Pavitra Lokesh-Naresh: ಎಲ್ಲಾ ಆಯ್ತು, ಈಗ ಹಳೆ ಗಂಡನ ಪಾದವೇ ಗತಿ! ಸುಚೇಂದ್ರ ಪ್ರಸಾದ್​ ಬಗ್ಗೆ ಪವಿತ್ರಾ ಮಾತನಾಡಿರೋ ಆಡಿಯೋ ವೈರಲ್!

ಹಿರಿಯ ನಟ ನರೇಶ್ ಮದುವೆ ಸದ್ಯ ಭಾರೀ ಚರ್ಚೆಯಾಗುತ್ತಿದೆ. ಈಗಾಗಲೇ ಮೂರು ಮದುವೆಯಾಗಿರುವ ನರೇಶ್ ಇದೀಗ ನಾಲ್ಕನೇ ಮದುವೆಗೆ ರೆಡಿಯಾಗುತ್ತಿರುವುದು ಭಾರೀ ಚರ್ಚೆಗೆ ಗ್ರಾಸವಾಗಿದೆ. ನಟಿ ಪವಿತ್ರಾ ಲೋಕೇಶ್ ಜೊತೆಗಿನ ಅವರ ರೊಮ್ಯಾನ್ಸ್ ಹಲವು ವಿವಾದಗಳಿಗೆ ಕಾರಣವಾಗುತ್ತಿದೆ.

ಒಂದೆಡೆ ನರೇಶ್-ಪವಿತ್ರಾ ಲೋಕೇಶ್ ಮದುವೆಗೆ ಸಿದ್ಧ ಎಂಬ ಸುಳಿವು ನೀಡುತ್ತಿದ್ದರೆ, ಇನ್ನೊಂದೆಡೆ ನರೇಶ್ ಗೆ ವಿಚ್ಛೇದನ ನೀಡುವ ಇರಾದೆ ಇಲ್ಲ ಎನ್ನುತ್ತಾರೆ ನರೇಶ್ ಮೂರನೇ ಪತ್ನಿ ರಮ್ಯಾ ರಘುಪತಿ. ಇದೇ ವಿಚಾರವಾಗಿ ನ್ಯಾಯಾಲಯದ ಮೆಟ್ಟಿಲೇರಿದ್ದ ನರೇಶ್, ರಮ್ಯಾ ಬಗ್ಗೆ ಸೆನ್ಸೇಷನಲ್ ಕಾಮೆಂಟ್ ಮಾಡಿದ್ದಾರೆ. ಅವಳಿಂದ ಜೀವಭಯವಿದೆ ಎನ್ನುತ್ತಾರೆ ನರೇಶ್.

2010ರ ಮಾರ್ಚ್ 3ರಂದು ರಮ್ಯಾ ಅವರನ್ನು ಮದುವೆಯಾಗಿರುವುದಾಗಿ ಹೇಳಿದ ನರೇಶ್, ವರದಕ್ಷಿಣೆ ಕೂಡ ತೆಗೆದುಕೊಂಡಿಲ್ಲ ಎಂದು ಹೇಳಿದ್ದರು. ಆದರೆ ಮದುವೆಯಾದ ಕೆಲವು ತಿಂಗಳಿನಿಂದ ರಮ್ಯಾರಿಂದ ಕಿರುಕುಳ ಶುರುವಾಗಿದೆ ಎಂದು ನರೇಶ್ ಹೇಳಿದ್ದಾರೆ. ಕೆಲವರು ತಮ್ಮ ಹೆಸರು ತಿಳಿಯದೆ ಬ್ಯಾಂಕ್‌ಗಳಿಂದ ಹಣ ಪಡೆದಿದ್ದಾರೆ ಎಂದು ನರೇಶ್ ನ್ಯಾಯಾಲಯಕ್ಕೆ ತಿಳಿಸಿದ್ದರು.

ರಮ್ಯಾ ಗ್ಯಾಂಗ್ ಜೊತೆ ಸೇರಿ ನನ್ನನ್ನು ಕೊಲ್ಲಲು ಸುಪಾರಿ ನೀಡಿದ್ದಾರೆ. ನಾನು ಅಪಾಯದಲ್ಲಿದ್ದೇನೆ. ಕೊಲೆಯಾಗುವ ಭಯದಿಂದ ಏಕಾಂಗಿಯಾಗಿ ಎಲ್ಲಿಗೂ ಹೋಗುತ್ತಿಲ್ಲ ಎಂದು ನರೇಶ್ ಹೇಳಿದ್ದಾರೆ.

