ಅಕ್ಕ ಪ್ರಿಯಾಂಕಾ ಚೋಪ್ರಾ ಹಾದಿಯಲ್ಲಿ ಕವರ್​ ಗರ್ಲ್​ Parineeti Chopra

ನಟಿ ಪರಿಣೀತಿ ಚೋಪ್ರಾ ಇತ್ತೀಚೆಗಷ್ಟೆ ನೇಪಾಳದಲ್ಲಿ ತಮ್ಮ ಬಹುನಿರೀಕ್ಷಿತ ಸಿನಿಮಾದ ಶೂಟಿಂಗ್​ ಮುಗಿಸಿ ಮುಂಬೈಗೆ ಮರಳಿದ್ದರು. ಅದಾಗಲೇ ಅವರು ತಮ್ಮ ಮತ್ತೊಂದು ಪ್ರಾಜೆಕ್ಟ್​ ಕುರಿತಾದ ವಿಷಯವನ್ನು ಹಂಚಿಕೊಂಡಿದ್ದಾರೆ.

ಬಾಲಿವುಡ್​ನಿಂದ ಇಂಟರ್ ನ್ಯಾಷನಲ್​ ಮಟ್ಟದಲ್ಲಿ ಗುರುತಿಸಿಕೊಳ್ಳುವ ಪ್ರಯತ್ನದಲ್ಲಿರುವ ನಟಿ ಪರಿಣೀತಿ ಚೋಪ್ರಾ ಅವರಿಗೆ ಈಗ ಸಖತ್ತಾಗಿರುವ ಅವಕಾಶ ಸಿಕ್ಕಿದೆ.

ವಿಶ್ವದ ದೊಡ್ಡ ನಿಯತಕಾಲಿಕೆಗಳಲ್ಲಿ ಒಂದಾಗಿರುವ Asiana Internationalಗೆ ಕವರ್​ ಗರ್ಲ್​ ಆಗಿ ಪೋಸ್​​ ಕೊಟ್ಟಿದ್ದಾರೆ ಪರಿಣೀತಿ ಚೋಪ್ರಾ. ಕ್ಲಾಸಿ ಲುಕ್​ನಲ್ಲಿ ಕಾಣಿಸಿಕೊಂಡಿರುವ ನಟಿಯ ಚಿತ್ರಗಳು ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿವೆ.

Asiana International ನಿಯತಕಾಲಿಕೆ ವೆಡ್ಡಿಂಗ್​ ಮ್ಯಾಗಜಿನ್​ ಆಗಿದ್ದು, ಇದರ ಕವಲ್​ ಪುಟದ ಫೋಟೋಶೂಟ್​ನಲ್ಲಿ ನಟಿ ಪರಿಣೀತಿ ಚೋಪ್ರಾ ಕಾಣಿಸಿಕೊಂಡಿದ್ದಾರೆ.

ಮದುಮಗಳ ಲುಕ್​ನಲ್ಲಿ ಪರಿಣೀತಿ ಚೋಪ್ರಾ ಪೋಸ್​ ಕೊಟ್ಟಿದ್ದು, ಅವರ ಲುಕ್​ ಸಖತ್ ಕ್ಲಾಸಿಯಾಗಿದೆ. ಅದರಲ್ಲೂ ಕೆಂಪು ಬಣ್ಣದ ಈ ಲೆಹೆಂಗಾದಲ್ಲಿ ತುಂಬಾ ಕ್ಯೂಟ್​ ಆಗಿ ಮಿಂಚಿದ್ದಾರೆ.

Asiana International ನಿಯಕಾಲಿಕೆಯಲ್ಲಿ ಪರಿಣೀತಿ ಚೋಪ್ರಾ ಪೋಸ್ ಕೊಟ್ಟಿರುವ ಸಂಚಿಕೆ ಈಗಾಗಲೇ 16 ದೇಶಗಳಲ್ಲಿ ಬಿಡುಗಡೆಯಾಗಿದೆ. ಅಲ್ಲದೆ ಇದರ ಶೂಟಿಂಗ್​ ನಡೆದಿರುವುದು ಲಂಡನ್​ನಲ್ಲಿ. ಈ ಮೂಲಕ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಹೆಸರು ಮಾಡಲು ಮುಂದಾಗಿದ್ದಾರೆ.

ಲಂಡನ್​ನಲ್ಲಿ ಚಿತ್ರೀಕರಣ ಮಾಡುವುದು ಸದಾ ಒಂದು ರೀತಿಯ ಫನ್​ ಎಂದಿದ್ದಾರೆ ಪರಿಣೀತಿ ಚೋಪ್ರಾ. ಲಾಕ್​ಡೌನ್​ನಲ್ಲಿ ಪರಿಣೀತಿ ಅಭಿನಯದ ಸೈನಾ ಹಾಗೂ ದ ಗರ್ಲ್​ ಆನ್ ದ​ ಟ್ರೇನ್​ ಹಾಗೂ ಸಂದೀಪ್​ ಔರ್​ ಪಿಂಕಿ ಫರಾರ್​ ಸಿನಿಮಾಗಳು ಒಟಿಟಿ ಮೂಲಕ ರಿಲೀಸ್​ ಆಗಿದ್ದವು.