Pathaan: ಪಠಾಣ್ ಸಿನಿಮಾ 110 ರೂಪಾಯಿಗೆ ನೋಡಿ! ಭರ್ಜರಿ ಆಫರ್

ಶಾರುಖ್ ಖಾನ್ ಅವರ ಬ್ಲಾಕ್ ಬಸ್ಟರ್ ಹಿಟ್ ಪಠಾಣ್ ಸಿನಿಮಾ ಓಟ ಮುಂದುವರಿದಿದೆ. ಜನವರಿ 25 ರಂದು ಥಿಯೇಟರ್‌ಗೆ ಬಂದ ಈ ಸಿನಿಮಾ 500 ಕೋಟಿ ಕ್ಲಬ್‌ಗೆ ಪ್ರವೇಶಿಸಿದ್ದು ಅದರ ಸಂಭ್ರಮಾಚರಣೆಯಲ್ಲಿದೆ. ಪಠಾಣ್ ಟಿಕೇಟ್ ಕಿಟಕಿಗಳು ಫುಲ್ ಸೋಲ್ಡ್ ಔಟ್ ಆಗುತ್ತಿದೆ.

ಯಶಸ್ವಿಯಾಗಿ ನಾಲ್ಕನೇ ಶುಕ್ರವಾರಕ್ಕೆ ಸಾಕ್ಷಿಯಾಗಲಿರುವ ಸಿನಿಮಾ ಈ ಬಾರಿ ಅಭಿಮಾನಿಗಳಿಗೆ ಒಳ್ಳೆಯ ಸುದ್ದಿಯೊಂದಿಗೆ ಬಂದಿದೆ. ಪಠಾಣ್ ದಿನವನ್ನು ಆಚರಿಸಲು ಟಾಪ್ ಥಿಯೇಟರ್ ಚೈನ್ಸ್ ನಿರ್ಧರಿಸಿವೆ.

ಯಶ್ ರಾಜ್ ಫಿಲ್ಮ್ಸ್ ನಿರ್ಮಿಸಿದ ಮತ್ತು ಸಿದ್ಧಾರ್ಥ್ ಆನಂದ್ ನಿರ್ದೇಶನದ ಸಾರ್ವಕಾಲಿಕ ಬ್ಲಾಕ್‌ಬಸ್ಟರ್ ಪಠಾನ್ ಬಾಕ್ಸ್ ಆಫೀಸ್‌ ಕೊಳ್ಳೆ ಹೊಡೆಯುತ್ತಿದೆ. ಇದುವರೆಗೆ ವಿಶ್ವದಾದ್ಯಂತ 963 ಕೋಟಿಗೂ ಹೆಚ್ಚು ಒಟ್ಟು ಕಲೆಕ್ಷನ್ ಮಾಡಿದೆ.

ಬಾಲಿವುಡ್ ಇತಿಹಾಸದಲ್ಲಿ ಪಠಾಣ್ ಪ್ರಪಂಚದಾದ್ಯಂತ ಅತಿ ಹೆಚ್ಚು ಗಳಿಕೆ ಮಾಡಿದ ಹಿಂದಿ ಸಿನಿಮಾ ಎಂದು ಸಂಭ್ರಮ ಆಚರಿಸಲಾಗುತ್ತಿದೆ. ಪ್ರಮುಖ ಥಿಯೇಟರ್​ಗಳು - PVR, Inox, Cinepolis, Miraj, Movietime, MuktaA2 ಮತ್ತು ಇತರ ಚಿತ್ರಮಂದಿರಗಳು ಫೆಬ್ರವರಿ 17ರಂದು ಪಠಾನ್ ದಿನವನ್ನಾಗಿ ಆಚರಿಸಲು ನಿರ್ಧರಿಸಿವೆ. ಈ ಚಿತ್ರಮಂದಿರಗಳಲ್ಲಿ ದೇಶಾದ್ಯಂತ ಪಠಾಣ್‌ನ ಪ್ರತಿ ಟಿಕೆಟ್‌ನ ಬೆಲೆಯನ್ನು ರೂ.110ಗೆ ಇಳಿಸಲು ನಿರ್ಧರಿಸಿದೆ.

