Parineeti Chopra: ಏನೇ ಆದ್ರೂ ರಾಜಕಾರಣಿಯನ್ನು ಮದುವೆಯಾಗಲ್ಲ ಎಂದಿದ್ದ ಪರಿಣಿತಿ ಚೋಪ್ರಾ ರಾಘವ್ ಚಡ್ಡಾ ಜೊತೆ ಪ್ರೀತಿಯಲ್ಲಿ ಬಿದ್ದಿದ್ದು ಹೇಗೆ?

ಮೊನ್ನೆ ಎಂದರೆ ಮೇ 13ನೇ ತಾರೀಖು ಬಾಲಿವುಡ್ ನಟಿ ಪರಿಣಿತಿ ಚೋಪ್ರಾ ಮತ್ತು ಆಮ್ ಆದ್ಮಿ ಪಕ್ಷದ ರಾಜಕಾರಿಣಿಯಾದ ರಾಘವ್ ಚಡ್ಡಾ ಅವರ ಅದ್ದೂರಿ ನಿಶ್ಚಿತಾರ್ಥ ಸಮಾರಂಭವು ದೆಹಲಿಯ ಅವರ ಮನೆಯಲ್ಲಿ ನಡೆದಿದ್ದು ನಮಗೆಲ್ಲಾ ಗೊತ್ತೇ ಇದೆ.

ನಿಶ್ಚಿತಾರ್ಥ ಮಾಡಿಕೊಂಡ ನಂತರ ಈ ಜೋಡಿ ತಮ್ಮ ಮುದ್ದಾದ ಫೋಟೋಗಳನ್ನು ಶೀಘ್ರವೇ ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡರು ಮತ್ತು ಅವುಗಳು ಸಿಕ್ಕಾಪಟ್ಟೆ ವೈರಲ್ ಸಹ ಆದವು. ಈಗ, ಇವರ ಅಭಿಮಾನಿಗಳು ‘ನಿಶ್ಚಿತಾರ್ಥ ಅಂತೂ ಆಯ್ತು, ಮದುವೆ ಯಾವಾಗ ಮತ್ತು ಎಲ್ಲಿ?’ ಅಂತ ಕೇಳುತ್ತಿದ್ದಾರೆ.

ತಮ್ಮ ದೆಹಲಿ ಮನೆಯಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡ ನಟಿ ಪರಿಣಿತಿ ಚೋಪ್ರಾ ಮತ್ತು ರಾಘವ್ ಚಡ್ಡಾ: ಹಲವು ತಿಂಗಳುಗಳ ಊಹಾಪೋಹಗಳ ನಂತರ, ಪರಿಣೀತಿ ಚೋಪ್ರಾ ಶನಿವಾರ ಆತ್ಮೀಯ ಸಮಾರಂಭದಲ್ಲಿ ಆಪ್ ಪಕ್ಷದ ರಾಜಕೀಯ ನಾಯಕ ರಾಘವ್ ಚಡ್ಡಾ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡರು.

ನವದೆಹಲಿಯ ಕಪುರ್ಥಾಲಾ ಮನೆಯಲ್ಲಿ ಕುಟುಂಬ, ಸ್ನೇಹಿತರು ಮತ್ತು ವಿಶೇಷ ಅತಿಥಿಗಳ ಸಮ್ಮುಖದಲ್ಲಿ ಅವರು ಉಂಗುರಗಳನ್ನು ವಿನಿಮಯ ಮಾಡಿಕೊಂಡರು. ಆದರೆ ಅಭಿಮಾನಿಗಳಲ್ಲಿ ಅನೇಕ ಪ್ರಶ್ನೆಗಳಿವೆ ನೋಡಿ ಇವರಿಬ್ಬರ ಬಗ್ಗೆ. ಎಂದರೆ ಇವರಿಬ್ಬರು ಮೊದಲ ಬಾರಿಗೆ ಎಲ್ಲಿ ಭೇಟಿಯಾದರು ಮತ್ತು ಪರಸ್ಪರರು ಹೇಗೆ ಪ್ರೀತಿಯಲ್ಲಿ ಬಿದ್ದರು ಅಂತೆಲ್ಲಾ ಪ್ರಶ್ನೆಗಳಿವೆ ನೋಡಿ.

