Pathaan Movie Actor: ಪಠಾಣ್ ಸಿನಿಮಾಗಾಗಿ 42 ಕೆಜಿ ತೂಕ ಇಳಿಸಿಕೊಂಡ ನಟ; ರಾ ಏಜೆಂಟ್ ಹೇಳಿದ್ರು ವರ್ಕೌಟ್ ಕಥೆ!

ಶಾರುಖ್ ಖಾನ್ ಚಿತ್ರ ಪಠಾಣ್ ಭರ್ಜರಿ ಪ್ರದರ್ಶನ ಕಾಣ್ತಿದೆ. ಈ ಚಿತ್ರ ಬಾಕ್ಸ್ ಆಫೀಸ್​ನಲ್ಲಿ ಇತಿಹಾಸ ಸೃಷ್ಟಿಸಿದೆ. ಈ ಚಿತ್ರದಲ್ಲಿ ನಟಿಸಿರುವ ನಟ ಆಕಾಶ್ ಬಥಿಜಾ ಈ ಸಿನಿಮಾಗಾಗಿ ಸಖತ್ ಆಗಿಯೇ ವರ್ಕೌಟ್ ಮಾಡಿದ್ದು, ಭರ್ಜರಿಯಾಗಿಯೇ ತೂಕ ಇಳಿಸಿಕೊಂಡಿದ್ದಾರೆ.

ಬಾಲಿವುಡ್​ನ ಬಾದ್ ಶಾ ಶಾರುಖ್ ಖಾನ್  4 ವರ್ಷಗಳ ಅದ್ಭುತ ಸಕ್ಸಸ್ ಕಂಡಿದ್ದಾರೆ. ಪಠಾಣ್ ಸಿನಿಮಾದಲ್ಲಿ ನಟಿಸಿರುವ ಪ್ರತಿಯೊಬ್ಬ ನಟರು ಸಹ ಅದ್ಬುತವಾಗಿಯೇ ನಟಿಸಿದ್ದಾರೆ.

ಪಠಾಣ್ ಸಿನಿಮಾದಲ್ಲಿ ಶಾರುಖ್ ಖಾನ್, ಜಾನ್ ಅಬ್ರಹಾಂ, ದೀಪಿಕಾ ಪಡುಕೋಣೆ, ಅಶುತೋಷ್ ರಾಣಾ ಮತ್ತು ಡಿಂಪಲ್ ಕಪಾಡಿಯಾ ಅವರ ನಟನೆ ಮಾತ್ರವಲ್ಲದೆ, ಚಿತ್ರದಲ್ಲಿ RAW ಏಜೆಂಟ್ ಪಾತ್ರದಲ್ಲಿ ನಟಿಸಿರುವ ನಟ ಆಕಾಶ್ ಬಥಿಜಾ ಕೂಡ ಎಲ್ಲರ ಗಮನ ಸೆಳೆದಿದ್ದಾರೆ. (ಫೋಟೋ ಕೃಪೆ: akkash bathija)

ಆಕಾಶ್ 2 ವರ್ಷಗಳ ಹಿಂದೆ ಹೇಗಿದ್ರು ಅನ್ನೋದನ್ನು ನಿಮಗೆ ಹೇಳಿದ್ರೆ ನಿಜಕ್ಕೂ ಅಚ್ಚರಿಪಡ್ತೀರಾ. 2 ವರ್ಷಗಳ ಹಿಂದೆ ಅವರ ತೂಕವು ತುಂಬಾ ಹೆಚ್ಚಿತ್ತು ಬೊಜ್ಜಿನ ಬಗ್ಗೆ ತುಂಬಾ ಟೆನ್ಷನ್ ಆಗಿದ್ರು. ಸಂದರ್ಶನವೊಂದರಲ್ಲಿ ಮಾತಾಡಿದ ಆಕಾಶ್, ಪಠಾಣ್ ಚಿತ್ರಕ್ಕಾಗಿ 2 ವರ್ಷಗಳಲ್ಲಿ ತಮ್ಮ ತೂಕವನ್ನು 44 ಕೆಜಿಯಷ್ಟು ಕಡಿಮೆ ಮಾಡಿಕೊಂಡಿದ್ದಾರೆ ಎಂದು ಹೇಳಿದ್ದಾರೆ. (ಫೋಟೋ ಕೃಪೆ: akkash bathija)