ಇದೇ ವೇಳೆ, ಮತ್ತೊಂದೆಡೆ ಪವಿತ್ರಾ ಲೋಕೇಶ್‌ಗೆ ಸಂಬಂಧಿಸಿದ ಕೆಲ ವಿಷಯಗಳನ್ನು ನೆಟ್ಟಿಗರು ಹುಡುಕುತ್ತಿದ್ದಾರೆ. ಈ ಹಿಂದೆ ತಮ್ಮ ಪತಿ ಸುಚೇಂದ್ರ ಪ್ರಸಾದ್ ಬಗ್ಗೆ ಅವರು ಹೇಳಿದ ಮಾತುಗಳು ಈಗ ಸುದ್ದಿಯಲ್ಲಿವೆ.

ಆ ವೇಳೆ ನಡೆದ ಸಂದರ್ಶನವೊಂದರಲ್ಲಿ ಪವಿತ್ರಾ ಲೋಕೇಶ್ ಅವರು ಸುಚೇಂದ್ರ ಪ್ರಸಾದ್ ದೇವರೇ ನನಗೆ ಕೊಟ್ಟಿರುವ ಗಿಫ್ಟ್​ ಎಂದಿದ್ದರು. ಧಾರಾವಾಹಿಯಲ್ಲಿ ನಟಿಸುವಾಗ ಅವರಿಬ್ಬರ ಸ್ನೇಹ ಪ್ರೀತಿಗೆ ತಿರುಗಿ ಮದುವೆಯಾಗಿದ್ವಿ. ಅವರು ತುಂಬಾ ಒಳ್ಳೆಯ ವ್ಯಕ್ತಿ ಎಂದು ಪವಿತ್ರಾ ಅಂದು ಹೇಳಿದ್ದರು.

ತನ್ನ ಗಂಡನಂಥ ವ್ಯಕ್ತಿಯನ್ನು ನಾನು ಎಲ್ಲಿಯೂ ನೋಡಿಲ್ಲ, ಅವರಲ್ಲಿ ಒಂದು ಲೋಪವೂ ಇಲ್ಲ ಎಂದು ಹೇಳಿದ್ದರು. ಅವರು ತನ್ನ ಅಭಿಪ್ರಾಯಗಳನ್ನು ತುಂಬಾ ಗೌರವಿಸುತ್ತಾರೆ ಎಂದು ಪವಿತ್ರಾ ಲೋಕೇಶ್​ ಹೇಳಿದ್ದರು.

ಆದರೆ ಇದೀಗ ಪವಿತ್ರಾ ಲೋಕೇಶ್ ಅವರು ನರೇಶ್ ಜೊತೆ ಮದುವೆಯಾಗುವುದಕ್ಕೆ ರೆಡಿಯಾಗಿರುವುದನ್ನು ನೋಡಿ ಅಭಿಮಾನಿಗಳು ಶಾಕ್ ಆಗಿದ್ದಾರೆ. ಪವಿತ್ರಾ ಅವರು ಹಣಕ್ಕಾಗಿ ನರೇಶ್ ಅವರನ್ನು ಹಿಂಬಾಲಿಸುತ್ತಿದ್ದಾರೆ ಎಂದು ರಮ್ಯಾ ರಘುಪತಿ ಆರೋಪಿಸಿದ್ದಾರೆ.

ನರೇಶ್ ಮತ್ತು ಪವಿತ್ರಾ ಲೋಕೇಶ್ ಮೈಸೂರಿನ ಹೋಟೆಲ್ ಕೊಠಡಿಯಲ್ಲಿದ್ದಾಗ ನರೇಶ್ ಅವರ ಮೂರನೇ ಪತ್ನಿ ರಮ್ಯಾ ಹೋಗಿ ಗಲಾಟೆ ಮಾಡಿದ್ದರು. ಆ ವೇಳೆ ರಮ್ಯಾ ಇಬ್ಬರ ವಿರುದ್ಧವೂ ಪೊಲೀಸ್ ದೂರು ನೀಡಿ ಗಲಾಟೆ ಮಾಡಿದ್ದರು. ಅಂದಿನಿಂದ ನರೇಶ್ ಅವರ ನಾಲ್ಕನೇ ಮದುವೆ ವಿಷಯ ಚರ್ಚೆಗೆ ಗ್ರಾಸವಾಗಿದೆ.