ಹಾಸ್ಯದ ಮಾತುಗಳಿಂದಲೇ ವೈರಲ್ ಆಗುವ ಶಾರುಖ್ ಖಾನ್, ಯಶ್ ರಾಜ್ ಫಿಲ್ಮ್ಸ್ ಉಪಾಧ್ಯಕ್ಷ ರೋಹನ್ ಮಲ್ಹೋತ್ರಾ ಅವರ ಟ್ವೀಟ್​ಗೆ ಪ್ರತಿಕ್ರಿಯಿಸಿದ್ದಾರೆ. ಓ ಹಾಗಿದ್ರೆ ಇನ್ನು ಸಿನಿಮಾ ನೋಡಬೇಕು. ಧನ್ಯವಾದಗಳು ಯಶ್ ರಾಜ್ ಫಿಲ್ಮ್ ನೀವು ಸ್ವಲ್ಪ ಫ್ರೀ ಪಾಪ್‌ಕಾರ್ನ್ ವ್ಯವಸ್ಥೆ ಮಾಡಬಹುದೇ? ಇಲ್ಲವೇ ಎಂದು ಟ್ವೀಟ್ ಮಾಡಿದ್ದಾರೆ.

ಫೆಬ್ರವರಿ 17ನ್ನು ಪಠಾಣ್ ಡೇ ಎಂದು ಆಚರಿಸಲಾಗುತ್ತಿದ್ದು ಸಿನಿಮಾ ಟಿಕೆಟ್ 110 ರೂಪಾಯಿಗೆ ದೊರೆಯಲಿದೆ. ಅಂತೂ ಶುಕ್ರವಾರ ಥಿಯೇಟರ್ ಹೌಸ್​ಫುಲ್ ಆಗೋದ್ರಲ್ಲಿ ಸಂದೇಹವೇ ಇಲ್ಲ.

ಶಾರುಖ್ ಖಾನ್, ದೀಪಿಕಾ ಪಡುಕೋಣೆ ಮತ್ತು ಜಾನ್ ಅಬ್ರಹಾಂ ಮೊದಲ ಬಾರಿಗೆ ಪಠಾನ್ ಚಿತ್ರದಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರವನ್ನು ಸಿದ್ಧಾರ್ಥ್ ಆನಂದ್ ಬರೆದು ನಿರ್ದೇಶಿಸಿದ್ದಾರೆ. ಯಶ್ ರಾಜ್ ಫಿಲ್ಮ್ಸ್ ಬಂಡವಾಳ ಹೂಡಿದ್ದಾರೆ.

ಸಿನಿಮಾ ತಮಿಳು ಮತ್ತು ತೆಲುಗಿನಲ್ಲಿ ಡಬ್ಬಿಂಗ್ ಆವೃತ್ತಿಗಳೊಂದಿಗೆ ಜನವರಿ 25, 2023 ರಂದು ಬಿಡುಗಡೆಯಾಯಿತು. ಚಿತ್ರದಲ್ಲಿ ಸಲ್ಮಾನ್ ಖಾನ್ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಚಿತ್ರದಲ್ಲಿ ಶಾರುಖ್ ಖಾನ್ ಪಠಾಣ್ ಎಂಬ ರಾ ಫೀಲ್ಡ್ ಏಜೆಂಟ್ ಆಗಿ ಕಾಣಿಸಿಕೊಂಡಿದ್ದಾರೆ. ವಿಶಾಲ್-ಶೇಖರ್ ಪಠಾಣ್‌ ಸಿನಿಮಾಗೆ ಸಂಗೀತ ಸಂಯೋಜಿಸಿದ್ದಾರೆ.