Kabzaa Craze: ಪ್ಯಾನ್ ಇಂಡಿಯಾ ಕಬ್ಜ ಫುಲ್ ಹಲ್ ಚಲ್, ಮೊದಲ ದಿನ 4000 ಥಿಯೇಟರ್‌ನಲ್ಲಿ ರಿಲೀಸ್

ಪ್ಯಾನ್ ಇಂಡಿಯಾ ಕಬ್ಜ ಸಿನಿಮಾ ಮಾರ್ಚ್-17 ರಂದು ರಿಲೀಸ್ ಆಗುತ್ತಿದೆ. ಬುಕಿಂಗ್ ಓಪನ್ ಆಗಿ ಕೆಲವೇ ಕ್ಷಣದಲ್ಲಿ ದಾಖಲೆ ಮಾಡಿದೆ. ಇಡೀ ದೇಶ-ವಿದೇಶದಲ್ಲಿ ಮೊದಲ ದಿನವೇ ಎಲ್ಲ ಭಾಷೆಯಲ್ಲಿ ನಾಲ್ಕು ಸಾವಿರ ಥೀಯೇಟರ್‌ನಲ್ಲಿ ರಿಲೀಸ್ ಆಗುತ್ತಿದೆ.

ರಿಯಲ್ ಸ್ಟಾರ್ ಉಪೇಂದ್ರ ಮತ್ತು ಅಭಿನಯ ಚಕ್ರವರ್ತಿ ಸುದೀಪ್ ಅಭಿನಯದ ಈ ಚಿತ್ರದಲ್ಲಿ ಶಿವಣ್ಣ ಪಾತ್ರ ವಿಶೇಷವಾಗಿಯೇ ಗಮನ ಸೆಳೆಯುತ್ತಿದ್ದು ಈಗಾಗಲೇ ಈ ಚಿತ್ರಕ್ಕೆ ಸೆನ್ಸಾರ್ ಕೂಡ ಆಗಿದೆ. ಬಹು ಭಾಷೆಯಲ್ಲಿ ರಿಲೀಸ್ ಆಗ್ತಿರೋ ಈ ಚಿತ್ರಕ್ಕೆ ಸೆನ್ಸಾರ್ ಮಂಡಳಿ ಯು/ಎ ಪ್ರಮಾಣ ಪತ್ರ ಕೊಟ್ಟಿದ್ದಾರೆ.

ಕಬ್ಜ ಚಿತ್ರದ ನಿರ್ಮಾಪಕ-ನಿರ್ದೇಶಕ ಆರ್. ಚಂದ್ರು ತಮ್ಮ ಈ ಚಿತ್ರದ ಮೂಲಕ ಪ್ಯಾನ್ ಇಂಡಿಯಾ ಡೈರೆಕ್ಟರ್ ಕೂಡ ಆಗುತ್ತಿದ್ದಾರೆ. ಮಾರ್ಚ್-17 ರಂದು ತೆರೆಗೆ ಬರ್ತಿರೋ ಈ ಚಿತ್ರ ಈಗಾಗಲೇ ಎಲ್ಲೆಡೆ ಭಾರೀ ನಿರೀಕ್ಷೆಯನ್ನು ಹುಟ್ಟುಹಾಕಿದೆ.

ಕನ್ನಡ ಸೇರಿದಂತೆ ಬಹು ಭಾಷೆಯಲ್ಲಿ ರಿಲೀಸ್ ಆಗುತ್ತಿರೋ ಕಬ್ಜ ಚಿತ್ರಕ್ಕೆ ಹಿಂದಿಯಲ್ಲೂ ಸೆನ್ಸಾರ್ ಆಗಿದೆ. ಮಾರ್ಚ್-13 ರಂದು ಚಿತ್ರಕ್ಕೆ ಸೆನ್ಸಾರ್ ಕೂಡ ಆಗಿದೆ. ಯು/ಎ ಪ್ರಮಾಣ ಪತ್ರವೂ ಬಂದಿದೆ. ಆ್ಯಕ್ಷನ್ ಮತ್ತು ಫ್ಯಾಮಿಲಿ ಸೆಂಟಿಮೆಂಟ್ಸ್ ಈ ಚಿತ್ರದಲ್ಲಿದ್ದು ಈ ಕಾರಣಕ್ಕೆ ಯು/ಎ ಪ್ರಮಾಣ ಪತ್ರ ಕೊಡಲಾಗಿದೆ ಅಂತಲೂ ಸುದ್ದಿ ಇದೆ.

