Pawan Kalyan: ಸಿನಿಮಾಗಾಗಿ ನಾನ್​ವೆಜ್​ ಬಿಟ್ಟ ಸೌತ್​​ ಸ್ಟಾರ್ ನಟ

ಪವನ್ ಕಲ್ಯಾಣ್ ಪ್ರಸ್ತುತ ಸರಣಿ ಚಿತ್ರಗಳನ್ನು ಮಾಡುತ್ತಿದ್ದಾರೆ. ಸದ್ಯ ಅವರ ಕೈಯಲ್ಲಿ ಹಲವು ಯೋಜನೆಗಳಿವೆ. ಅದರ ಭಾಗವಾಗಿ ಚಿತ್ರವೊಂದಕ್ಕೆ ಸಂಪೂರ್ಣ ಸಸ್ಯಾಹಾರಿಯಾಗಲಿದ್ದಾರೆ.

ಕಳೆದ ವರ್ಷ ಭೀಮ್ಲಾ ನಾಯಕ್ ಸಿನಿಮಾದ ಮೂಲಕ ಪ್ರೇಕ್ಷಕರ ರಂಜಿಸಿದ್ದ ಪವನ್ ಕಲ್ಯಾಣ್ ಸದ್ಯ ಕ್ರಿಶ್ ನಿರ್ದೇಶನದ ‘ಹರಿ ಹರ ವೀರಮಲ್ಲು’ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಈ ಸಿನಿಮಾ ಎರಡು ಭಾಗಗಳಲ್ಲಿ ಸೆಟ್ಟೇರಲಿದೆ. ಇನ್ನೊಂದೆಡೆ ಸುಜಿತ್ ನಿರ್ದೇಶನದ ‘ಒಜಿ’ (ಒರಿಜಿನಲ್ ಗ್ಯಾಂಗ್ ಸ್ಟರ್) ಚಿತ್ರಕ್ಕೆ ಓಕೆ ಅಂದಿದ್ದಾರೆ. ಇತ್ತೀಚೆಗಷ್ಟೇ ಈ ಸಿನಿಮಾ ಪೂಜಾ ಕಾರ್ಯಕ್ರಮಗಳೊಂದಿಗೆ ಶುರುವಾಗಿದೆ.

ಇತ್ತೀಚಿನ ಪವನ್ ಕಲ್ಯಾಣ್ ಚಿತ್ರದ ಇನ್ನೊಂದು ರಿಮೇಕ್‌ಗೆ ಓಕೆ ಅಂದಿದ್ದಾರೆ. ಓಕೆ ಆಗಿರುವ ಈ ಸಿನಿಮಾ ಶೂಟಿಂಗ್ ಬೇಗ ಶುರುವಾಗಲಿದೆ ಎನ್ನಲಾಘಿದೆ. ಈ ಚಿತ್ರ ತಮಿಳಿನ ಹಿಟ್ ಚಿತ್ರ ವಿನೋದ ಸೀತಂ ರಿಮೇಕ್ ಆಗಿದೆ. ಈ ಚಿತ್ರವನ್ನು ಸಮುದ್ರಖನಿ ನಿರ್ದೇಶಿಸಲಿದ್ದಾರೆ. ಸಾಯಿ ತೇಜ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಪವನ್ ಕಲ್ಯಾಣ್ ಪ್ರಸ್ತುತ ತಮ್ಮ ಮುಂಬರುವ ಚಿತ್ರ 'ಹರಿ ಹರ ವೀರಮಲ್ಲು' ಚಿತ್ರೀಕರಣದಲ್ಲಿದ್ದಾರೆ. ಹರೀಶ್ ಶಂಕರ್ ಅವರ ‘ಉಸ್ತಾದ್ ಭಗತ್ ಸಿಂಗ್’ ಚಿತ್ರಕಥೆ ಸಿದ್ಧವಾಗಿದೆ. ವಿನೋದ ಸೀತಂ ಚಿತ್ರಕ್ಕೆ ಸಂಬಂಧಿಸಿದಂತೆ ಇತ್ತೀಚೆಗೆ ಪೂಜಾ ಕಾರ್ಯಕ್ರಮಗಳು ನಡೆದವು.

ಈ ಸಿನಿಮಾದ ಸ್ಕ್ರಿಪ್ಟ್ ವರ್ಕ್ ಈಗಾಗಲೇ ಮುಗಿದಿದೆ. ಮಾರ್ಚ್ ತಿಂಗಳಿನಲ್ಲಿ ಈ ಸಿನಿಮಾ ಶುರುವಾಗಿ 35 ದಿನಗಳಲ್ಲಿ ಪವನ್ ಕಲ್ಯಾಣ್ ಅವರ ಭಾಗದ ಶೂಟಿಂಗ್ ನಾನ್ ಸ್ಟಾಪ್ ಆಗಿ ನಡೆಯಲಿದೆ ಎಂದು ವರದಿಯಾಗಿದೆ. ಈ ಸಿನಿಮಾದಲ್ಲಿ ಪವನ್ ಕಲ್ಯಾಣ್ ದೇವರ ಪಾತ್ರ ಮಾಡಲಿದ್ದಾರೆ.

ಈ ಚಿತ್ರಕ್ಕಾಗಿ ಪವನ್ ಕಲ್ಯಾಣ್ ಸಂಪೂರ್ಣ ಸಸ್ಯಾಹಾರಿಯಾಗಲಿದ್ದಾರೆ. ಎನ್ ಟಿಆರ್ ಮತ್ತು ಬಾಲಯ್ಯ ಕೂಡ ದೇವರ ಪಾತ್ರ ಮಾಡುವಾಗ ಸಸ್ಯಾಹಾರವನ್ನೇ ಸೇವಿಸುತ್ತಿದ್ದರು. ಅದೇ ರೂಟ್ ನಲ್ಲಿ ಪವನ್ ಕಲ್ಯಾಣ್ ಈ ಚಿತ್ರ ಮುಗಿಯುವವರೆಗೂ ಸಸ್ಯಾಹಾರಿಯಾಗಿರುತ್ತಾರೆ.

ಸಿನಿಮಾ ಜೊತೆ ಪವನ್ ಕಲ್ಯಾಣ್ ಅವರು ರಾಜಕೀಯದಲ್ಲಿಯೂ ಬ್ಯುಸಿಯಾಗಿದ್ದಾರೆ. ಸಿನಿಮಾ ಮಾಡುವುದರ ಜೊತೆ ಜೊತೆಗೆ ರಾಜಕೀಯ ಕೆಲಸಗಳನ್ನೂ ಮಾಡುತ್ತಿದ್ದಾರೆ.

ನಟ ವರಾಹಿ ಎನ್ನುವ ಚುನಾವಣಾ ಪ್ರಚಾರ ವಾಹನವನ್ನು ಕೂಡಾ ರೆಡಿ ಮಾಡಿಸಿದ್ದು ಭರ್ಜರಿ ಮತಬೇಟೆಗೆ ಎಲ್ಲ ಸಿದ್ಧತೆ ಮಾಡಿಕೊಂಡಿದ್ದಾರೆ.