ಶಾರುಖ್ ಖಾನ್ ಪಕ್ಕದಲ್ಲಿ ಫ್ಯಾಟಿಯಾಗಿ ಕಾಣಿಸಿಕೊಳ್ಳಲು ಇಷ್ಟಪಡದೆ ತನ್ನನ್ನು ತಾನು ಬದಲಾಯಿಸಿಕೊಂಡಿದ್ದೇನೆ ಎಂದು ಆಕಾಶ್ ಹೇಳಿದ್ದಾರೆ. (ಫೋಟೋ ಕೃಪೆ: akkash_bathija)

ಆಕಾಶ್ 2 ವರ್ಷಗಳ ಕಾಲ ಇತರ ಕೆಲಸಕ್ಕೆ ಬ್ರೇಕ್ ಕೊಟ್ಟು ಫಿಟ್ನೆಸ್​ನತ್ತ ಗಮನಹರಿಸಿದ್ದಾರೆ. ವರ್ಕೌಟ್ ಮಾಡಲು ಆರಂಭಿಸಿದಾಗ ಆಕಾಶ್ 126 ಕೆಜಿ ತೂಕ ಹೊಂದಿದ್ದರು. ಬಳಿಕ 44 ಕೆಜಿ ತೂಕ ಇಳಿಸಿದ್ದಾರೆ. ಕಠಿಣ ಪರಿಶ್ರಮದಿಂದ 2 ವರ್ಷಗಳಲ್ಲಿ ತೂಕ ಇಳಿಸಿದ್ದೇನೆ ಎಂದು ಆಕಾಶ್ ಹೇಳಿದ್ದಾರೆ. (ಫೋಟೋ ಕೃಪೆ: akkash_bathija)

ಪಠಾಣ್ ಚಿತ್ರದಲ್ಲಿ ಚಾನ್ಸ್ ಸಿಕ್ಕಿದ್ದು ಹೇಗೆ ಎಂದೂ ಆಕಾಶ್ ಹೇಳಿದ್ದಾರೆ. ಆಕಾಶ್​ ಚಿತ್ರದ ಕಾಸ್ಟಿಂಗ್ ನಿರ್ದೇಶಕ ಶಾನು ಶರ್ಮಾ ಆಡಿಷನ್ ಮಾಡಿದ್ದಾರೆ. ಆಕಾಶ್ ಆಡಿಷನ್ ಹೊರತುಪಡಿಸಿ 30-35 ನಟರು ಆಡಿಷನ್​​ಗೆ ಬಂದಿದ್ದರು, ಆದರೆ ಕೆಲವು ಸುತ್ತಿನ ಸ್ಕ್ರೀನ್ ಟೆಸ್ಟ್ ನಂತರ ಆಯ್ಕೆ ಮಾಡಲಾಗಿದೆ ಎಂದು ಆಕಾಶ್ ಹೇಳಿದರು. (ಫೋಟೋ ಕೃಪೆ: akkash_bathija)

ಪಠಾಣ್ ಬಾಕ್ಸ್ ಆಫೀಸ್ ನಲ್ಲಿ ಉತ್ತಮ ಪ್ರದರ್ಶನ ಕಾಣುತ್ತಿದೆ. ಶಾರುಖ್, ದೀಪಿಕಾ ಪಡುಕೋಣೆ, ಜಾನ್ ಅಬ್ರಹಾಂ ಅಭಿನಯದ ಈ ಚಿತ್ರ ಬಾಕ್ಸ್ ಆಫೀಸ್ ನಲ್ಲಿ ಬಂಪರ್ ಓಪನಿಂಗ್ ಪಡೆದಿದೆ. ಸಿನಿಮಾ ತಂಡ ಕೂಡ ಸಕ್ಸಸ್ ಖುಷಿಯಲ್ಲಿದೆ.