Parineeti Chopra: ಒಂದೇ ಒಂದು ಬ್ರೇಕ್​ಫಾಸ್ಟ್​​ನಲ್ಲಿ ಲವ್ ಆಗೋಯ್ತು! ಪರಿಣಿತಿ ಭಾವುಕ

ಬಾಲಿವುಡ್ ನಟಿ ಹಾಗೂ ಆಮ್ ಆದ್ಮಿ ಪಕ್ಷದ ಸಂಸದ ರಾಘವ್ ಚಡ್ಡಾ ಅವರ ನಿಶ್ಚಿತಾರ್ಥ ನಡೆದಿದೆ. ಬಾಲಿವುಡ್​ನ ಕ್ಯೂಟ್ ನಟಿ ಇತ್ತೀಚೆಗೆ ರಾಜಕಾರಣಿ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಇಬ್ಬರ ಎಂಗೇಜ್ಮೆಂಟ್ ಫೋಟೋಸ್ ವೈರಲ್ ಆಗಿದ್ದವು. ಈಗ ಪರಿಣಿತಿ ಅವರು ನಿಶ್ಚಿತಾರ್ಥದ ಕೆಲವು ಅನ್​ಸೀನ್ಗ ಫೋಟೋಸ್ ಶೇರ್ ಮಾಡಿದ್ದಾರೆ.

ದೆಹಲಿಯಲ್ಲಿ ನಡೆದ ಖಾಸಗಿ ಸಮಾರಂಭದಲ್ಲಿ ನಿಶ್ಚಿತಾರ್ಥ ನೆರವೇರಿದೆ. ಕುಟುಂಬಸ್ಥರು, ಆಪ್ತರು, ಸ್ನೇಹಿತರು ಭಾಗಿಯಾಗಿದ್ದ ಕಾರ್ಯಕ್ರಮದಲ್ಲಿ ಈ ಜೋಡಿ ಎಂಗೇಜ್ ಆದರು. ಇದೀಗ ಪರಿಣಿತಿ ಆ ಸುಂದರ ಕಾರ್ಯಕ್ರಮದ ಬಗ್ಗೆ ಒಂದು ಪೋಸ್ಟ್ ಬರೆದು ಅಭಿಮಾನಿಗಳೊಂದಿಗೆ ಶೇರ್ ಮಾಡಿದ್ದಾರೆ.

ಹಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ ಅವರು ಪರಿಣಿತಿಯ ನಿಶ್ಚಿತಾರ್ಥಕ್ಕೆ ಭಾರತಕ್ಕೆ ಬಂದಿದ್ದರು. ರಾಘವ್ ಅವರ ಹಣೆಗೆ ಪ್ರಿಯಾಂಕಾ ಕುಂಕುಮ ಇಡುವ ಫೋಟೋ ವೈರಲ್ ಆಗಿದೆ. ನಟಿ ಅಮೆರಿಕಾದಿಂದ ನಿಶ್ಚಿತಾರ್ಥಕ್ಕಾಗಿಯೇ ಬಂದಿದ್ದರು.

ನಿಶ್ಚಿತಾರ್ಥದ ಹಲವಾರು ಕ್ಯಾಂಡಿಡ್ ಫೋಟೋಗಳನ್ನು ನಟಿ ಶೇರ್ ಮಾಡಿದ್ದಾರೆ. ಒಂದು ಬ್ರೇಕ್​ಫಾಸ್ಟ್ ಅಷ್ಟೆ. ನನ್ನ ಜೀವನ ಸಂಗಾತಿಯನ್ನು ನಾನು ಭೇಟಿ ಮಾಡಿ ಆಯಿತು ಎಂದು ನನಗೆ ಅರ್ಥವಾಯ್ತು. ಶಾಂತ ಸ್ವಭಾವದ ಪ್ರೇರಣೆ ನೀಡುವ ವ್ಯಕ್ತಿ. ಅವರ ಬೆಂಬಲ, ತಮಾಷೆ, ಗೆಳೆತನ ಎಲ್ಲವೂ ನನಗೆ ಸಂತೋಷ ನೀಡುತ್ತದೆ. ಅವನು ನನ್ನ ಮನೆ ಎಂದು ನಟಿ ಬರೆದಿದ್ದಾರೆ.