ಪ್ಯಾನ್ ಇಂಡಿಯಾ ಮಟ್ಟದ ಈ ಚಿತ್ರದ ಒಟ್ಟು ಅವಧಿ ಸುದೀರ್ಘವಾಗಿಲ್ಲ. ಬದಲಾಗಿ 2 ಗಂಟೆ 16 ನಿಮಿಷದ ಒಟ್ಟು ಚಿತ್ರ ಇದಾಗಿದೆ. ಉತ್ತರ ಭಾರತದ ದೆಹಲಿ, ಯುಪಿ, ಪಂಜಾಬ್, ರಾಜಸ್ಥಾನ್ ಭಾಗಗಳಲ್ಲಿ ವಿತರಣೆ ಹಕ್ಕನ್ನ ಗ್ರಾಂಡ್ ಮಾಸ್ಟರ್‌ ವಿಕಾಸ್ ಸಹಾನಿ ತಮ್ಮದಾಗಿಸಿಕೊಂಡಿದ್ದಾರೆ. ಮೂಲ ಚಿತ್ರ ಸೇರಿದಂತೆ ಡಬ್ಬಿಂಗ್ ಹಕ್ಕನ್ನು ಇವರೇ ಪಡೆದುಕೊಂಡಿದ್ದಾರೆ.

ಬಾಲಿವುಡ್ ಸೇರಿದಂತೆ ತೆಲುಗು, ತಮಿಳು, ಮಲಯಾಳಂ ಹೀಗೆ ಎಲ್ಲ ಭಾಷೆಯಲ್ಲಿ ಎಲ್ಲೆಡೆ ರಿಲೀಸ್ ಆಗುತ್ತಿರೋ ಕಬ್ಜ ಸಿನಿಮಾ ಭಾರೀ ನಿರೀಕ್ಷೆ ಹುಟ್ಟಿಸಿದೆ. ಈ ಮೂಲಕ ಕನ್ನಡದ ಮತ್ತೊಂದು ಹೆಮ್ಮೆಯ ಸಿನಿಮಾ ಇದಾಗಿದೆ. ಇದರೊಟ್ಟಿಗೆ ಆರ್. ಚಂದ್ರು ದೊಡ್ಡ ಮಟ್ಟದ ಸಿನಿಮಾ ಮಾಡಿ ದೊಡ್ಡ ಮಟ್ಟದ ನಿರೀಕ್ಷೆಯನ್ನ ಇಟ್ಟುಕೊಂಡಿದ್ದಾರೆ.

ರಿಯಲ್ ಸ್ಟಾರ್ ಉಪೇಂದ್ರ, ಅಭಿನಯ ಚಕ್ರವರ್ತಿ ಸುದೀಪ್, ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅಭಿನಯದ ಈ ಚಿತ್ರ ಟ್ರೈಲರ್ ಮೂಲಕ ಬೇರೆ ಲೆವಲ್‌ನ ಸಿನಿಮಾ ಅನಿಸುತ್ತಿದೆ. ಟೀಸರ್ ಬೇರೆ ಫೀಲ್ ಕೊಟ್ಟಿದ್ದು ಗೊತ್ತೇ ಇದೆ. ಆದರೆ ರವಿ ಬಸ್ರೂರು ಸಂಗೀತದ ಎಲ್ಲ ಹಾಡುಗಳೂ ಹೊಸ ಮೋಡಿ ಮಾಡಿವೆ. ಒಟ್ಟಾರೆ ಕಬ್ಜ ಸಿನಿಮಾ ಕನ್ನಡದ ಮತ್ತೊಂದು ಪ್ಯಾನ್ ಇಂಡಿಯಾ ಚಿತ್ರವಾಗಿದ್ದು ದೊಡ್ಡ ಭರವಸೆಯನ್ನ ಮೂಡಿಸಿದೆ.