Pathaan: ರಿಲೀಸ್​ಗೂ ಮುನ್ನವೇ ಭರ್ಜರಿ ಕಲೆಕ್ಷನ್! ಪಠಾನ್ ಗಳಿಸಿದ್ದೆಷ್ಟು?

ಜನವರಿ 25 ರಂದು ಶಾರುಖ್ ಖಾನ್ ಅವರ ಮುಂಬರುವ ಚಿತ್ರ 'ಪಠಾಣ್' ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗಲಿದೆ. ಈ ಬಗ್ಗೆ ಬಾಲಿವುಡ್‌ನ 'ಬಾದ್‌ಶಾ' ಸಾಕಷ್ಟು ಉತ್ಸುಕರಾಗಿದ್ದಾರೆ. ಇತ್ತೀಚೆಗಷ್ಟೇ ಬಿಡುಗಡೆಯಾಗಿರುವ ಚಿತ್ರದ ಟ್ರೇಲರ್‌ಗೂ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದ್ದು, ನಿರ್ಮಾಪಕರಿಗೆ ಖುಷಿ ತಂದಿದೆ. ಅದೇ ಸಮಯದಲ್ಲಿ ಈ ಚಿತ್ರದ ಬಗ್ಗೆ ಮತ್ತೊಂದು ಗುಡ್ ನ್ಯೂಸ್ ಬಂದಿದೆ.

‘ಪಠಾಣ್’ ಚಿತ್ರದ ಮುಂಗಡ ಬುಕ್ಕಿಂಗ್ ಅಮೆರಿಕದಲ್ಲಿ ಆರಂಭವಾಗಿದ್ದು, ಮೊದಲ ದಿನವೇ ಮುಂಗಡ ಬುಕ್ಕಿಂಗ್ ನಲ್ಲಿ 2.4 ಕೋಟಿ ರೂಪಾಯಿ ಟಿಕೆಟ್ ಮಾರಾಟವಾಗಿದೆ ಎಂಬ ಸುದ್ದಿ ಬರುತ್ತಿದೆ. ಲೆಟ್ಸ್ ಸಿನಿಮಾ ಈ ಮಾಹಿತಿಯನ್ನು ಟ್ವೀಟ್ ಮೂಲಕ ಹಂಚಿಕೊಂಡಿದೆ.

ಚಿತ್ರ ಬಿಡುಗಡೆಗೂ ಮುನ್ನವೇ ಮೊದಲ ದಿನ ಈ ಮೊತ್ತ ಗಳಿಸಿದ್ದು USAಯಲ್ಲಿ ದಾಖಲೆ ಬರೆದಿದೆ. ಹಾಗಾದರೆ ವಿಶ್ವದಾದ್ಯಂತ ಬಿಡುಗಡೆಯಾಗುವ ಮೊದಲು ಎಷ್ಟು ಗಳಿಸಬಹುದು ಎಂದು ಕಣ್ಕಣ್ ಬಿಟ್ಟಿದ್ದಾರೆ ಜನ.

ಈ ಚಿತ್ರದ ಮೂಲಕ, ಶಾರುಖ್ 4 ವರ್ಷಗಳ ನಂತರ ಬೆಳ್ಳಿತೆರೆಗೆ ಮರಳಲಿದ್ದಾರೆ. ಅದಕ್ಕೂ ಮೊದಲು ಅವರು ಕೊನೆಯ ಬಾರಿಗೆ ತಮ್ಮ 'ಝೀರೋ' ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು. ಆ ಸಿನಿಮಾ ಫ್ಲಾಪ್ ಆಗಿತ್ತು.

'ಝೀರೋ' ಚಿತ್ರದ ಫ್ಲಾಪ್ ನಂತರ ಶಾರುಖ್ 4 ವರ್ಷಗಳ ಕಾಲ ಯಾವುದೇ ಸಿನಿಮಾದಲ್ಲಿ ಕೆಲಸ ಮಾಡಲಿಲ್ಲ, ಏಕೆಂದರೆ ಈ ಸಮಯದಲ್ಲಿ ಅವರು 'ಪಠಾಣ್' ಗೆ ತಮ್ಮ ಸಮಯವನ್ನು ನೀಡುತ್ತಿದ್ದರು.

ಶಾರುಖ್ ಖಾನ್ ಅವರು ತಮ್ಮ ಚಿತ್ರದ ಬಗ್ಗೆ ಹೆಚ್ಚಿನ ಭರವಸೆ ಹೊಂದಿದ್ದಾರೆ. ದಕ್ಷಿಣದ ಸಿನಿಮಾಗಳು ಬಾಕ್ಸ್ ಆಫೀಸ್‌ನಲ್ಲಿ ಪ್ರಾಬಲ್ಯ ಸಾಧಿಸುತ್ತಿರುವ ರೀತಿ ನೋಡಿದರೆ ಪಠಾನ್​ಗೆ ಇದು ದೊಡ್ಡ ಸವಾಲಾಗಿದೆ.

ಕೊರೋನಾ ನಂತರ ಚಿತ್ರಗಳು ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗಲು ಪ್ರಾರಂಭಿಸಿದಾಗಿನಿಂದ, ಕೆಲವು ಬಾಲಿವುಡ್ ಚಿತ್ರಗಳನ್ನು ಹೊರತುಪಡಿಸಿ, ಉಳಿದವುಗಳೆಲ್ಲ ಸೋತಿವೆ. ಸೌತ್ ಸಿನಿಮಾ ಭರ್ಜರಿಯಾಗಿ ಸದ್ದು ಮಾಡುತ್ತಿದೆ.

'ಪಠಾಣ್' ಚಿತ್ರದ ಮೂಲಕ ಮತ್ತೊಮ್ಮೆ ಪ್ರೇಕ್ಷಕರು ಶಾರುಖ್ ಮತ್ತು ದೀಪಿಕಾ ಪಡುಕೋಣೆ ಜೋಡಿಯನ್ನು ತೆರೆಯ ಮೇಲೆ ನೋಡಲಿದ್ದಾರೆ. ಅಲ್ಲದೆ, ಹಿರಿಯ ನಟ ಜಾನ್ ಅಬ್ರಹಾಂ ಕೂಡ ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿದ್ದಾರೆ.