Pan India Movies: ಬಾಹುಬಲಿ ಬಳಿಕ 2 ಪಾರ್ಟ್​​ಗಳಲ್ಲೇ ಬಿಗ್​ ಸಿನಿಮಾಗಳು ಬರ್ತಿರೋದೇಕೆ..? ಏನಿದು ಸಕ್ಸಸ್​​ ಫಾರ್ಮುಲಾ?

ತೆಲುಗಿನ ನಟ ಡಾರ್ಲಿಂಗ್ ಪ್ರಭಾಸ್ ಸದ್ಯ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಗುರುತಿಸಿಕೊಂಡಿದ್ದಾರೆ. ಅವರ ಬಾಹುಬಲಿ ಸಿನಿಮಾದ ನಂತರ ಇದೀಗ ಸಿದ್ಧಗೊಳ್ಳುತ್ತಿರುವ ಸಲಾರ್ ಸಹ ಪ್ಯಾನ್ ಇಂಡಿಯಾ ಸಿನಿಮಾಗಿದ್ದು, ಇದು ಸಹ ಎರಡು ಭಾಗಗಳ್ಲಲಿ ತೆರೆಕಾಣುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ.

ಅಲ್ಲು ಅರ್ಜುನ್ ಸುಕುಮಾರ್ ಕಾಂಬಿನೇಷನ್ನಲ್ಲಿ ಪುಷ್ಪ ಚಿತ್ರವು ಎರಡು ಭಾಗಗಳಲ್ಲಿ ಬಿಡುಗಡೆಯಾಗಲಿದೆ ಎಂದು ಘೋಷಿಸಿದ್ದಾರೆ. ಮೊದಲ ಭಾಗ ಕಳೆದ ವರ್ಷ ಡಿಸೆಂಬರ್ 17 ರಂದು ಬಿಡುಗಡೆಯಾಗಿತ್ತು. ಚಿತ್ರ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಉತ್ತಮ ಯಶಸ್ಸನ್ನು ಕಂಡಿತು. ಇದಲ್ಲದೆ, ಚಿತ್ರವು 365 ಕೋಟಿಗೂ ಅಧಿಕ ಮೊತ್ತದ ಆದಾಯ ಗಳಿಸಿದೆ. ಅಲ್ಲು ಅರ್ಜುನ್ ಪುಷ್ಪ ಚಿತ್ರದಿಂದ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿದ್ದು, ಈ ಚಿತ್ರದ ಎರಡನೇ ಭಾಗಕ್ಕಾಗಿ ಬಾಲಿವುಡ್ ಪ್ರೇಕ್ಷಕರು ಕಾತರದಿಂದ ಕಾಯುತ್ತಿದ್ದಾರೆ.

ಎರಡು ಭಾಗಗಳಲ್ಲಿ ಸಿನಿಮಾವೊಂದರ ಚಿತ್ರೀಕರಣ ಆರಂಭವಾಗಿದ್ದು ರಾಮ್ ಗೋಪಾಲ್ ವರ್ಮಾ ನಿರ್ದೇಶನದ 'ರಕ್ತ ಚರಿತ್ರೆ' ಚಿತ್ರದ ಮೂಲಕ ಎಂದರೂ ತಪ್ಪಾಗಲಾರದು. ಸಿನಿಮಾದ ಕಥೆ ಹೆಚ್ಚಿದ್ದ ಕಾರಣ ಎರಡು ಭಾಗಗಳಲ್ಲಿ ತೆರೆಗೆ ಬಂದಿದೆ. ಚಿತ್ರದ ಎರಡನೇ ಭಾಗವು ಮೊದಲ ಭಾಗದಷ್ಟು ಯಶಸ್ವಿಯಾಗಲಿಲ್ಲ