ಈ ಜೋಡಿಯ ಮೊದಲು ಭೇಟಿ ಎಲ್ಲಿ? ನಟಿ ಪರಿಣಿತಿ ಮತ್ತು ರಾಘವ್ ಹಲವು ವರ್ಷಗಳಿಂದ ಪರಸ್ಪರ ಪರಿಚಿತರಾಗಿದ್ದರು. ಅವರು ಲಂಡನ್ ಸ್ಕೂಲ್ ಆಫ್ ಎಕನಾಮಿಕ್ಸ್ ನಲ್ಲಿ ಒಟ್ಟಿಗೆ ಅಧ್ಯಯನ ಮಾಡಿದವರು ಮತ್ತು ದೀರ್ಘಕಾಲದಿಂದ ತುಂಬಾ ಒಳ್ಳೆಯ ಸ್ನೇಹಿತರಾಗಿದ್ದರು. ಅವರು ಲಂಡನ್ ನಲ್ಲಿ ಅಧ್ಯಯನ ಮಾಡುವಾಗ ಮೊದಲು ಭೇಟಿಯಾದರು.

ಪರಿಣಿತಿ ಅವರು ಮ್ಯಾಂಚೆಸ್ಟರ್ ಬಿಸಿನೆಸ್ ಸ್ಕೂಲ್ ನಿಂದ ಬಿಸಿನೆಸ್, ಫೈನಾನ್ಸ್ ಮತ್ತು ಎಕಾನಾಮಿಕ್ಸ್ ನಲ್ಲಿ ಟ್ರಿಪಲ್ ಹಾನರ್ಸ್ ಪದವಿ ಪಡೆದಿದ್ದರೆ, ರಾಘವ್ ಭಾರತಕ್ಕೆ ಮರಳುವ ಮೊದಲು ಲಂಡನ್ ನಲ್ಲಿ ಬೂಟಿಕ್ ವೆಲ್ತ್ ಮ್ಯಾನೇಜ್ಮೆಂಟ್ ಸಂಸ್ಥೆಯನ್ನು ಸ್ಥಾಪಿಸಿದ ನಂತರ ಲಂಡನ್ ಸ್ಕೂಲ್ ಆಫ್ ಎಕನಾಮಿಕ್ಸ್ (ಎಲ್ಎಸ್ಇ) ನಲ್ಲಿ ಅಧ್ಯಯನ ಮಾಡಿದರು.

ಇವರಿಬ್ಬರ ನಡುವೆ ಪ್ರೀತಿ ಹುಟ್ಟಿದ್ದು ‘ಚಮ್ಕಿಲಾ’ ಶೂಟಿಂಗ್ ಸೆಟ್ ನಲ್ಲಂತೆ: ಪರಿಣಿತಿ ಮತ್ತು ರಾಘವ್ ಅವರ ಪ್ರೇಮಕಥೆ ಕಳೆದ ವರ್ಷ ಚಮ್ಕಿಲಾ ಶೂಟಿಂಗ್ ಸೆಟ್ ಗಳಲ್ಲಿ ಪ್ರಾರಂಭವಾಯಿತು. ಪರಿಣಿತಿ ಪಂಜಾಬ್ ನಲ್ಲಿ ಚಿತ್ರೀಕರಣದಲ್ಲಿದ್ದರು ಮತ್ತು ರಾಘವ್ ಅವರನ್ನು ಭೇಟಿಯಾಗಲು ಹೋಗಿದ್ದರು. ನಂತರ, ಅವರಿಬ್ಬರು ಡೇಟಿಂಗ್ ಮಾಡಲು ಪ್ರಾರಂಭಿಸಿದರು ಮತ್ತು ಪರಸ್ಪರ ಪ್ರೀತಿಸಲು ಶುರು ಮಾಡಿದರು. ಪರಿಣಿತಿ ಮತ್ತು ರಾಘವ್ ಅವರು ಮೇ 13 ರಂದು ಅಧಿಕೃತವಾಗಿ ನಿಶ್ಚಿತಾರ್ಥ ಮಾಡಿಕೊಳ್ಳುವವರೆಗೂ ತಮ್ಮ ಸಂಬಂಧವನ್ನು ಅಧಿಕೃತವಾಗಿ ದೃಢಪಡಿಸಿರಲಿಲ್ಲ.

