Pathaan: ಪಠಾಣ್ ಕ್ಲೈಮ್ಯಾಕ್ಸ್​​ನಲ್ಲಿ ಸೌತ್ ಇಂಡಸ್ಟ್ರಿಗೆ ಟಕ್ಕರ್​, ಕೌಂಟರ್​ ಕೊಡಲು ಹೋಗಿ ಶಾರುಖ್​-ಸಲ್ಲು ಪಂಕ್ಚರ್!

ಬಾಲಿವುಡ್​ನಲ್ಲಿ ನಮ್ಮಗಿಂತ ಮತ್ಯಾರು ಸ್ಟ್ರಾಂಗ್​ ಬರೋಕೆ ಸಾಧ್ಯವಿಲ್ಲ ಅಂತ ಕಾಲರ್​ ಮೇಲೆರಿಸಿಕೊಂಡಿದ್ದ ಖಾನ್​ಗಳ ಚಳಿ ಬಿಡಿಸಿದ್ದು ನಮ್ಮ ಅಣ್ತಮ್ಮ ಯಶ್​ ಅನ್ನೋದು ಎಲ್ಲರಿಗೂ ಗೊತ್ತಿದೆ. ಈಗ್ಯಾಕೆ ಇದರ ಬಗ್ಗೆ ಮಾತನಾಡುತ್ತಾ ಇದ್ದೀವಿ ಅಂದುಕೊಂಡ್ರಾ? ಮುಂದೆ ನೋಡಿ

ಜನವರಿ 25ರಂದು ಶಾರುಖ್​ ಖಾನ್​ ಅಭಿನಯದ ಪಠಾಣ್​ ಸಿನಿಮಾ ರಿಲೀಸ್ ಆಗಿದೆ. 5 ವರ್ಷದ ಬಳಿಕ ಮತ್ತೆ ತೆರೆ ಮೇಲೆ ಶಾರುಖ್​ ಕಂಡು ಅಭಿಮಾನಿಗಳು ಥ್ರಿಲ್​ ಆಗಿದ್ದಾರೆ. ಆದರೆ, ಈ ಸಿನಿಮಾದ ಕ್ಲೈಮ್ಯಾಕ್ಸ್​ನಲ್ಲಿ ಬರುವ ಸನ್ನಿವೇಶ ಇದೀಗ ಟೀಕೆಗೆ ಒಳಗಾಗಿದೆ.

ಈ ಸಿನಿಮಾದಲ್ಲಿ ಶಾರುಖ್​ ಖಾನ್​ ಜೊತೆ ಸಲ್ಮಾನ್ ಖಾನ್​ ಕೂಡ ನಟಿಸಿದ್ದಾರೆ. ಸಿನಿಮಾ ಕಥೆಯಲ್ಲ ಮುಗಿದ ಮೇಲೆ, ಶಾರುಖ್​-ಸಲ್ಲು ನಡುವೆ ಕೆಲವೊಂದು ಡೈಲಾಗ್​ಗಳಿಗೆ. ಇದು ಸಿನಿಮಾ ಕಥೆಗೆ ಯಾವುದೇ ಸಂಬಂಧವಿಲ್ಲ. ಈ ಡೈಲಾಗ್​ಗಳನ್ನು ಸೌತ್​ ಇಂಡಸ್ಟ್ರಿಗೆ ಟಕ್ಕರ್​ ಕೊಡಲೇ ಬೇಕೆಂದು ಮಾಡಿದಂತಿದೆ.

ಸಲ್ಮಾನ್ ಖಾನ್​ ಹಾಗೂ ಶಾರುಖ್ ಖಾನ್​ ಇಬ್ಬರು ಒಂದು ಕಡೆ ಕೂತು, ಇನ್ಮುಂದೆ ಇದನ್ನೆಲ್ಲಾ ಯಾರು ನೋಡಿಕೊಳ್ಳುತ್ತಾರೆ ಅಂತ ಕೇಳುತ್ತಾರೆ. ಇದಕ್ಕೆ ಉತ್ತರಿಸುವ ಸಲ್ಲು ಅವನು ನೋಡಿಕೊಳ್ಳುತ್ತಾನೆ ಅಂತಾರೆ. ಅದಕ್ಕೆ ಶಾರುಖ್​ ಚಾನ್ಸೇ ಇಲ್ಲ ಅಂತಾರೆ.

