂ ನಿಮ್ಮ ಡ್ರೆಸ್ಸಿಂಗ್ ಸೆನ್ಸ್ ಅನ್ನು ಟೀಕಿಸಿದರೆ ಅಥವಾ ಯಾರಾದರೂ ನಿಮ್ಮನ್ನು ದರಿದ್ರ ಎಂದು ಕರೆದರೂ, ನೀವು ನಿಮ್ಮ ಕೆಲಸವನ್ನು ಪರಿಪೂರ್ಣತೆಯಿಂದ ಮಾಡಿದರೆ ನೀವು ಯಶಸ್ವಿಯಾಗುತ್ತೀರಿ ಎಂದು ಹೇಳುತ್ತಾರೆ ನಟಿ. ಹೀರೋಯಿನ್ ಮೆಟೀರಿಯಲ್ ಅಲ್ಲ ಎನ್ನಲಾಗಿದ್ದ ವಿದ್ಯಾಗೆ ಭಾರತ ಸರ್ಕಾರ ರಾಷ್ಟ್ರ ಪ್ರಶಸ್ತಿ, ಪದ್ಮಶ್ರೀ ನೀಡಿ ಗೌರವಿಸಿದೆ.

ಮಾಧುರಿ ದೀಕ್ಷಿತ್ ಮತ್ತು ಶಬಾನಾ ಅಜ್ಮಿ ಅವರನ್ನು ನೋಡಿದ ನಂತರ ಸಿನಿಮಾದಲ್ಲಿ ವೃತ್ತಿಜೀವನವನ್ನು ಕಂಡುಕೊಳ್ಳುವ ಕನಸು ಕಂಡ ವಿದ್ಯಾ ಬಾಲನ್ ಅವರು, 16 ನೇ ವಯಸ್ಸಿನಲ್ಲಿ ಟಿವಿ ಶೋ 'ಹಮ್ ಪಾಂಚ್' ಮೂಲಕ ನಟನಾ ಜಗತ್ತಿಗೆ ಕಾಲಿಟ್ಟರು.

ವಿದ್ಯಾ ಬಾಲನ್ ಅವರು ಮಲಯಾಳಂ ಚಿತ್ರದ ಮೂಲಕ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದ್ದಾರೆ, ಆದರೆ ಕಾರಣಾಂತರಗಳಿಂದ ಚಿತ್ರದ ಶೂಟಿಂಗ್ ಪ್ರಾರಂಭವಾಗಲಿಲ್ಲ.

ವಿದ್ಯಾಬಾಲನ್ ಅವರ ತೂಕದ ಬಗ್ಗೆಯೂ ಸಾಕಷ್ಟು ಹಾಸ್ಯ ಮಾಡಲಾಗಿತ್ತು. ವಿದ್ಯಾ ಅವರ ಡ್ರೆಸ್ಸಿಂಗ್ ಸೆನ್ಸ್ ಬಗ್ಗೆಯೂ ಅಣಕಿಸುತ್ತಿದ್ದರು. ಆದರೆ ಕಠಿಣ ಪರಿಶ್ರಮವು ಫಲ ನೀಡಿತು. ಸೈಫ್ ಅಲಿ ಖಾನ್ ಜೊತೆಗಿನ 'ಪರಿಣೀತಾ' ಚಿತ್ರದಲ್ಲಿನ ಅಭಿನಯದ ಮೂಲಕ ಅವರು ಎಲ್ಲರ ಮನ ಗೆದ್ದಿದ್ದಾರೆ.

ವಿದ್ಯಾ ಬಾಲನ್ ವಿಭಿನ್ನ ಪ್ರಕಾರದ ಸಿನಿಮಾಳನ್ನು ಮಾಡುವ ಮೂಲಕ ತಮ್ಮ ಶಕ್ತಿಶಾಲಿ ಅಭಿನಯವನ್ನು ತೋರಿಸಿದ್ದಾರೆ. 'ಭೂಲ್ ಭುಲೈಯಾ', 'ಕಹಾನಿ', 'ದಿ ಡರ್ಟಿ ಪಿಕ್ಚರ್', 'ಪರಿಣೀತಾ', 'ಮುನ್ನಾ ಭಾಯಿ ಎಂಬಿಬಿಎಸ್' ಚಿತ್ರಗಳಲ್ಲಿ ವಿದ್ಯಾ ವೆರೈಟಿ ಪಾತ್ರಗಳಲ್ಲಿ ಕಾಣಿಸಿಕೊಂಡರು.

ವಿದ್ಯಾ ಬಾಲನ್ ಅನೇಕ ಜಾಹೀರಾತುಗಳಲ್ಲಿ ಕೆಲಸ ಮಾಡಿದ್ದಾರೆ. ವಿದ್ಯಾ ಶುಚಿತ್ವವನ್ನು ಇಷ್ಟಪಡುತ್ತಾರೆ. ಪುಸ್ತಕಗಳನ್ನು ಓದುವುದು ಅವರ ಹವ್ಯಾಸವಾಗಿದೆ.

ವಿದ್ಯಾ ಬಾಲನ್ ಅವರು ಚಲನಚಿತ್ರ ನಿರ್ಮಾಪಕ ಸಿದ್ಧಾರ್ಥ್ ರಾಯ್ ಕಪೂರ್ ಅವರನ್ನು ವಿವಾಹವಾಗಿದ್ದಾರೆ. ವಿದ್ಯಾ ನೆಮ್ಮದಿಯ ಜೀವನ ನಡೆಸುತ್ತಿದ್ದಾರೆ.

ವಿದ್ಯಾ ಬಾಲನ್ ಕೂಡ ತಮ್ಮ ಸಿನಿಮಾಗಳಿಂದ ಭರ್ಜರಿಯಾಗಿ ಗಳಿಸಿದ್ದಾರೆ. ಮಾಧ್ಯಮ ವರದಿಗಳ ಪ್ರಕಾರ, ಅವರು ಸುಮಾರು 190 ಕೋಟಿಗಳ ಒಡತಿ. ಶೀಘ್ರದಲ್ಲೇ 'ನಿಯತ್' ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.