ಪ್ರಭಾಸ್ ನಾಯಕನಾಗಿ ಮತ್ತು ರಾಣಾ ಖಳನಾಯಕನಾಗಿ ನಟಿಸಿರುವ 'ಬಾಹುಬಲಿ' ಚಿತ್ರದ ಮೂಲಕ ಮೊದಲು ಸಿನಿಮಾ ಮಾಡಲು ರಾಜಮೌಳಿ ಕೂಡ ಬಯಸಿದ್ದರು. ಆದರೆ ಕಥೆ ಉದ್ದವಾಗುತ್ತಿದ್ದಂತೆ ಎರಡು ಭಾಗಗಳಲ್ಲಿ ತೆರೆಕಂಡಿದೆ. ಜೊತೆಗೆ ಸೌತ್ ಸಿನಿಮಾ ರಂಗದ್ಲಲಿ ಹೊಸ ಅಲೆಯನ್ನು ಸೃಷ್ಟಿದ ಚಿತ್ರಗಳಿವು.

ಯಶ್ ಹೀರೋ ಆಗಿ ಪ್ರಶಾಂತ್ ನೀಲ್ ನಿರ್ದೇಶನದ 'ಕೆಜಿಎಫ್' ಮೊದಲ ಭಾಗ ಭರ್ಜರಿ ಯಶಸ್ಸು ಕಂಡಿತ್ತು. ಈ ಮೂಲಕ ಮೊದಲು ಕನ್ನಡದಲ್ಲಿ ಒಂದು ಸಿನಿಮಾ 5 ಭಾಷೆಗಳಲ್ಲಿ ತೆರೆಕಂಡಿತ್ತು. ಇದೀಗ ಕೆಜಿಎಫ್-2 ಚಿತ್ರವು ಏಪ್ರಿಲ್ 14ರಂದು ಬಿಡುಗಡೆಯಾಗಲಿದೆ.

ಕೆಜಿಎಫ್ ಸಿನಿಮಾ ಈಗಾಗಲೇ ಎರಡು ಭಾಗಗಳಲ್ಲಿ ತೆರೆಕಂಡಿದೆ. ನಿರ್ದೇಶಕ ಪ್ರಶಾಂತ್ ನೀಲ್ ಅವರು ಪ್ರಭಾಸ್ ಅಭಿನಯದ ‘ಸಾಲಾರ್’ ಸಿನಿಮಾವನ್ನು ಇದೇ ಮಾರ್ಗದಲ್ಲಿ ಎರಡು ಭಾಗಗಳಲ್ಲಿ ಚಿತ್ರೀಕರಿಸಲು ಮುಂದಾಗಿದ್ದಾರೆ ಎಂದು ತಿಳಿದು ಬಂದಿದೆ. ಈ ಬಗ್ಗೆ ಅಧಿಕೃತ ಹೇಳಿಕೆ ಹೊರಬೀಳಬೇಕಿದೆ.

ತಮಿಳಿನ ಖ್ಯಾತ ನಿರ್ದೇಶಕ ಮಣಿರತ್ನಂ ನಿರ್ದೇಶನದ ಮುಂಬರುವ ಮಹತ್ವಾಕಾಂಕ್ಷೆಯ ಪೊನ್ನಿಯಿನ್ ಸೆಲ್ವನ್ ಚಿತ್ರ ಸಹ ಎರಡು ಭಾಗಗಲ್ಲಿ ತೆರಕಾಣಲಿದೆ. ಈ ಚಿತ್ರ ಇದೇ ವರ್ಷ ಸೆಪ್ಟೆಂಬರ್ 30 ರಂದು ವಿಶ್ವದಾದ್ಯಂತ ಬಿಡುಗಡೆಯಾಗಲಿದೆ. ಅದರ ಭಾಗವಾಗಿ ಅಧಿಕೃತ ಪೋಸ್ಟರ್​ಗಳನ್ನು ಬಿಡುಗಡೆ ಮಾಡಲಾಗಿದೆ. ಮುಂದಿನ ವರ್ಷ ಎರಡನೇ ಭಾಗದ ಚಿತ್ರ ಬಿಡುಗಡೆಯಾಗಲಿದೆ.