ಮತ್ತೆ ಸಲ್ಮಾನ್​ ಖಾನ್​ ಇವನು ನೋಡಿಕೊಳ್ಳುತ್ತಾನೆ ಬಿಡು ಅಂತಾರೆ. ಅದಕ್ಕೂ ಶಾರುಖ್​ ಖಾನ್​ ಆಗಲ್ಲ ಇವನ ಕೈಯಲ್ಲೂ ಅಂತಾರೆ. ಇಬ್ಬರೂ ಮತ್ತೆ ಇನ್ಯಾರು ನೋಡಿಕೊಳ್ಳುತ್ತಾರೆ ಅಂತ ಮಾತನಾಡಿಕೊಳ್ಳುತ್ತಾರೆ.

ಇಷ್ಟು ದಿನ ನಾವೇ ನೋಡಿಕೊಂಡಿದ್ಧೇವೆ. ಯಾರ ಕೈಯಲ್ಲೂ ನಮ್ಮನ್ನ ಅಲ್ಲಾಡಿಸಿಕೂ ಆಗಿಲ್ಲ. ಇನ್ಮುಂದೆನೂ ನಾವೇ ನೋಡಿಕೊಳ್ಳೋಣ. ಯಾರಿಗೂ ಚಾನ್ಸ್​ ಕೊಡುವುದೇ ಬೇಡ ಎಂಬ ರೀತಿಯಲ್ಲಿ ಡೈಲಾಗ್​ ಇದೆ.

ಈ ಸೀನ್​ ನೋಡಿದವರು ಇದು ಪಕ್ಕಾ ಸೌತ್​ ಇಂಡಸ್ಟ್ರಿಗೆ ಟಾಂಗ್​ ಕೊಟ್ಟಿದ್ದಾರೆ ಅಂತ ಹೇಳುತ್ತಿದ್ದಾರೆ. ದೊಡ್ಡ ದೊಡ್ಡ ಸ್ಟಾರ್​ಗಳೇ ಈ ರೀತಿ ಮಾಡುವುದು ಎಷ್ಟು ಸರಿ ಅಂತ ಅಭಿಮಾನಿಗಳು ಮಾತನಾಡಿಕೊಳ್ಳುತ್ತಿದ್ದಾರೆ.

ಪಠಾಣ್ ಸಿನಿಮಾ ಪ್ರದರ್ಶನವನ್ನು ವಿರೋಧಿಸಿ ಹಲವೆಡೆ ಪ್ರತಿಭಟನೆ ನಡೆಸಲಾಗಿದೆ. ನಗರದ ಶೆಟ್ಟಿ ಮಲ್ಟಿಪ್ಲೆಕ್ಸ್ ಥಿಯೇಟರ್ ಮುಂಭಾಗ ಹಿಂದೂ ಜಾಗೃತಿ ಸೇನೆ ಪ್ರತಿಭಟನೆ ನಡೆಸಿದೆ. ಪಠಾಣ್​ 12A ಸೆನ್ಸಾರ್ ರೇಟಿಂಗ್ ಅನ್ನು ನೀಡಿವೆ. 12 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಯಾರೊಬ್ಬರೂ ಕೂಡ ಆ ಚಲನಚಿತ್ರವನ್ನು ದೊಡ್ಡವರು ಜೊತೆಯಿಲ್ಲದಿದ್ದರೆ ಚಿತ್ರಮಂದಿರದಲ್ಲಿ ನೋಡುವಂತಿಲ್ಲ.