ಪರಿಣಿತಿ ಅವರು ಮನೀಶ್ ಮಲ್ಹೋತ್ರಾ ವಿನ್ಯಾಸಗೊಳಿಸಿದ ಪೂರ್ಣ ತೋಳಿನ ಸೂಟ್ ಧರಿಸಿದ್ದರೆ, ರಾಘವ್ ತಮ್ಮ ಸೋದರಮಾವ ಪವನ್ ಸಚ್ದೇವ್ ವಿನ್ಯಾಸಗೊಳಿಸಿದ ಅಚ್ಚನ್ ಧರಿಸಿದ್ದರು. ಆಚರಣೆಗಳನ್ನು ಪೂರ್ಣಗೊಳಿಸಿದ ನಂತರ, ಇವರಿಬ್ಬರು ಸಮಾರಂಭದ ಕೆಲವು ಫೋಟೋಗಳನ್ನು ಹಂಚಿಕೊಳ್ಳುವ ಮೂಲಕ ತಾವಿಬ್ಬರೂ ಬೇಗನೆ ಮದುವೆಯಾಗಲಿದ್ದೇವೆ ಅಂತ ಸಹ ಹೇಳಿದರು.

ಇವರು ಸಹ ವಿಕ್ಕಿ ಕೌಶಲ್-ಕತ್ರಿನಾ ಅವರ ಹಾಗೆ ರಾಜಸ್ಥಾನದಲ್ಲಿ ಮದುವೆಯಾಗಲಿದ್ದಾರಂತೆ!ವಿಕ್ಕಿ ಕೌಶಲ್-ಕತ್ರಿನಾ ಕೈಫ್ ಮತ್ತು ಸಿದ್ಧಾರ್ಥ್ ಮಲ್ಹೋತ್ರಾ-ಕಿಯಾರಾ ಅಡ್ವಾಣಿ ಅವರಿಂದ ಸ್ಫೂರ್ತಿ ಪಡೆದ ಈ ಜೋಡಿ ರಾಜಸ್ಥಾನದ ಭವ್ಯವಾದ ಹವೇಲಿಯಲ್ಲಿ ಮದುವೆಯಾಗಲಿದ್ದಾರೆ ಎಂದು ಬಾಲಿವುಡ್ ಲೈಫ್ ವರದಿ ಮಾಡಿದೆ. "ಪರಿ ಮತ್ತು ರಾಘವ್ ಅವರ ವಿವಾಹವು ದೆಹಲಿ ಅಥವಾ ರಾಜಸ್ಥಾನದಲ್ಲಿ ಅದ್ದೂರಿಯಾಗಿ ನಡೆಯಲಿದೆ ಎಂದು ಮೂಲಗಳು ಹೇಳುತ್ತಿವೆ.

ಪರಿಣಿತಿ ಚೋಪ್ರಾ ತನ್ನ ಮದುವೆಗಾಗಿ ಮನೀಶ್ ಮಲ್ಹೋತ್ರಾ ಅವರು ವಿನ್ಯಾಸಗೊಳಿಸಲಿರುವ ಕೆಂಪು ಲೆಹೆಂಗಾವನ್ನು ಮತ್ತೆ ಆರಿಸಿಕೊಳ್ಳಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ. "ಮದುವೆಯ ದಿನಾಂಕವನ್ನು ಇನ್ನೂ ನಿರ್ಧರಿಸಲಾಗಿಲ್ಲ, ಆದರೆ ಈ ವರ್ಷದ ಅಂತ್ಯದ ವೇಳೆಗೆ ಎಂದರೆ ಅಕ್ಟೋಬರ್ ಮತ್ತು ಡಿಸೆಂಬರ್ ನಡುವೆ ನಡೆಯಬಹುದು” ಅಂತ ಮೂಲಗಳು ತಿಳಿಸಿವೆ.