ನಿಶ್ಚಿತಾರ್ಥದ ಪಾರ್ಟಿ ಕನಸನ್ನೇ ಜೀವಿಸಿದಂತೆ ಇತ್ತು. ಪ್ರೀತಿ, ನಗು, ಭಾವನೆ, ಡ್ಯಾನ್ಸ್ ಎಲ್ಲವೂ ಇತ್ತು. ನಾವಿಷ್ಟಪಡುವವರನ್ನು ಅಪ್ಪಿಕೊಂಡು ಸಂಭ್ರಮಿಸುವಾಗ ಭಾವನೆಗಳು ಹೆಚ್ಚಾದವು ಎಂದು ಬರೆದಿದ್ದಾರೆ ನಟಿ.

ನಾನು ಚಿಕ್ಕವಳಿದ್ದಾಗ ನನ್ನ ಬದುಕಿನ ಬಗ್ಗೆ ಕನಸು ಕಂಡಿದ್ದೆ. ನಾನು ಊಹಿಸಿಕೊಂಡಿದ್ದಕ್ಕಿಂತೂ ಇದು ಸುಂದರವಾಗಿದೆ ಎಂದು ಪರಿಣಿತಿ ಅವರು ಭಾವುಕರಾಗಿ ಪೋಸ್ಟ್​ನ ಕ್ಯಾಪ್ಶನ್​ನಲ್ಲಿ ಬರೆದಿದ್ದಾರೆ.

ಪ್ರಿಯಾಂಕಾ ಚೋಪ್ರಾ ಅವರು ಪೋಸ್ಟ್ ಶೇರ್ ಮಾಡಿದ್ದರು. ತಿಶಾ ರಾಘವ್ ಶುಭಾಶಯಗಳು. ಮದುವೆಗಾಗಿ ಇನ್ನಷ್ಟು ಕಾಯಲು ಸಾಧ್ಯವಿಲ್ಲ. ಎರಡೂ ಕುಟುಂಬದ ಬಗ್ಗೆ ನನಗೆ ಸಂತೋಷವಾಗುತ್ತಿದೆ. ನಿಮ್ಮೊಂದಿಗೆ ಭಾಗವಹಿಸಲು ಖುಷಿಯಾಯಿತು ಎಂದು ಬರೆದಿದ್ದಾರೆ.

ಪರಿಣಿತಿ ಚೋಪ್ರಾ ಪೋಸ್ಟ್​ಗೆ ಕಮೆಂಟ್ ಮಾಡಿ ಮಿಮಿ ಅಕ್ಕ, ಬ್ರೈಡ್ಸ್​ಮೈಡ್ ಕೆಲಸಗಳು ಬರಲಿವೆ ಎಂದು ಬರೆದಿದ್ದಾರೆ. ಮೇ 13ರಂದು ಈ ಜೋಡಿಯ ನಿಶ್ಚಿತಾರ್ಥ ನೆರವೇರಿತು.

ನಾನು ಇದಕ್ಕಾಗಿಯೇ ಪ್ರಾರ್ಥಿಸಿದ್ದೆ. ನಾನು ಯಸ್ ಹೇಳಿದೆ ಎಂದು ಪರಿಣಿತಿ ಪೋಸ್ಟ್ ಹಾಕಿದ್ದರು. ಇದೇ ಫೋಟೋಗಳನ್ನು ಶೇರ್ ಮಾಡಿದ ರಾಘವ್ ನಾನು ಪ್ರಾಥಿಸಿದ್ದು ಇದಕ್ಕಾಗಿಯೇ. ಅವಳು ಯೆಸ್ ಎಂದಳು ಎಂದು ಬರೆದಿದ್ದಾರೆ.

ಪರಿಣಿತಿ ಚೋಪ್ರಾ ಅವರು ದಿಲ್​ಜಿತ್ ದೋಸಂಜ್ ಜೊತೆ ಚಮ್ಕೀಲಾ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಅಕ್ಷಯ್ ಕುಮಾರ್ ಜೊತೆ ದಿ ಗ್ರೇಟ್ ಇಂಡಿಯನ್ ರೆಸ್ಕ್ಯೂ ಸಿನಿಮಾ ಕೂಡಾ ಮಾಡಲಿದ್ದಾರೆ.